ដោយៈសុផល/ភ្នំពេញ៖ស្ថានទូតជប៉ុនប្រចាំកម្ពុជាសហការជាមួយមជ្ឈមណ្ឌលសហប្រតិបត្តិការកម្ពុជា-ជប៉ុន(CJCC)និងវិទ្យាស្ថានភាសាបរទេស(IFL)នៃសាកលវិទ្យាល័យភូមិន្ទភ្នំពេញនឹងរៀបចំនូវកម្មវិធីប្រឡងប្រជែងថ្លែងសុន្ទរកថាភាសាជប៉ុនលើកទី២៣នៅកម្ពុជា។កម្មវិធីប្រឡងប្រជែងនេះធ្វើនៅថ្ងៃអាទិត្យទី២៤ខែឧសភាឆ្នាំ២០២០ខាងមុខនៅសាលអង្គរ-គីហ្សូណានៃCJCCតាមរយៈការសម្រិតសម្រាំងបេក្ខជនដាក់ពាក្យដែលនឹងត្រូវជ្រើសរើសនៅថ្ងៃទី២៤ ខែមីនា ឆ្នាំ២០២០។
ការប្រឡងប្រជែងថ្លែងសុន្ទរកថាភាសាជប៉ុនត្រូវបានប្រារព្ធឡើងជារៀងរាល់ឆ្នាំក្នុងគោលបំណងផ្សព្វផ្សាយការអប់រំភាសាជប៉ុននៅកម្ពុជានិងផ្តល់ឱកាសសម្រាប់អ្នកសិក្សាភាសាជប៉ុនបង្ហាញនូវសមត្ថភាពក្នុងការនិយាយភាសាជប៉ុន។ពាក្យសុំចូលរួមប្រឡងប្រជែងចាប់បើកទទួលពីថ្ងៃទី១ខែកុម្ភៈដល់ថ្ងៃទី២៩ខែកុម្ភៈឆ្នាំ២០២០នៅCJCCឬអាចដាក់ពាក្យបានតាមអនឡាញ។
ពាក្យសុំនិងសេចក្តីណែនាំពីការចូលរួមប្រកួតអាចរកបាននៅលើទំព័រហ្វេសប៊ុករបស់CJCCដែលមានអាស័យដ្ឋាន៖https://www.facebook.com/cjcc.fb/photos/a.193791777354300/2782240148509437/]វេបសាយ [http://bit.ly/380mjxp] វីដេអូ Youtube [https://youtu.be/1FaWf26pnhg]៕S/
