ដោយ៖សៅវ៉ាន់ឌី/ព្រះវិហារ៖តំបន់ប្រតិបត្តិការសឹករងខេត្តព្រះវិហារបានស្ថាបនាផ្លូវចាក់បេតុប្រវែង៣៣៥ម៉ែត្រទទឹង១០ម៉ែត្រមានសួនច្បារចំកណ្ដាលពីខ្លោងទ្វារមុខរហូតដល់សាលប្រជុំក្នុងទីបញ្ជាការ។ជុសជុលលាបពណ៌សារឡើងវិញនូវសាលប្រជុំដែលប្រើថវិការអស់ជិត៣ម៉ឺនដុល្លាររួមទាំងថវិកាផ្ទាល់របស់លោកមេបញ្ជាការ។
លោកឧត្ដមសេនីយ៍ទោច័ន្ទសុភ័ត្ត្រាមេបញ្ជាកាតំបន់ប្រតិបត្តិការសឹករងព្រះវិហារបានថ្លែងថានេះជាកិច្ចសហប្រតិបត្តិការល្អរវាងតំបន់ប្រតិបត្តិការសឹករងព្រះវិហារជាមួយកងទ័ពស្ម័គ្រចិត្តប្រជាជនវៀតណាមខេត្តបារៀវង់តាវបានចងសម្ព័ន្ធមេត្រីភាពជាមួយគ្នាធ្វើឱ្យឈានទៅដល់មានការឧបត្ថមគាំទ្រ ពីមិត្តវៀតណាមដល់តំបន់ប្រតិបត្តិការសឹករងខេត្តព្រះវិហារ។
លោកមេបញ្ជាការ បានកោតសរសើរដល់កម្លាំងទាំងអស់ក្រៅពីកិច្ចការវិស័យការពារជាតិការងារស្នូល ការងារហ្វឹកហាត់ការងារត្រៀមប្រយុទ្ធក៏អាចចេះធ្វើការងារអ្វីៗដូចប្រជាពលរដ្ឋដែរ។លើសពីនេះទៅទៀតលោកមេបញ្ជាការក៏បានគិតគូរជួយជ្រោមជ្រែងដល់ផ្នែកសឹករងគ្រប់បណ្ដាអង្គភាពនិងចំណាយថវិកាផ្ទាល់ខ្លួន ដើម្បីកសាងជាប្រយោជន៍រួម៕S/
