Home ព័ត៌មានអន្តរជាតិ ការនាំចេញ​ម៉ា...

ការនាំចេញ​ម៉ាស់​របស់​វៀតណាម​ទៅកាន់​ប្រទេស​ចិន កើន​ជាង​២០០​ភាគរយ​

​ការនាំចេញ​ម៉ាស់​មុខ​របស់​វៀតណាម​ទៅកាន់​ប្រទេស​ចិន​បាន​កើនឡើង​២៦០ ភាគរយ​នៅក្នុង​ខែ​មករា បើ​ធៀប​នឹង​ចំនួន​នាំចេញ​កាលពី​ខែ​ដូច​គ្នា​នៅ​ឆ្នាំ ២០១៩ ។

​លោក​ម៉ា​យ សួន ថាញ់ អនុប្រធាន​គយ​វៀតណាម​បាន​និយាយ​នៅក្នុង​កិច្ចប្រជុំ​រដ្ឋាភិបាល​កាលពី​ថ្ងៃ​ព្រហស្បតិ៍​ទី​៦​កុម្ភៈ​ថា​ចំនួន​នេះ​គឺ​រួមបញ្ចូល​ទាំង​ការដឹក​​ជញ្ជូន​ម៉ាស់​វេជ្ជសាស្ត្រ​ជាង ៤,២ លាន​ទៅ​ប្រទេស​ចិន​តាម​ច្រក​ព្រំដែន​នៅ​ខេត្ត​ឡាង សឺ​ន​ភាគ​ខាងជើង រវាង​ថ្ងៃទី ២៩ ខែ​មករា និង ថ្ងៃទី ៣ ខែ​កុម្ភៈ​។​

​លោក​មិន​បាន​បញ្ជាក់​ពី​តួលេខ​ជាក់លាក់​ចំពោះ​ការនាំ​ចេញ​ម៉ាស់​(​ធម្មតា​)​នៅក្នុង​ខែ​មករា​ឬ​សម្រាប់​ឆ្នាំ ២០១៩ នោះទេ​។​

​សារព័ត៌មាន​វៀតណាម​បាន​និយាយថា បន្ថែម​លើ​ម៉ាស់​វេជ្ជសាស្ត្រ​នាយកដ្ឋាន​គយ​នៃ​ខេត្ត​ឡាង សឺ​ន បាន​ពិនិត្យ​និង​អនុវត្ត​នីតិវិធី​សម្រាប់​ការនាំ​ម៉ាស់​​ប្រភេទ​ផ្សេងៗ​ទៀត​ជិត​៨០០.០០០ ម៉ាស់ ទៅ​ប្រទេស​ចិន​ក្នុង​រយៈពេល​៦​ថ្ងៃ​។​

​ការនាំ​ចេញ​ម៉ាស់​ចំនួន ១៥០.០០០ ទៀត​បាន​កំពុង​រង់ចាំ​ការ​ពិនិត្យ​និង​សម្រេច​នៅ ច្រក​ព្រំដែន​នៃ​ខេត្ត​នេះ​ខណៈ​ដែល​ម៉ាស់​វេជ្ជសាស្ត្រ​សរុប​ចំនួន ១,៣​លាន​​បាន​កំពុង​រង់ចាំ​ការបញ្ចប់​នីតិវិធី​ស្រដៀង​គ្នា​នេះ នៅ​ច្រក​ព្រំដែន​មួយទៀត ។​

​ដោយសារ​តែ​ការកើនឡើង​នៃ​តម្រូវការ​ភ្លាមៗ​ចំ​ពេល​មាន​ការ​ផ្ទុះឡើង​នៃ​វីរុស​ថ្មី​2019-nCoV​មាន​ការខ្វះខាត​ទំនិញ​ដូចជា​ម៉ាស់​និង​ថ្នាំ​សម្លាប់​មេរោគ​នៅ​ទីផ្សារ​​ក្នុងស្រុក​ហើយ​តម្លៃ​របស់​វា​បាន​កើនឡើង​ខ្ពស់​៕​ដោយ​៖​សុខា​/sn

កម្មករ​ផលិត​ម៉ាស​នៅ​រោងចក្រ​មួយ​នៅ​ខេត្ត​ថា​យ ង្វៀន​

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...