ដោយៈសាតចាន់បុត្រ/មណ្ឌលគិរីៈដំរីឈ្មោលមួយក្បាល បានធ្លាក់ចូលក្នុងរណ្តៅក្បែរចម្ការក្រូច ស្ថិតក្នុងដែនជម្រកសត្វព្រៃកែវសីមាក្នុងស្រុកកែវសីមាខេត្តមណ្ឌលគិរី។ប្រភពព័ត៌មានបានបន្តថានៅយប់កើតហេតុប្រជាពលរដ្ឋបានឃើញហ្វូងដំរីចូលមកចំណុចកើតហេតុ។លុះព្រឹកឡើងក៏ប្រទះឃើញសត្វដំរីមួយក្បាលជាប់ក្នុងរណ្តៅផុកតែម្តង។
សមត្ថកិច្ចមូលដ្ឋាននិងមន្ត្រីបរិស្ថានកំពុងតែជីកផ្លូវនិងយករថយន្តបាញ់ទឹកជួយសង្គ្រោះសត្វដំរីនិះហើយ។គិតត្រឹមម៉ោង១១និង២០នាទីថ្ងៃទី១០កុម្ភៈសត្វដំរីរងគ្រោះពុំទាន់ឡើងរួចពីរណ្តៅផុកនៅឡើយ។ប៉ុន្តែព័ត៌មានចុងក្រោយនៅម៉ោងបន្ទាប់ថ្ងៃដដែលការជួយសង្គ្រោះដំរីដោយចាក់ទឹកចូលរណ្តៅនោះពីក្រុមការងារជំនាញគឺទទួលបានជោគជ័យដំរីបានរត់ចូលព្រៃដោយសុវត្ថិភាព៕S/
