Home ព័ត៌មានអន្តរជាតិ ហុងកុង​ចាប់ផ្...

ហុងកុង​ចាប់ផ្តើម​អនុវត្ត​ចត្តា​ឡី​ស័កលើ​អ្នក​មក​ពី​ចិនដីគោក​រយៈពេល​១៤​ថ្ងៃ​

​ក្រុង​ហុងកុង​បានចាប់ផ្តើម​ចាប់បង្ខំ​ការអនុវត្ត​ចត្តា​ឡី​ស័ក​(​រយៈពេល​មួយ​ដែល​មនុស្ស​ឬ​សត្វ​ដែល​សង្ស័យ​ឆ្លង​ជម្ងឺ​ត្រូវបាន​ដាក់​នៅ​ដាច់​ពី​គេ​)​រយៈពេល​២​សប្តាហ៍​​លើ​អ្នក​ដំណើរ​មក​ពី​ចិន​ដីគោក ដោយ​គំរាម​ពិន័យ​ប្រាក់ បូក​រួម​ទាំង​ដាក់​គុក​ចំពោះ​អ្នក​រំលោភ​។​

​មនុស្ស​ជាច្រើន​អាចដាក់​ខ្លួន​នៅ​ដាច់​ពី​គេ​នៅ​ក្នុងផ្ទះ ឬ​នៅក្នុង​សណ្ឋាគារ​តែ​ពួកគេ​អាច​ត្រូវ​ភ្នាក់ងារ​ទូរស័ព្ទ​មក​សាកសួរ​ប្រចាំថ្ងៃ និង​ពិនិត្យ​សុខភាព​នៅ​នឹង​​កន្លែង​ផ្ទាល់​។​

​សូមបញ្ជាក់​ថា មជ្ឈមណ្ឌល​ហិរញ្ញវត្ថុ​នេះ​មាន​អ្នក​ឆ្លង​កូរ៉ូណា​វីរុស​២៥​ករណី​និង​អ្នក​ជម្ងឺ​ម្នាក់​បាន​ស្លាប់​។​ទីក្រុង​នេះ​មានការ​ប្រុងប្រយ័ត្ន​ខ្ពស់​អំពី​ជម្ងឺឆ្លង​ដោយសារ​​មាន​ប្រវត្តិ​កើត​ជម្ងឺ​SARS​កាលពី​១៧​ឆ្នាំ​មុន​ដែល​បាន​សម្លាប់​មនុស្ស​២៩៩​នាក់​។​

​ហុងកុង​ចាប់ផ្តើម​អនុវត្ត​ចត្តា​ឡី​ស័ក​២​សប្តាហ៍​លើ​អ្នកដំណើរ​មកពី​ចិន​ដីគោក​

​ក្នុងពេល​ជាមួយគ្នា រដ្ឋាភិបាល​ជុំវិញ​ពិភពលោក​បាន​បន្តឹង​ការការពារ​របស់ខ្លួន ដោយ​ប្រទេស​ជាច្រើន​ហាមឃាត់​អ្នក​មក​ពី​ចិន​និង​ណែនាំ​ពលរដ្ឋ​របស់​គេ​កុំ​​អោយ​ធ្វើ​ដំណើរ​ទៅ​ទីនោះ​។​បណ្តា​ក្រុមហ៊ុន​អាកាសចរណ៍​បាន​ផ្អាក​ការហោះហើរ​ចេញចូល​ចិន រីឯ​នាវា​ដឹក​អ្នកដំណើរ​កម្សាន្ត​ខ្នាត​យក្ស​បាន​ក៏​ក្លាយជា​ប្រភព​ខ្លាច​​រអារ​ក្រោយពី​នាវា​មួយ​ចត​នៅ​ជប៉ុន​រក​ឃើញ​មនុស្ស​ជាង​៦០​នាក់​ផ្ទុក​កូរ៉ូណា​វីរុស​។​

​មនុស្ស​៦៤​នាក់​នៅ​លើ​នាវា​ដឹក​អ្នកដំណើរ Diamond Princess​ត្រូវបាន​រកឃើញ​ផ្ទុក​កូរ៉ូណា​វីរុស បន្ទាប់ពី​អាជ្ញាធរ​ជប៉ុន​ធ្វើ​ចត្តា​ឡី​ស័កលើ​នាវា ក្រោយ​ពី​អ្នក​​ដំណើរ​ម្នាក់​ចុះ​ពី​នាវា​នៅ​ហុងកុង​និង​រកឃើញ​មាន​កូរ៉ូណា​វីរុស​។​

​នាវា​ដឹក​អ្នកដំណើរ​កម្សាន្ត​ខ្នាត​យក្ស​បាន​ក៏​ក្លាយជា​ប្រភព​ខ្លាច​​រអារ​ក្រោយពី​នាវា​មួយ​ចត​នៅ​ជប៉ុន​រក​ឃើញ​មនុស្ស​ជាង​៦០​នាក់​ផ្ទុក​កូរ៉ូណា​វីរុស​

ក្នុងពេល​ជាមួយគ្នា នៅ​ហុងកុង មនុស្ស​៣.៦០០​នាក់​នៅ​លើ​នាវា​កម្សាន្ត​World Dream​ក៏​ត្រូវ​បង្ខាំង​អោយ​នៅ​ក្នុង​នាវា​ក្រោយ​អ្នកដំណើរ​៨​នាក់​រកឃើញ​​ថា​មាន​កូរ៉ូណា​វីរុស​។​

​ប្រឈម​នឹង​ការឆ្លង​រាលដាល​មិន​ស្រកស្រុត​ដូច្នេះ​ ​ពួក​អ្នកវិទ្យាសាស្ត្រ​កំពុង​ខិតខំ​បង្កើត​ឱសថ​ព្យាបាល​និង​វ៉ាក់សាំង​ការពារ​វីរុស​ថ្មី​នេះ​។​ក្រសួង​សុខាភិបាល​អា​ម៉េ​​រិក​កំពុង​ធ្វើការ​ជា​មួយក្រុ​ម​ហ៊ុន​ឱសថ​Regeneron​ដើម្បី​រក​វិធី​ព្យាបាល​ដោយ​ប្រើ​ថ្នាំ​ដែល​គេ​ប្រើ​សំរាប់​ព្យាបាល​អ្នក​កើត​ជម្ងឺ​អេ​បូឡា​។​

​កាលពី​២​សប្តាហ៍​មុន ពួក​វេជ្ជបណ្ឌិត​ចិន​បាន​ប្រើ​ឱសថ​ប្រឆាំង​វីរុស​ហ៊ី​វ​លើ​អ្នក​ជម្ងឺ​ផ្ទុក​កូរ៉ូណា​វីរុស​នៅ​ក្រុង​ប៉េកាំង បន្ទាប់​ពី​មានបទពិសោធន៍​ប្រើ​ឱសថ​ដូចគ្នា​លើ​​អ្នក​កើត​ជម្ងឺ​SARS​កាលពី​ជាង​ដប់​ឆ្នាំ​មុន​។​

​ពួក​អ្នកវិទ្យាសាស្ត្រ​នៅ​ជុំវិញ​ពិភពលោក​ក៏​កំពុង​ធ្វើការ​បង្កើត​វ៉ាក់សាំង តែ​អ្នកជំនាញ​និយាយថា​វា​អាច​ចំណាយពេល​រាប់​ខែ​។​

​ពួក​អ្នក​សិក្សា​ស្រាវជ្រាវ​ចិន​កំពុង​ពិនិត្យ​មើល​របៀប​នៃ​ការឆ្លង​វីរុស និង​បាន​អះអាងថា វីរុស​ក្នុង​ខ្លួន​សត្វ​ពង្រូល និង​ប្រជៀវ​ដូចគ្នា​ជាង​៩០​ភាគរយ​ទៅ​នឹង​​កូរ៉ូណា​វីរុស​បច្ចុប្បន្ន​។​ដោយសារ​វីរុស​ក្នុង​សត្វ​ប្រជៀវ​ខ្សោយ​មិន​អាច​ចម្លង​មកកាន់​មនុស្ស នេះ​ពួក​អ្នកស្រាវជ្រាវ​សន្និដ្ឋានថា វីរុស​ក្នុង​សត្វ​ពង្រូ​តអាច​អន្តរការី​​ចម្លង​រវាង​ប្រជៀវ​និង​មនុស្ស​។​

​ការសិក្សា​មុនៗ​បាន​ចង្អុល​ទៅរក​សត្វ​ពស់​និង​ប្រជៀវ​ថា​ជា​ប្រភព​ចម្លង​កូរ៉ូណា​វីរុស​នៅ​ចិន​ដែល​មនុស្ស​ជាច្រើន​និយម​ចូលចិត្ត​ស៊ី​សាច់​សត្វព្រៃ​និង​ប្រើប្រាស់​​ស​ឬ​រាងកាយ​របស់​វា​ជា​ឱសថ​៕​ប្រែ​សម្រួល​៖​វាសនា​

ទីតាំងផ្សាយពាណិជ្ជកម្ម

- Advertisment -

Most Popular

យុវជន​ម្នាក់​ដែល​បាន​រួមភ...

​ដោយៈ​ស​រិ​ទ្ធ​/​ភ្នំពេញៈ...

​ព្រឹកស្អែក​សម្តេច​តេ​ជោ ...

ដោយ​៖​តារា​រិ​ទ្ធ​/​ភ្នំព...

​ស្ត្រី​កម្ពុជា ក្នុង​វិស...

​ដោយៈ ពៅ​និមល / ភ្នំពេញៈ ...

ប្រើ​អំពើហិង្សា​លើ​អតីត​ប...

ដោយ​: ស​រិ​ទ្ធ / កណ្តាល​:...