Home កីឡា អូ​ឌៀ​ន អ៊ី​ហ...

អូ​ឌៀ​ន អ៊ី​ហ្គា​ឡូ អះអាងថា ការផ្ទេរ​មកកាន់​ពហុ​កីឡដ្ឋាន Old Trafford គឺ​សុបិន​ក្លាយជា​ការពិត

កីឡាករ អូ​ឌៀ​ន អ៊ី​ហ្គា​ឡូ (Odion Ighalo) ជា​អ្នកគាំទ្រ​ក្លឹប​ម៉េ​ន​ឆេ​ស្ទ័​រ យូ​ណាយ​ធី​ត​អះអាងថា ខ្លួន​មិន​ចំណាយពេល​គិត​យូរ​នោះទេ នៅពេល​ទទួលយក​ការកាត់បន្ថយ​ប្រាក់​ឈ្នួល ដើម្បី សម្រេច​កិច្ចព្រមព្រៀង​ផ្ទេរ​មកកាន់​ពហុ​កីឡដ្ឋាន Old Trafford នៅ​ថ្ងៃ​ចុងក្រោយ​នៃ​រដូវ​កាល ទិញដូរ​។​
​ ​
ស្របពេល​លោក អូ​ឡេ ហ្គា​ន់​ណា សូល​ស្យែ​រ (Ole Gunnar Solskjaer) កំពុង​ខ្វះ​ខ្សែប្រយុទ្ធក្លិប​យូ​ណាយ​ធី​ត​បាន​ស្វែងរក​ខ្សែប្រយុទ្ធ​ប្រកបដោយ​គុណភាព​ម្នាក់ ដើម្បី​បំពេញ​តំណែង ទំនេរ បន្ទាប់ពី​ខ្សែប្រយុទ្ធ ម៉ា​គូស រ៉ា​ហ្វ​ដ (Marcus Rashford) រងរបួសមុនពេល​សម្រេច​នាំយក អ៊ី​ហ្គា​ឡូ ក្នុង​កិច្ចសន្យាខ្ចី​ជើង​តែ​ប៉ុន្មាន​នាទី​មុនពេល​រដូវ​កាល​ទិញដូរ​បិទទ្វារ​។​
​ ​
បន្ទាប់ពី​បាន​ចុះ​កិច្ចព្រមព្រៀង​លេង​ឲ្យ​ក្លិប Shanghai Shenhua កាលពី​ខែកុម្ភៈ​កាលពី​ឆ្នាំមុន អ៊ី​ហ្គា​ឡូ បាន​លេង​ពេញ​នៅ​ក្របខណ្ឌ​ចិន ចាប់តាំងពី​ចាកចេញ​ពី​ក្លិប Wafford ប៉ុន្តែ​នៅ ពេលនេះ ត្រៀម​វិលត្រឡប់​មកកាន់​ក្របខ័ណ្ឌ​ព្រី​មី​ញ៉េ​លី​ក ហើយ​វា​គឺជា​រឿង​សប្បាយចិត្ត មែនទែន​ដោយសារ​យូ​ណាយ​ធី​ត​គឺជា​ក្លិប​ដែល​ខ្លួន​គាំទ្រ​ពេញ​មួយជីវិត​។​
​ ​
ថ្លែង​ជា​លើកដំបូង​ចាប់តាំងពី​សម្រេច​កិច្ចព្រមព្រៀង​ផ្ទេរ​នៅ​នាទីចុងក្រោយ អ៊ី​ហ្គា​ឡូ​បាន​ប្រាប់គេហទំព័រ​របស់​ក្លិប​យូ​ណាយ​ធី​ត​ថា “​ខ្ញុំ​ស​ប្បា​ចិត្ត​មែនទែន​។ ដំបូង​ខ្ញុំ​សូម​ថ្លែងអំណរគុណ​ចំពោះ ការធ្វើ​ឲ្យ​រឿងនេះ​កើតឡើង ហើយ​ហាក់ដូចជា​សុ​បិ​ន្ត​ក្លាយជា​ការពិត​សម្រាប់​ខ្ញុំ​”​។​
​ ​
​ស្របពេល អ៊ី​ហ្គា​ឡូ មាន​ប្រាក់​ឈ្នួល​ដើម​៣៣០.០០០​ផោន​ក្នុង​មួយ​សប្តាហ៍​នៅ​ក្លិប Shanghai Shenhua អ៊ី​ហ្គា​ឡូ មានបំណង​កាត់បន្ថយ​ប្រាក់​ឈ្នួល ដើម្បី​ឲ្យ​សម្រេច​ក្តី​សុបិន​របស់ខ្លួន​៕ ប្រែ​សម្រួល​: ពិសិដ្ឋ​

កីឡាករ អូ​ឌៀ​ន អ៊ី​ហ្គា​ឡូ (Odion Ighalo)

ទីតាំងផ្សាយពាណិជ្ជកម្ម

- Advertisment -

Most Popular

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...

មន្ត្រី​កសិកម្ម ខេត្តកំពង...

​ដោយៈ ទេ​ពក​ង្រី / កំពង់ឆ...