អាជ្ញាធរ​ក្រុង​ខេមរភូមិន្ទ​គ្រោង​បំពាក់​ឧបករណ៍​ហាត់ប្រាណ​ចំនួន​១០​គ្រឿង​នៅ​សួនច្បារ​សាធារណៈ​

អត្ត​ប​ទៈ​សុ​ផានី​តា​/​កោះកុង​៖ អាជ្ញាធរ​ក្រុង​ខេមរភូមិន្ទ បាន​សហការ​ជាមួយ​ក្រុម​ឯកជន និង​សប្បុរសជន ដោយ​គ្រោង​នឹង​ដំឡើង​ឧបករណ៍​ហាត់ប្រាណ​ចំនួន​១០​គ្រឿង​នៅលើ​សួនច្បារ​សាធារណៈ​ទល់មុខ​ធានា​គារ​ជាតិ​ក្បែរ​អគារ​រដ្ឋបាល​ខេត្តកោះកុង​ដើម្បី​លើកកម្ពស់​សុខុមាលភាព​ជូន​ប្រជាពលរដ្ឋ​និង​អ្នក​ទេសចរណ៍​។​

មិនយូរប៉ុន្មាន​ទេ​អាច​នៅ​ចុងខែ​កុម្ភៈ​ឆ្នាំ​២០២០​នៅលើ​សួនច្បារ​មុខ​សាលា​ខេត្តកោះកុង​នឹង​ឧបករណ៍​ហាត់ប្រាណ​ទំនើបៗ​ចំនួន​១០​គ្រឿង​ដែល​បានមកពី​ការជួយឧបត្ថម្ភ​ក្រុមហ៊ុន និង​សប្បុរសជន​ក្នុង​ខេត្ត បម្រើ​ជា​ប្រយោជន៍​រួម​ផ្នែក​សុខភាព​ក្នុងការ​បញ្ចេញ​ជាតិពុល​ពី​ក្នុង​ខ្លួន​ដោយ​ជំនួស​មកវិញ​នូវ​សុខភាព​រឹងមាំ​។​

លោក ឈេ​ង សុវណ្ណ​ដា អភិបាលក្រុង​ខេមរភូមិន្ទ បាន​ប្រាប់​រស្មី​កម្ពុជា​នៅ​ថ្ងៃទី​៩ ខែកុម្ភៈ ២០២០​នេះ​ថា តាម​ការយកចិត្តទុកដាក់​ពី​លោកស្រី មិថុនា ភូ​ថង អភិបាលខេត្ត​កោះកុង ក្នុងនាម​លោក​ជា​អាជ្ញាធរ​ក្រុង ចៅសង្កាត់​និង​សប្បុរសជន​បាន​ចុះ​ពិនិត្យមើល​ទីតាំង​ដែល​ត្រូវ​ដំឡើង​ឧបករណ៍​ហាត់ប្រាណ​តាម​លក្ខណៈ​រួចរាល់​ហើយ​។​
​ពាក់ព័ន្ធ​នឹង​បញ្ហា​នេះដែរ លោក​អភិបាលក្រុង​ខេមរភូមិន្ទ កំពុង​ពិភាក្សា​បន្ថែម​ជាមួយ​តំណាង​ក្រុមហ៊ុន និង​សប្បុរសជន​ដែល​ជួយឧបត្ថម្ភ​ឧបករណ៍​ហាត់ប្រាណ​ដើម្បីឱ្យ​មានការ​បំពាក់​ឧបករណ៍​សម្ភារៈ​រួមគ្នា​នៅ​ថ្ងៃ​តែមួយ​និង​បង្កលក្ខណៈ​ងាយ​ស្រួដ​ល់​មហាជន​បាន​ប្រើប្រាស់​នៅ​ចុងខែ​កុម្ភៈ ឆ្នាំ​២០២០​ខាងមុខ​។​

​តាម​លោក​ឈេ​ង​សុ​វណ្ណដា​ការដំឡើង​ឧបករណ៍​ហាត់ប្រាណ​ខាងលើនេះ​គឺ​ចាំបាច់​មាន​លក្ខណៈពិសេស​ខាង​ផ្នែក​ទីតាំង​និង​សោ​ភណ្ឌ​ភាព​សណ្តាប់ធ្នាប់​ទីក្រុង​ស្អាត​។​ដូច្នេះ​ជាគោលការណ៍​សម្រេច​រប​ស់លោក​ស្រី​អភិបាលខេត្ត​កោះកុង​អាជ្ញាធរ​ក្រុង​ខេមរភូមិន្ទ​កំណត់​យក​ទីតាំង​មុខ​ធានា​គារ​ជាតិ​ខាងជើង​ក្បែរ​អគារ​រដ្ឋបាលខេត្ត​តែម្តង​។

ទន្ទឹមនឹង​ការបំពាក់​ឧបករណ៍​ហាត់ប្រាណ​នេះដែរ លោក​អភិបាលក្រុង​ខេមរភូមិន្ទ ក៏​ស្នើ​ដល់​ពលរដ្ឋ​អ្នកប្រើប្រាស់​ទាំងអស់​ជួយ​ថែរក្សា​ទ្រព្យសម្បត្តិ​សា​ធា រណ ឱ្យ​គង់វង្ស​យូរអង្វែង ជៀសវាង​មានការ​ខូចខាត​បាក់បែក​។​ឧបករណ៍​ហាត់ប្រាណ​ដែលមាន​ក្រុមហ៊ុន​ដឹកជញ្ជូន​សំរាម​និង​សប្បុរសជន​ជួយឧបត្ថម្ភ​គឺ​បាន​បញ្ជា​ទិញ​ហាង​ក្នុងស្រុក​ផង​និង​ពី​ប្រទេស​ថៃ​ផង​។​លក្ខណៈ​បច្ចេកទេស​នៃ​ការបំពាក់​ឧបករណ៍​នីមួយៗ​ចាប់ពី​១​ម៉ែត្រ​កន្លះ​ទៅ​២​ម៉ែត្រ​បួន​ជ្រុង បូករួម​នឹង​ការចាក់​បេតុង​បន្ថែម​។​

និន្នាការ​ហាត់ប្រាណ​ដើម្បី​សុខភាព​ប្រចាំថ្ងៃ ហាក់​ត្រូវបាន​គេ​ឃើញថា​មាន​ទាំង​យុវជន​និង​មនុស្ស​វ័យ​ចំណាស់​ផ្តោត​ការយកចិត្តទុកដាក់​យ៉ាងសំខាន់ នាពេល​បច្ចុប្បន្ន​។​ដោយសារតែ​យល់ដឹង​ពី​អត្ថប្រយោជន៍​នៃ​ការធ្វើ​លំ​ហាត់ប្រាណ​ខ្លាច​កើតមាន​ជំងឺ​ផ្សេងៗ​ពិសេស​គឺ​ការចំណាយ​ថវិកា​ច្រើន ដើម្បី​ទៅរក​សេវា​ពិនិត្យ និង​ព្យាបាល​នៅ​មន្ទីរពេទ្យ​៕S/​

ទីតាំងផ្សាយពាណិជ្ជកម្ម

- Advertisment -

Most Popular

ព្រះសង្ឃ​ចំនួន​២៦​អង្គ​និ...

ដោយ​: បាយ័ន / សៀមរាប​: ព្...

សម្រេច​ជ្រើស​រើសយក​ទីតាំង...

​ដោយៈ​រ៉ា​ម៉ន​/​ភ្នំពេញៈ​...

អភិបាលខេត្ត ចុះ​ត្រួតពិនិ...

ដោយៈ គ្រញូង / បាត់ដំបងៈ ន...

ផលិតកម្ម​ថោ​ន​នឹង​បើក​ព្រ...

​ដោយ​: បូ​រិ​ន / ភ្នំពេញ​...