ចិន​និយាយថា​ខ្លួន​បាន​ចំណាយ​ថវិកា​៤,៤​ពាន់​លាន​ដុល្លារ​ដើម្បី​ប្រយុទ្ធ​ប្រឆាំង​កូរ៉ូណា​វីរុស

210
ចែករម្លែក

លោក លីវ គុន​(Liu Kun) រដ្ឋ​មន្ត្រី​ហិរញ្ញវត្ថុ​បាន​និយាយថា ប្រទេស​ចិន​បាន​ចំណាយ​ប្រាក់​ចំនួន ៣១,៦ ពាន់​លាន​យ័ន (៤,៤​ពាន់​លាន​ដុល្លារ​) ដើម្បី​គ្រប់គ្រង​ការ​​ផ្ទុះ​ឡើង​នៃ​វីរុស​ថ្មី​នេះ​។

​លោក បាន​និយាយ​កាលពី​ថ្ងៃអាទិត្យ​ទី​៩​ខែ​កុម្ភៈ​ថា ថា ជិត​៧១,៩​ពាន់​លាន​យ័ន​នៃ​ថវិកា​សារពើពន្ធ ត្រូវបាន​បម្រុង​សម្រាប់​ការឆ្លង​ជំងឺ​នេះ រួម​ទាំង​ការធានា​​ដល់​ការថែទាំ​វេជ្ជសាស្ត្រ​និង​ការគ្រប់គ្រង​ការ​ផ្ទុះឡើង​នៃ​វីរុស​នេះ​។​

​លោក​បាន​និយាយ​នៅលើ​គេហទំព័រ​របស់​ក្រសួង​ហិរញ្ញវត្ថុ​នេះ ថា​”​អាជ្ញាធរ​សារពើពន្ធ​របស់​រដ្ឋាភិបាល​កណ្តាល​នឹង​បន្ត​ផ្តល់​គោលនយោបាយ​អនុគ្រោះ​និង​គាំទ្រ​​ដើម្បី​ទប់ស្កាត់​ការរីក​រាលដាល​នៃ​វីរុស​នេះ​”៕​ដោយ​៖​សុខា​/sn

គ្រូពេទ្យ​ពិនិត្យ​មើល​អ្នកជំងឺ​កូរ៉ូណា​វីរុស នៅ​មន្ទី​ពេទ្យ​មួយ​នៅ​ក្រុង​វូ​ហាន​ប្រទេស​ចិន កាលពី​ថ្ងៃទី​៦​ខែ​កុម្ភៈ​