Home ព័ត៌មានអន្តរជាតិ អ្នកវិទ្យាសាស...

អ្នកវិទ្យាសាស្ត្រចិនសង្ស័យពង្រូល ជាភ្នាក់ងារចម្លងមេរោគ កូរ៉ូណាមកមនុស្ស

ក្រុមអ្នកវិទ្យាសាស្ត្រចិនបាននិយាយកាលពីថ្ងៃសុក្រទី៧កុម្ភៈថា សត្វពង្រូល ជិតផុតពូជអាចមានទំនាក់ទំនងផ្សារភ្ជាប់ទៅនឹងការរីករាលដាលនៃវីរុសកូរ៉ូណានៅទូទាំងប្រទេសចិន។

ក្រុមអ្នកស្រាវជ្រាវបានសង្ស័យជាយូរមកហើយថា វីរុសកូរ៉ូណា ដែលឥឡូវបាន​សម្លាប់មនុស្សជាង ៦៣០ នាក់និងឆ្លងទៅមនុស្សជាង ៣១.០០០ នាក់ ត្រូវបានចម្លងពីសត្វទៅមនុស្សនៅឯផ្សារមួយក្នុងទីក្រុងវូហានភាគកណ្តាល​ប្រទេសចិនកាលពីចុងឆ្នាំមុន។

សាកលវិទ្យាល័យកសិកម្មចិនខាងត្បូងបាននិយាយក្នុងសេចក្តីថ្លែងការណ៍មួយដោយមិនផ្តល់ព័ត៌មានលម្អិតយ៉ាងដូច្នេះថា អ្នកស្រាវជ្រាវនៅសាកលវិទ្យាល័យ​កសិកម្មចិនខាងត្បូងបានកំណត់អត្តសញ្ញាណសត្វពង្រូលជា “ភ្នាក់ងារចម្លងរោគ​អន្តរការី”។

វីរុសថ្មីនេះត្រូវគេជឿថាមានដើមកំណើតពីសត្វប្រចៀវ​ប៉ុន្តែក្រុមអ្នក​ស្រាវជ្រាវ​បានលើកឡើងថាច្បាស់ជាមាន “ភ្នាក់ងារអន្តរការី” ក្នុងការបញ្ជូនមេរោគទៅ​មនុស្ស។

ទីភ្នាក់ងារសារព័ត៌មានចិនស៊ីនហួ បានរាយការណ៍ថា បន្ទាប់ពីបានធ្វើតេស្ត​សំណាក​សត្វព្រៃជាង ១.០០០ ក្បាល អ្នកវិទ្យាសាស្ត្រមកពីសាកលវិទ្យាល័យ​បានរកឃើញថា លំដាប់ហ្សែនរបស់វីរុសដែលរកឃើញនៅលើសត្វពង្រូល មានលក្ខណៈដូចគ្នា ៩៩ ភាគរយទៅនឹងមេរោគនៅក្នុងខ្លួនអ្នកជំងឺកូរ៉ូណា។

សត្វពង្រូលត្រូវបានគេចាត់ទុកថាជាសត្វដែលត្រូវបានជួញដូរច្រើនបំផុតនៅលើ​ភពផែនដី​ហើយពង្រូលជាងមួយលានក្បាលត្រូវបានចាប់យកពីព្រៃនៅអាស៊ីនិង​អាហ្វ្រិកក្នុងទសវត្សរ៍កន្លងទៅ។ នេះបើយោងតាមអង្គការសហភាពអន្តរជាតិ​សម្រាប់ការអភិរក្ស​ធម្មជាតិ (IUCN) ។

ពង្រូលទាំងនោះត្រូវដឹកទៅផ្សារនៅក្នុងប្រទេសចិននិងវៀតណាម កន្លែងដែល​ស្រកា​របស់វាត្រូវបានប្រើក្នុងឱសថបុរាណ ដ្បិតគ្មានអត្ថប្រយោជន៍ខាង​វេជ្ជសាស្ត្រ ហើយសាច់របស់វាត្រូវគេដាក់លក់នៅលើទីផ្សារងងឹត៕ ដោយ៖ កញ្ញាដាលីស/Ha

ពង្រូលអាចជាភ្នាក់ងារចម្លងរោគអន្តរការីមួយ

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ​នាយករដ្ឋមន្ត...

​ដោយៈ​តារា​រិ​ទ្ធ​,​មុនី​...

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...