ដោយៈ មេសា/ភ្នំពេញៈ ក្រសួងសុខាភិបាល នៃ ព្រះរាជាណាចក្រកម្ពុជា បានប្រកាសថា បច្ចុប្បន្ននេះ មានងហាងកែសម្ផស្ស និង មជ្ឈមណ្ឌលថែរក្សាសម្ផស្សមួយចំនួន មិនទាន់មានច្បាប់អនុញ្ញាតពីក្រសួងសុខាភិបាលនៅឡើយ ខណៈច្បាប់ដែលចេញនៅឆ្នាំ ២០១១ តម្រូវឱ្យទីតាំងទាំងនោះមានច្បាប់អនុញ្ញាតពីក្រសួងសុខាភិបាល ។ ដូច្នេះសូមលោក លោកស្រីដែលជាម្ចាស់ហាងកែសម្ផស្ស និង មជ្ឈមណ្ឌលថែរក្សាសម្ផស្ស ដែលពុំទាន់មានច្បាប់អនុញ្ញាតពីក្រសួងសុខាភិបាល ឬ មានបំណងចង់បើកមជ្ឈមណ្ឌលកែសម្ផស្ស ឬ មជ្ឈមណ្ឌលថែរក្សាសម្ផស្ស ត្រូវមទំនាក់ទំនងនៅ នាយកដ្ឋានមន្ទីរពេទ្យ ឬ នាយកដ្ឋានឱសថ ចំណីអាហារ បិរក្ខាពេទ្យ និង គ្រឿងសំអាង នៃ ក្រសួងសុខាភិបាលចាប់ពីថ្ងៃជូនដំណឹងនេះតទៅ ។
សេចក្តីប្រកាសដដែលបញ្ជាក់ច្បាស់ថា ករណីម្ចាស់ហាងកែសម្ផស្ស ឬ មជ្ឈមណ្ឌលថែរក្សាសម្ផស្ស មិនគោរពតាមសេចក្តីជូនដំណឹងនេះ ក្រសួងនឹងចាត់វិធានការតឹងរឹងតាមច្បាប់ និង លិខិតបទដ្ឋាគតិយុត្តជាធរមាន ។
សេចក្តីប្រកាសនេះបានបន្ថែមថា ការធ្វើបែបនេះ គឺដើម្បីពង្រឹងការអនុវត្តឱ្យស្របតាមបទដ្ឋានបច្ចេកទេស សំដៅធានាបាននូវសុវត្ថិភាព គុណភាព និង ប្រសិទ្ធភាព ក្នុងការផ្តល់សេវាកម្មកែសម្ផស្ស និង ថែរក្សាសម្ផស្សដល់អតិថិជន ៕ Kh
