​ក្រោយ​ស៊ី​ហ្គេម ឆ្នាំ​២០២៣ ការប្រកួត​កីឡា​ជាតិ នឹង​ឈានទៅ​ធ្វើ នៅតាម​បណ្ដា​ខេត្ត​នានា​

ដោយ​៖ រ៉ូ​ហ្សា
​ភ្នំពេញ​៖
រដ្ឋលេខាធិការ ក្រសួង​អប់រំ យុវជន និង​កីឡា លោក ស សុខា បាន​ថ្លែងថា បន្ទាប់ពី​ស៊ី​ហ្គេម ឆ្នាំ​២០២៣ ដែល​កម្ពុជា ធ្វើជា​ម្ចាស់ផ្ទះ ទៅ​ការប្រកួត​កីឡា​ជាតិ មិនត្រូវ​បាន​ផ្អាក​ឡើយ គឺ​នៅតែ​រៀបចំ​ធ្វើ​រៀងរាល់ ២ ឆ្នាំ​ម្ដង គឺ​រៀងរាល់ឆ្នាំ​គូ ។​

​ឆ្នាំ​២០២០ នេះ ក៏ដូចជា ការប្រកួត ២ លើក កន្លងមកហើយ​ដែរ គឺ​ធ្វើ​នៅ​រាជធានី​ភ្នំពេញ ។ នៅ​ឆ្នាំ​២០២២ ដែលជា​ការប្រកួត​ចុងក្រោយ​ ​មុនពេល​កម្ពុជា ធ្វើជា​ម្ចាស់ផ្ទះ​ស៊ី​ហ្គេម​នោះ ក៏​ប្រកួត​នៅ​រាជធានី​ភ្នំពេញ​ដែរ ។​

​លោក​បាន​បន្តថា ការប្រកួត​កីឡា ជា​ទម្រង់​ហ្គេម​នេះ ប្រទេស​គេ ធ្វើ​មុន​កម្ពុជា​ទៅទៀត បន្ត​មកទល់ពេលនេះ ស្ទើរតែ​គ្រប់​ប្រទេស លើ​ពិភពលោក គេ​ក៏​ប្រកួត​ជា​ទម្រង់​ហ្គេម​នេះដែរ ។​

លោក ស សុខា រដ្ឋលេខាធិការ ក្រសួង​អប់រំ យុវជន និង​កីឡា

​លោក​រដ្ឋលេខាធិការ បាន​បន្តថា ក្រោយ​ឆ្នាំ​២០២៣ ការប្រកួត​កីឡា​ជាតិ ទាំងអស់ នឹង​ប្ដូរ​ទិស​ទៅ​ប្រកួត នៅតាម​បណ្ដា​ខេត្ត​មួយចំនួន​ ​ដែលមាន​ហេ​ដ្ឋ​រចនាសម្ព័ន្ធ មាន​សក្ដានុពល អាច​ទទួល​រៀបចំ​បាន ។ ពិសេស​បណ្ដា​ខេត្ត ដែលមាន​សកម្មភាព​កីឡា​ខ្លាំងៗ មាន​កីឡា​ជាច្រើន​ប្រភេទ និង​មាន​សក្ដានុពល​ទេសចរណ៍ ។​

​លោក ស សុខា បាន​ទទួលស្គាល់ថា នៅ​ភ្នំពេញ ហេដ្ឋារចនាសម្ព័ន្ធ (​ទីលាន​ប្រកួត​) ពិត​ជាមាន​ច្រើន​មែន តែ​យើង​ត្រូវ​ផ្ដល់ឱកាស​ឲ្យ​បណ្ដា​ខេត្ត រាជធានី ដទៃទៀត បានទទួល​ធ្វើជា​ម្ចាស់ផ្ទះ នៃ​ការប្រកួត​ឲ្យ ដូច​ស៊ី​ហ្គេម អីចឹង​ដែរ ។​

​ពេលនេះ ខេត្ត​ដែល​គេ​មើលឃើញថា អាច​ទទួល​រៀបចំ ការប្រកួត​កីឡា​ជាតិ​បាន មាន​ខេត្តសៀមរាប បាត់ដំបង កំពង់ចាម ជាដើម​ ​ហើយ​ខេត្ត​មួយចំនួនទៀត ក៏មាន​លទ្ធភាព អាច​រៀបចំ​ធ្វើ​ម្ចាស់ផ្ទះ​បានដែរ ។ ព្រឹត្តិការណ៍​នេះ អាច​នឹងធ្វើ​ឆ្លាស់គ្នា ពី​ខេត្ត​មួយ ពី​រាជធានី​មួយ​ ទៅ​រាជធានី ខេត្ត​មួយ រៀងរាល់ ២ ឆ្នាំ​ម្ដង ៕v

ទីតាំងផ្សាយពាណិជ្ជកម្ម

- Advertisment -

Most Popular

យី ធា អតីត​ពេទ្យ​ខ្មែរក្រ...

​ហ៊ាន ពិសី​៖ អ្នកស្រា...

ហេដ្ឋារចនាសម្ព័ន្ធ​ធារាសា...

ដោយៈ​ប​.​ខុន​/​ភ្នំពេញៈ​រ...

ព្រឹត្តិការណ៍​ជាតិ​សំខាន់...

ដោយ​: ម៉េង​ឆៃ​/ ភ្នំពេញ​:...

បន្ទាប់ពី​រកឃើញ​កូ​វីដ​១៩...

ដោយៈ​មុនី​រ័ត្ន​,គូលែន/​ភ...