Home ព័ត៌មានអន្តរជាតិ ជាង​៦០​នាក់​ទ...

ជាង​៦០​នាក់​ទៀត​ផ្ទុក​កូរ៉ូណា​វីរុស​នៅ​លើ​នាវា​កម្សាន្ត​នៅ​ជប៉ុន​

​ការធ្វើតេ​ស្តិ៍លើ​នាវា​កម្សាន្ត​ខ្នាត​យក្ស​Diamond Princess​បាន​រក​ឃើញ​អ្នក​ផ្ទុក​កូរ៉ូណា​វីរុ​សជាង​៦០​នាក់​ទៀត នេះ​បើ​តាម​ការផ្សាយ​របស់​ទូ​រ​ទ្សន៍ TBS TV កាលពី​ថ្ងៃ​ចន្ទ​ទី​១០​កុម្ភៈ​។​

​សារព័ត៌មាន​ក្នុងស្រុក​មួយ​ទៀត​បាន​រាយ​ការណ៍​ថា ករណី​អ្នក​ផ្ទុក​កូរ៉ូណា​វីរុស​ប្រមាណ​៦០​ទៀត​ត្រូវ​បាន​បញ្ជាក់ នាំ​អោយ​ចំនួន​អ្នកដំណើរ​រួម​ទាំង​នាវិក​ឆ្លង​​វីរុស​នេះ​នៅ​លើ​នាវា​កើន​ដល់​ប្រមាណ​១៣០​នាក់​។​

​ទោះជា​យ៉ាងណា ក្រសួង​សុខាភិបាន​ជប៉ុន​នៅ​មិន​ទាន់​បញ្ជា​ក់​តួលេខ​នេះ​ភ្លាម​នៅឡើយ​ទេ​។​

​នាវា​ដឹក​អ្នកដំណើរ​ទេសចរណ៍​ខ្នាត​យក្ស​នេះ ត្រូវបាន​ធ្វើ​ចត្តា​ឡី​ស័ក​(​ដាក់​នៅ​ដាច់​ពី​គេ​)​រយៈពេល​២​សប្តាហ៍​នៅ​ពេល​វា​បាន​មកដល់​ក្រុង​យ៉ូ​កូហា​ម៉ា​កាលពី​ថ្ងៃ​០៣​កុម្ភៈ បន្ទាប់​ពី​អតីត​អ្នកដំណើរ​ម្នាក់​បាន​ចុះ​នៅ​ហុងកុង​និង​ត្រូវបាន​រកឃើញ​មាន​វីរុស​កូរ៉ូណា​។​

​មាន​អ្នកដំណើរ​និង​សមាជិក​នាវា​ជាង​៣.៧០០​នាក់​នៅ​លើ​នាវា​នៅពេល​វា​បាន​ទៅដល់​ជប៉ុន​កាលពី​សប្តាហ៍​មុន​។​មនុស្ស​ជាច្រើន​ត្រូវបាន​នាំ​ទៅកាន់​មន្ទីរពេទ្យ​​និង​ប្រមាណ​៣.៦០០​នាក់​ស្ថិតនៅលើ​នាវា​នៅឡើយ​កាលពី​ថ្ងៃអាទិត្យ​។​

​យោងតាម​របាយការណ៍​ជប៉ុន​មនុស្ស​ជាច្រើន​ក្នុង​នាវា​ក្តៅខ្លួន​និង​ហាក់​មិន​ស្រួលខ្លួន​។​អាជ្ញាធរ​សុខាភិបាល​ជប៉ុន​បាន​នាំ​ថ្នាំពេទ្យ​និង​គ្រឿង​វេជ្ជសាស្ត្រ​ខ្លះ​ទៅ​​អោយ​អ្នក​នៅ​ក្នុង​នាវា​។​

​នាវា​នេះ​ត្រូវ​ចត​នៅ​យ៉ូ​កូហា​ម៉ា​ដល់​ថ្ងៃ​១៩​កុម្ភៈ​ដើម្បី​ធ្វើ​ចត្តា​លីស័ក​។​ការី​នាវា​បាន​និយាយថា​គេ​រក​ឃើញ​អ្នក​ឆ្លង​៦៦​ករណី​ថ្មី​បន្ថែម​លើ​អ្នក​ផ្ទុក​៧០​នាក់​ដែល​​ត្រូវបាន​រកឃើញ​កាលពីមុន​។​

​រដ្ឋ​មន្ត្រី​សុខាភិបាល​ជប៉ុន​បាន​និយាយថា រដ្ឋាភិបាល​ជប៉ុន​មាន​ផែនការ​ធ្វើ​ការពិនិត្យ​សុខភាព​មនុស្ស​ទាំងអស់​នៅក្នុង​នាវា ដែល​វា​ទាមទារ​អោយ​ពួកគេ​បន្ត​​នៅក្នុង​នាវា​រហូតដល់​ការទទួល​លទ្ធផល​ពិនិត្យ​សុខភាព​៕​ប្រែ​សម្រួល​៖​វាសនា​

នាវា​Diamond Princess​ត្រូវ​ចត​នៅ​យ៉ូ​កូហា​ម៉ា​ដល់​ថ្ងៃ​១៩​កុម្ភៈ​ដើម្បី​ធ្វើ​ចត្តា​លីស័ក​។​កន្លង​មក​បុគ្គលិក​ពេទ្យ​ជប៉ុន​បានរ​កឃ​ញ​អ្នក​ផ្ទុក​វីរុស​ជាង​១០០​នាក់​​នៅ​លើ​នាវា​

ទីតាំងផ្សាយពាណិជ្ជកម្ម

- Advertisment -

Most Popular

រាជរដ្ឋាភិបាលថៃប្រកាសបន្ត...

ស្ថានទូតនៃព្រះរាជាណាចក្រក...

ប្រជាពលរដ្ឋ​ទីទ័លក្រ​នៅ​ក...

​ដោយ​: រិ​ទ្ធិ​សែន / ខេត្...

ជនសង្ស័យ​ម្នាក់ រួម​នឹង​វ...

​ដោ​យៈ រិ​ទ្ធិ​សែន / ពោធិ...

ប្រកាស​បិទ​ផ្សាយ ឯកសារ​កា...

​ដោយៈ ទេ​ពក​ង្រី / កំពង់ឆ...