សុនខឈ្មោលពូជ Chihuahua មួយក្បាលអាយុពីរឆ្នាំដែលមានរោមចិញ្ចើមខ្មៅលើភ្នែកម្ខាង យ៉ាងចម្លែកខុសអស់នឹងគេ ត្រូវគេឯងច្រឡំជាញឹកញាប់ថាវាជាតួអង្គចិត្តអាក្រក់ក្នុងខ្សែ ភាពយន្តគំនូរជីវចល Disney ។នេះបើយោងតាមការអះអាងរបស់ម្ចាស់វា។
ម្ចាស់ស្រីរបស់វាឈ្មោះ ណាតនីឆា ណាម៉ាកប្រាសឺត (Natnicha Namakprasert) វ័យ២៩ ឆ្នាំនិយាយថា ពេលនាងកំពុងរកទិញសុនខមួយក្បាលមកចិញ្ចឹមស្រាប់តែកូនសុនខមាន រោមចិញ្ចើមខាងស្តាំកើតនៅក្រុងបាងកក ប្រទេសថៃ នេះបានញាក់ចិញ្ចើមព្រើតៗដាក់នាង ធ្វើឱ្យនាងចាប់អារម្មណ៍នឹងវាយ៉ាងខ្លាំង។ ទីបំផុត នាងក៏សម្រេចចិត្តជ្រើសយកវាមកចិញ្ចឹម។
នាងនិយាយទៀតថាគ្រាន់តែរូបថតមួយសន្លឹករបស់វាបង្ហោះតាមបណ្ដាញទំនាក់ទំនងសង្គម ហ្វេសប៊ុក ទទួលបានការចាប់អារម្មណ៍យ៉ាងខ្លាំងដោយទទួលបានរហូតដល់ទៅជាង ១១.០០០ Like និងជាង ៦០០ ខំមិន (Comment)៕ ប្រែសម្រួលៈខុម
