Home ព័ត៌មានអន្តរជាតិ ទាហាន​អាម៉េរិ...

ទាហាន​អាម៉េរិក​២​នាក់​ស្លាប់​និង​៦​នាក់​រងរបួស​ក្នុង​ការវាយប្រហារ​នៅ​អា​ហ្វ​ហ្គានី​ស្ថាន​

​ទាហាន​អាម៉េរិក​២​នាក់​ត្រូវបាន​សម្លាប់​និង​៦​នាក់​រងរបួស​នៅក្នុង​ការវាយប្រហារ​ចេញពី​ជនបង្កប់​មួយ​នៅក្នុង​ខេត្ត​ណាន់​ហ្កា​ហា​របស់​អា​ហ្វ​ហ្គានី​ស្ថាន​ខាងកើត​​កាលពី​យប់​ថ្ងៃ​សៅរ៍​ទី​៨​កុម្ភៈ នៅ​ពេល​ជន​អា​ហ្វ​ហ្គានី​ស្ថាន​ស្លៀកពាក់​ឯកសណ្ឋាន​យោធា​អា​ហ្វ​ហ្គានី​ស្ថាន​ម្នាក់​បាន​ធ្វើការ​បាញ់ប្រហា​រលើ​កងកម្លាំង​អាម៉េរិក​។​

​មន្ត្រី​អា​ហ្វ​ហ្គានី​ស្ថាន​បានអោយដឹងថា ខ្មាន់កាំភ្លើង​ត្រូវបាន​សម្លាប់​។​

​សូមបញ្ជាក់​ថា ក្នុង​សង្គ្រាម​អូសបន្លាយ​រយៈពេល​១៨​ឆ្នាំ​មកនេះ មាន​ការវាយប្រហារ​ដោយ​ទាហាន​ក្នុង​កងទ័ព​ជាតិ​អា​ហ្វ​ហ្គានី​ស្ថាន​លើ​ដៃគូ​ដែល​ជា​សម្ពន្ធមិត្ត​របស់​​ខ្លួន​ជា​ច្រើនលើក​។​

​មន្ត្រី​ក្រសួងការពារជាតិ​អា​ហ្វ​ហ្គានី​ស្ថាន​ម្នាក់​ដែល​សុំ​មិន​បញ្ចេញ​ឈ្មោះ បាន​និយាយថា ជន​បាញ់ប្រហារ​ជា​ទាហាន​អា​ហ្វ​ហ្គានី​ស្ថានដែល​ឈ្លោះ​ជាមួយកង​កម្លាំងអា​​ម៉េ​រិក​មុន​ធ្វើការ​បាញ់ប្រហារ​។​គេ​ជា​ជនបង្កប់​ខ្លួន​របស់​ក្រុម​តា​លី​បង់​។​

​នៅក្នុង​សេចក្តីថ្លែងការណ៍​មួយ យោធា​អាម៉េរិក​បាន​និយាយថា «​បុរស​ម្នាក់​ក្នុង​ឯកសណ្ឋាន​យោធា​អា​ហ្វ​ហ្គានី​ស្ថានបាន​បាញ់​មក​លើ​កងកម្លាំង​អាម៉េរិ​ក​និង​​អា​ហ្វ​ហ្គានី​ស្ថាន​។​យើង​នៅ​ប្រមូល​ព័ត៌មាន​និង​រក​មូលហេតុ​ឬ​ចេតនា​នៅ​ពីក្រោយ​ការវាយប្រហារ​»​។​

​កាលពី​ខែ​កក្កដា​ឆ្នាំមុន ទាហាន​អាម៉េរិក​២​នាក់​ក៏​ត្រូវបាន​សម្លាប់​ដោយ​ទាហាន​អា​ហ្វ​ហ្គានី​ស្ថាននៅក្នុង​ខេត្ត​កាន់ដា​ហា ហើយ​នៅ​ខែ​កញ្ញា ឆ្នាំ​ដដែល ទាហាន​​អាម៉េរិក​៣​នាក់​បាន​រងរបួស​ពី​ការបាញ់​របស់​ប៉ូលិស​អា​ហ្វ​ហ្គានី​ស្ថាន​ម្នាក់​នៅ​ខេត្ត​កាន់​ដា​ហា​ដដែល​៕​ប្រែ​សម្រួល​៖​វាសនា​

យោធា​អាម៉េរិក​និង​អា​ហ្វ​ហ្គានី​ស្ថានរ​ង​ការបាញ់ប្រហា​រ​ពី​ជន​ក្នុង​ឯកសណ្ឋាន​យោធា​អា​ហ្វ​ហ្គានី​ស្ថាន​នៅ​ខេត្ត​ណាន់​ហ្កា​ហា​

ទីតាំងផ្សាយពាណិជ្ជកម្ម

- Advertisment -

Most Popular

ឃាត់ខ្លួន​យុវជន​ម្នាក់ ជា...

​ដោយៈ អង្គា​រ៍​ហេង / ភ្នំ...

​គ្រោង​ជ្រើសរើស​ទីតាំង​ខ្...

​ដោយៈ​ភ្នំ​ស្វាយ / បន្ទាយ...

​បុរាណ​ដ្ឋា​ន​អូរ​កី​ក្នុ...

​ដោយៈ ភ្នំ​ស្វាយ / កោះកុង...

​ត្រីមាស​ទី​បីៈ​រោងចក្រ​ច...

ដោយ​: ពៅ​និមល​/​ភ្នំពេញ​:...