នេះជាទិដ្ឋភាពគួរឱ្យរំភើបចិត្តដែលស្វាធំ មួយក្បាលមានចិត្តល្អចេះហុចដៃឱ្យបុរសម្នាក់ចាប់ តោង ឱ្យឡើងពីទឹក។
ស្វាដ៏សែនចេះដែលរស់នៅតំបន់ព្រៃអភិរក្សលើកោះប័រណេអូ (Borneo) នេះបានហុចដៃឱ្យ បុគ្គលិកអង្គការអភិរក្សស្វាដែលកំពុងរកចាប់ពស់ ចាប់តោងឡើងមកលើគោក។
ទិដ្ឋភាពដ៏គួរឱ្យចាប់អារម្មណ៍នេះ ត្រូវអ្នកថតរូបមិនមែនអាជីពម្នាក់ឈ្មោះ អានីល ប្រាបាកា (Anil Prabhakar) មកពីប្រទេសឥណ្ឌូនេស៊ី ថតបានដោយចៃដន្យ ពេលគាត់កំពុងបរបាញ់ ជាមួយមិត្តភក្ដិ។
សូមបញ្ជាក់ថា អង្គការ Borneo Orangutan Survival Foundation (មូលិធិដើម្បីការរស់រាន នៃស្វា Orangutan នៅប័រណេអូ) ដែលជាអង្គការឥណ្ឌូនេស៊ី មិនស្វែងរកប្រាក់ចំណេញ បានបើកដំណើរការក្នុងឆ្នាំ១៩៩១ ហើយបច្ចុប្បន្នមានបុគ្គលិក ៤០០នាក់ដែលកំពុងមើលថែ ស្វាប្រភេទនេះប្រមាណ ៦៥០ ក្បាល៕ ប្រែសម្រួលៈខុម
