អត្តបទៈសុផានីតា/កោះកុង៖រដ្ឋបាលខេត្តមន្ត្រីរាជការនិងយុវជននៅខេត្តកោះកុងរួមគ្នាសម្តែងការអបអរសាទចំពោះក្រុមកីឡាកររបស់ខ្លួនដែលបានក្លាយជាម្ចាស់ជើងឯកភូមិភាគនិរតីពានរង្វាន់ ស ខេង លើកទី២ ឆ្នាំ២០២០ លើវិញ្ញាសារចម្ងាយ១.០០០ម៉ែត្រខាងផ្នែកកីឡាទូកអន្តរជាតិបុរស។
ក្រុមកីឡាករទូកនាគបុរសចំនួន១៤នាក់នៃសមាគមកីឡាទូកអន្តរជាតិខេត្តកោះកុងដណ្តើមបានជ័យជម្នះចំណាត់ថ្នាក់លេខ១ភូមិភាគនិរតីលើវិញ្ញាសារប្រកួតរយៈចម្ងាយ១.០០០ម៉ែត្រនៅឯទន្លេបាទីខេត្តតាកែវ កាលពីថ្ងៃទី៥ ខែកុម្ភៈ កន្លងទៅ។នៅព្រឹកថ្ងៃទី៨ ខែកុម្ភៈ គេសង្កេតឃើញមានលោកស្រី មិថុនា ភូថងអភិបាលខេត្តកោះកុងអភិបាលរងខេត្តតំណាងអាជ្ញាធរក្រុងមន្ត្រីអប់រំនិងយុវជនជាច្រើនបានបង្ហាញការសាទរចំពោះជ័យលាភីដែលក្រុមកីឡាករទទួលបានសម្រាប់ខេត្តទូទាំង។
លោកស្រីអភិបាលខេត្តកោះកុងកោតសរសើរយ៉ាងខ្លាំងពីការខិតខំប្រឹងប្រែងសមត្ថភាពនិងសាមគ្គីភាពរបស់ក្រុមកីឡាករដែលធ្វើឱ្យសម្រេចបានជ័យលាភីពានរង្វាន់សម្តេចក្រឡាហោមសខេងលើកទី២ឆ្នាំ២០២០នេះគួរជាទីមោទនភាព។ដើម្បីរក្សាបាននូវចំណាត់ថ្នាក់ល្អបន្តលោកស្រីមិថុនាភូថងក៏បន្តជំរុញលើកទឹកចិត្តដល់ក្រុមកីឡាករបង្កើនសមត្ថភាពបច្ចេកទេសហ្វឹកហាត់សមឱ្យកាន់តែខ្លាំងក្លាថែមទៀតនៅពេលចូលរួមប្រកួតស៊ីហ្គេមឆ្នាំ២០២៣ខាងមុខ។ទន្ទឹមនោះលោកស្រីអភិបាលខេត្តផ្តល់ថវិកាចំនួន២លានរៀល សម្រាប់ផ្គត់ផ្គង់ការហ្វឹកហាត់ និងដោះស្រាយបញ្ហាផ្សេងៗក្នុងសមាគម។
លោកនាយ ឧត្តមនា វី ទៀ វិញ អគ្គមេបញ្ជាការនៃ កងយោធពល ខេមរភូមិន្ទ មេបញ្ជាការ កងទ័ព និង ជាអនុប្រធានសហព័ន្ធទូកកានូនិងរ៉ូអ៊ីងកម្ពុជាកាលពីរសៀលថ្ងៃទី៥ខែកុម្ភៈឆ្នាំ២០២០បានចូលរួមជាអធិបតី បិទការប្រកួត កីឡា ទូក ប្រពៃណី (ទូកនាគ)ទូកកានូ-ជ្រើសរើសភូមិភាគនិរតីពានរង្វាន់សខេងលើក ទី ២ ឆ្នាំ ២០២០ នៅ ទន្លេបាទី ខេត្តតាកែវ ។
ការប្រកួត កីឡា ទូក កា នូឆ្នាំ២០២០គឺមាន ៦ ខេត្តចូលរួម គឺ ខេត្តតាកែវ ខេត្តកំពង់ស្ពឺ ខេត្ត កែប ខេត្ត ព្រះសីហនុខេត្តកំពតនិងខេត្តកោះកុង។ក្នុងនោះខេត្តកោះកុងទទួលបានមេដាយមាសនិងបណ្ណសរសើរជាប់ចំណាត់ថ្នាក់លេខ១ ។ មេដាយប្រាក់បាន ទៅលើ សមាគម កីឡា ខេត្តកំពង់ស្ពឺ និង មេដាយសំរិទ្ធ បាន ទៅលើ សមាគម កីឡា ខេត្ត ព្រះសីហនុ។
លោកចាន់សុឃឿនប្រធានក្រុមកីឡាទូកអន្តរជាតិប្រចាំខេត្តកោះកុងបានឱ្យដឹងដែរថាកត្តាដែលធ្វើឱ្យក្រុមកីឡាកររបស់លោកទទួលបានជើងឯកទូកនាគភូមិភាគនិរតីលើទី២ឆ្នាំ២០២០នេះដោយសារតែកូនក្រុមបានអនុវត្តហ្វឹកហាត់យ៉ាងទៀងទាត់ចំនូន១៥ថ្ងៃមុនទៅចូលរួមប្រកួតនៅខេត្តតាកែវតាមការជូនដំណឹងរបស់សហព័ន្ធកីឡាទូកអន្តរជាតិ។
បើតាមប្រធានក្រុមកីឡាទូកនាគខេត្តកោះកុងក្រុមកីឡាករហ្វឹកហាត់បានល្អប្រសើរសម្រេចទៅនាទី៤មកត្រឹម៣នាទីក្នុងរយៈចម្ងាយ១គីឡូម៉ែត្រ ហើយកន្លងទៅការហ្វឹកហាត់ពុំមានទូកនាគដើម្បីអុំផ្ទាល់ទេ ព្រោះតែវាមានតម្លៃខ្វះលទ្ធភាពទិញ។គឺយកទូកណាដែលទំហំស្រដៀងនឹងទូកនាគយកមកអុំជំនួសឱ្យការហាត់សមនៅតាមដងព្រែក៕S/
