Home ព័ត៌មានអន្តរជាតិ អា​បេ បញ្ជា​ឲ...

អា​បេ បញ្ជា​ឲ្យ​ចាត់វិធានការ​នៅពេលជ​ប៉ុន​ក្លាយជា​ប្រទេស​ទី​២​បន្ទាប់​ពី​ចិន​ដែល​មាន​អ្នក​ឆ្លង​ច្រើនជាងគេ​

​នាយករដ្ឋមន្ត្រី​ជប៉ុន លោក​ស៊ីន​ហ្សូ អាបេ ​បាន​ចេញ​បញ្ជា​ឲ្យ​រដ្ឋាភិបាល​របស់​លោក​ចាត់​«​វិធានការ​ចាំបាច់​ទាំងអស់​»​ដើម្បី​កាត់បន្ថយ​ផល​ប៉ះពាល់​ពី​ការ​​ផ្ទុះ​កូរ៉ូណា​វីរុស​ទៅលើ​សេដ្ឋកិច្ច​របស់​ប្រទេស រួម​មាន​ការ​បម្រុង​ថវិកា​ទុក​ផង នេះ​បើ​តាម​ការអះអាង​របស់​រដ្ឋមន្ត្រី​សេដ្ឋកិច្ច​ជប៉ុន​កាលពី​ថ្ងៃ​សុក្រ​ទី​៧​កុម្ភៈ​។​

​លោក​រដ្ឋមន្ត្រី​យ៉ា​ស៊ូ​តូស៊ី នី​ស៊ី​មូរ៉ា បាន​ប្រាប់​អ្នកយកព័ត៌មាន​ថា «​មាន​ហានិភ័យ​ដែល​ថា​ការផ្ទុះ​ជំងឺឆ្លង​នេះ​នឹង​ប៉ះពាល់​ដល់​ការប្រើប្រាស់ ដូច្នេះ​យើង​ត្រូវ​តាម​​ដាន​មើល​ការវិវឌ្ឍនៃ​ស្ថានភាព​សុខាភិបាល​ដោយ​យកចិត្តទុកដាក់​។​ការប៉ះពាល់​ដល់​ភ្ញៀវទេសចរ​ចូលមក​ក៏​គួរ​ឲ្យ​ព្រួយបារម្ភ​»​។​

​ការប្រកាស​ឲ្យ​ចាត់​វិធានការ​នេះ​កើតឡើង​ចំពេល​ជប៉ុន​បាន​រកឃើញ​អ្នក​ឆ្លង​៤១​នាក់​ទៀត​នៅ​លើ​នាវា​កម្សាន្ត​មួយ ជាហេតុ​នាំ​ឲ្យ​ចំនួន​អ្នក​ឆ្លង​សរុប​​លើ​នាវា​នេះ​កើន​ដល់​៦១​នាក់​។​

​រដ្ឋ​មន្ត្រី​សុខាភិបាល​ជប៉ុន​បាន​និយាយថា​ ករណី​ឆ្លង​ថ្មី​នេះ​ចេញពី​លទ្ធផល​ពិនិត្យ​រក​វីរុស​ក្នុងចំណោម​អ្នកដំណើរ​១៧១​នាក់​នៅ​សេសសល់​ចុង​ក្រោយ​នៅ​លើ​នាវា​​ដឹក​អ្នកដំណើរ​កម្សាន្ត​Diamond Princess​ដែល​ត្រូវ​អាជ្ញាធរ​ជប៉ុន​បញ្ជា​ឲ្យ​បោះ​យុថ្កា​នៅក្នុង​សមុទ្រ​និង​ដាក់​នៅ​ដាច់​ពី​គេ​១៤​ថ្ងៃ​ដើម្បី​តាមដាន​រក​វីរុស ក្រោយ​ពី​អតីត​អ្នកដំណើរ​ម្នាក់​ក្នុង​នាវា​នេះ​ត្រូវបាន​រកឃើញ​ថា​មាន​ផ្ទុក​កូរ៉ូណា​វីរុស​នៅ​ហុងកុង​។​

​ក្នុងចំណោម​មនុស្ស​៣.៧០០​នាក់​ក្នុង​នាវា ការពិនិត្យ​ដំបូង​រកឃើញ​អ្នក​ផ្ទុក​វីរុស​១០​នាក់ និង​ក្រោយ​មក​រក​ឃើញ​១០​នាក់​ទៀត​។​

​ករណី​ថ្មី​នេះ​ធ្វើឲ្យ​ជប៉ុន​មាន​អ្នក​ផ្ទុក​កូរ៉ូណា​វីរុស​ថ្មី​កើន​ដល់​ជាង​៨០​នាក់ គឺ​ច្រើន​ជាង​ប្រទេស​ណា​ទាំងអស់​ក្រៅ​ពី​ចិន​៕​ប្រែ​សម្រួល​៖​វាសនា​/Ha

អ្នកដំណើរ​ត្រូវ​បង្ខាំង​ក្នុង​នាវា និង​អ្នក​រក​ឃើញ​ផ្ទុក​វីរុស​ត្រូវ​នាំ​ចេញ​បញ្ជូន​ទៅ​ព្យាបាល​នៅ​មន្ទីរពេទ្យ​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...