​កម្ពុជា​ប្រារព្ធ​សិក្ខាសាលា​ស្តីពី​ការបង្រៀន​ភាសា​អង់គ្លេស​ដ៏​ធំ​ក្នុង​តំបន់​អាស៊ី​ប៉ាស៊ីហ្វិក​

ដោយៈ​សុផល​/​ភ្នំពេញៈ សិក្ខាសាលា​ស្តីពី​ការបង្រៀន​ភាសា​អង់គ្លេស CamTESOL ប្រចាំឆ្នាំ​លើក​ទី​១៦ បានទទួល​ស្វាគមន៍​អ្នកចូលរួម​ប្រមាណ​ជាង ១៦០០​នាក់ មកពី​៣១​ប្រទេស មកកាន់​រាជធានី​ភ្នំពេញ​។ CamTESOL​ដែល​ត្រូវ​បានរៀបចំ​ដោយ​ស្ថាប័ន​IDPEducation​ជា​ស្ថាប័ន​ឈានមុខ​លើ​ពិភពលោក​ក្នុងការ​បញ្ជូន​សិស្ស​និស្សិត​ទៅ​សិក្សា​នៅ​បរទេស​មាននូវ​ការធ្វើ​បទ​បង្ហាញ​ចំនួន​ជាង​៥០០​ដោយ​អ្នកជំនាញ​ក្នុង​វិស័យ​បង្រៀន​ភាសា​អង់គ្លេស​ចំនួន​ជាង​៤០០​នាក់​ក្នុងប្រទេស​កម្ពុជា​និង​បណ្តា​ប្រទេស​នានា​លើ​សកលលោក​។​

CamTESOL​ប្រចាំឆ្នាំ​លើក​ទី​១៦​ត្រូវបាន​ប្រារព្ធ​ឡើង​ពី​ថ្ងៃទី​៧​ដល់​ថ្ងៃទី​៩​ខែកុម្ភៈ​ឆ្នាំ​២០២០​នៅ​វិទ្យាស្ថាន​បច្ចេកវិទ្យា​កម្ពុជា​លើ​ប្រធានបទ​“​ការបង្រៀន​ភាសា​អង់គ្លេស​ក្នុង​សតវត្ស​ន៍ទី​២១:​វិធីសាស្ត្រ​សម្រាប់​ការអនុវត្ត​ប្រកបដោយ​ប្រសិទ្ធភាព​”​។​បន្ទាប់ពី​បង្កើតឡើង​រយៈពេល​ជាង​១៦​ឆ្នាំ​CamTESOL​ក្លាយជា​វេទិកា​ដ៏​សំខាន់​មួយ​ក្នុងការ​ចែករំលែក​ចំណេះដឹង​អំពី​ការបង្រៀន​ភាសា​អង់គ្លេស ក្នុង​តំបន់​អាស៊ី​ប៉ាស៊ីហ្វិក​។​

ជា​រៀងរាល់ឆ្នាំ​CamTESOL​បាន​ប្រមូលផ្តុំ​គ្រូបង្រៀន​ភាសា​អង់គ្លេស​គ្រូឧទ្ទេស​អ្នកស្រាវជ្រាវ​ក្នុង​វិស័យ​បង្រៀន​ភាសា​អង់គ្លេស​និង​ភាសាវិទ្យា​បុគ្គលិក​រដ្ឋបាល​តាម​ស្ថាប័ន​សិក្សា​អ្នក​អប់រំ​ដែលមាន​ចំណាប់អារម្មណ៍​លើ​ការអប់រំ​ភាសា​អន្តរជាតិ​តំណាង​ក្រសួង​អប់រំ​យុវជន​និង​កីឡា​អ្នកជំនាញ​និង​អ្នកស្រាវជ្រាវ​អន្តរជាតិ​ដែលមាន​បំណង​បង្កើត និង​ពង្រឹង​នូវ​ទំនាក់ទំនង​ក្នុង​វិស័យ​បង្រៀន​ភាសា​អង់គ្លេស​។​

​ការបើក​សិក្ខាសាលា​ជា​ផ្លូវការ​ត្រូវបាន​ធ្វើឡើង​នៅ​ល្ងាច​ថ្ងៃ​សុក្រ​ទី​៧​ខែកុម្ភៈ​ក្រោម​គណៈអធិបតី​ភាព​ពី​សំណាក់ លោក បណ្ឌិតសភា​ចា​រ្យ ហង់ ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា លោក Pablo Kang​ឯកអគ្គរដ្ឋទូត​អូស្ត្រាលី​ប្រចាំ​ប្រទេស​កម្ពុជា​លោកស្រី​TinaRedshaw​ឯកអគ្គរាជទូត​ចក្រភព​អង់គ្លេស​ប្រចាំ​ប្រទេស​កម្ពុជា លោក Arend Zwartjes តំណាង​ស្ថានទូត​អាមេរិក​ប្រចាំ​ប្រទេស​កម្ពុជា​និង​លោក ម៉ៅ ស្រេង នាយក​ស្ថាប័ន IDP Education ប្រចាំ​ប្រទេស​កម្ពុជា​។

​លោក​បណ្ឌិតសភា​ចា​រ្យ​ហង់​ជួនណា​រ៉ុ​ន​បាន​មានប្រសាសន៍ថា​”​ខ្ញុំ​ពិតជា​មាន​សេចក្តីសោមនស្ស​រីករាយ​ណាស់​ដែល​អ្នកចូលរួម​ទាំង​អស់​បាន​ចែករំលែក​វិធីសាស្ត្រ​បង្រៀន​ភាសា​អង់គ្លេស​ឱ្យ មាន​ប្រសិទ្ធិភាព​។ គ្រូបង្រៀន​មាន​នាទី​ដ៏​សំខាន់​ក្នុងការ​អភិវឌ្ឍ​វិស័យ​អប់រំ​”​។​លោក​PabloKang​បាន​រៀបរាប់​ពីមុខ​ងារ​នៃ​គ្រូបង្រៀន​ភាសា​អង់គ្លេស​ក្នុងការ​អភិវឌ្ឍ​ថា​”​គ្រូបង្រៀន​មាន​នាទី​សំខាន់​ក្នុងការ​អប់រំ​ភាសា​អង់គ្លេស​ដល់​សិស្ស​ជំនាន់​ក្រោយ ព្រោះ​វា​គឺជា​ជំនាញ​ដ៏​មាន​សារៈប្រយោជន៍​”​។​

លោកស្រី​TinaRedshaw​បាន​ថ្លែងថា​”​គ្រូបង្រៀន​ក្នុងប្រទេស​កម្ពុជា​ប្រហែលជា​មិនមាន​ឳ​កាស​ច្រើន​ក្នុងការ​ធ្វើដំណើរ​ទៅ​ចូលរួម​សិក្ខាសាលា​ធំៗ​នៅ​ប្រទេស​ផ្សេងៗ​ដូច្នេះ​ការដែល​CamTESOL​នាំ​អ្នកចូលរួម​មកកាន់​ប្រទេស​កម្ពុជា​គឺជា​គំនិត​ដ៏​អស្ចារ្យ​មួយ​”​។​

គួរបញ្ជាក់​ផងដែរ​ថា​នៅ​សិក្ខាសាលា​ក៏មាន​ការតាំងពិព័រណ៍​ដែល​ចូលរួម​ដាក់​បង្ហាញ​សម្ភារៈ​និង​សេវាកម្ម​ទាក់ទង​នឹង​ការបង្រៀន​ភាសា​អង់គ្លេស​ដោយ​ស្ថាប័ន​ជាតិ និង​អន្តរជាតិ​មួយចំនួន​ដូចជា Cambridge English Assessment, Oxford University Press, National Geography Learning និង Macmillan Publishers​។

ក្នុងចំណោម​អ្នកចូលរួម​ទាំង​១៧០០​នាក់​មាន​គ្រូបង្រៀន​និង​អ្នក​អប់រំ​ភាសា​អង់គ្លេស​ជនជាតិ​កម្ពុជា​ចំនួន​ប្រមាណ​ជាង ១០០០​នាក់ ដែល​ភាគច្រើន​ជា​គ្រូបង្រៀន​មកពី​តាម​បណ្តា​ខេត្ត​។​សិក្ខាសាលា ក៏មាន​នូវ​បទ​បង្ហាញ​និង​វេទិកា​ពិភាក្សា​ពិសេស​ដោយ​អ្នកជំនាញ​ក្នុងប្រទេស​កម្ពុជា​និង​បណ្តា​ប្រទេស​ផ្សេងៗ​ជុំវិញ​ពិភពលោក​រួមមាន​សហ​រដ្ឋ​អាមេរិក​អូស្ត្រាលី​ចក្រភព​អង់គ្លេស​នូ​វែ​ល​ហ្សេ​ឡង់​និង​សាំង​ហ្កា​ពួរ​។​

​លោក​ម៉ៅ​ស្រេង​បាន​ថ្លែងថា​“CamTESOL​មាន​ភាព​សោមនស្ស​រីករាយ​ណាស់​ដែល​ទទួលបាន​នូវ​ការគាំទ្រ និង​ការចូលរួម​ពី​សំណាក់​អ្នក​អប់រំ និង​ស្ថាប័ន​ជាច្រើន ទាំង​ក្នុង និង​ក្រៅប្រទេស​កម្ពុជា ដែល​បានធ្វើអោយ​ប្រទេស​កម្ពុជា​ក្លាយទៅជា​វេទិកា​ដ៏​សំខាន់​ក្នុង​តំបន់​និង​ឆាក​អន្តរជាតិ​ក្នុងការ​ចែករំលែក​រប​ក​គំហើញ​ថ្មីៗ និង​វិធីសាស្ត្រ​ក្នុងការ​ស្រាវជ្រាវ ការរៀន​និង​ការបង្រៀន​ភាសា​អង់គ្លេស​”​។​

CamTESOL ទទួលបាន​ការគាំទ្រ​ពី​សំណាក់ ក្រសួង​អប់រំ យុវជន និង​កីឡា ស្ថានទូត​អូស្ត្រាលី ស្ថានទូត​អាមេរិក​ស្ថានទូត​អង់គ្លេស​និង​ស្ថាប័ន​នានា​ព្រមទាំង​បុគ្គល​ដែល​ពាក់ព័ន្ធ​នៅក្នុង​វិស័យ​បង្រៀន​ភាសា​អង់គ្លេស​ក្នុងប្រទេស​កម្ពុជា​តំបន់​អាស៊ីអាគ្នេយ៍​និង​អន្តរជាតិ​។​CamTESOL​ត្រូវបាន​ទទួលស្គាល់​ចំពោះ​មុខងារ និង​ការរួមចំណែក ក្នុងការ​រីកលូតលាស់ និង​ភាពល្បីល្បាញ​របស់​សិក្ខាសាលា ព្រមទាំង​ការរីកចំរើន​នៃ​ស្តង់ដារ​ការបង្រៀន និង​ការរៀន​ភាសា​អង់គ្លេស​ផងដែរ​។

​អ្នកចូលរួម​មកពី​ប្រទេស​វៀតណាម​ម្នាក់​បាន​ចែករំលែក​បទពិសោធន៍​របស់គាត់​ក្រោយពី​ចូលរួម CamTESOL​ជា​លើក​ទី​៣​ថា​”CamTESOL​ជា​សិក្ខាសាលា​ដ៏​សំខាន់​ដែលមាន​អ្នកចូលរួម​មកពី​ជុំវិញ​ពិភពលោក​ហើយ​ការរៀបចំ​និង​ដឹកនាំ​គឺធ្វើឡើង​ដោយ​រលូន​ទៅតាម​ពេលវេលា​ដែល​កំណត់ទុក​”​។​

​សិក្ខាសាលា CamTESOL ប្រចាំឆ្នាំ​លើក​ទី​១៧ នឹងធ្វើ​ឡើង​នៅ​ថ្ងៃទី ៥ ដល់​ថ្ងៃទី ៧ ខែកុម្ភៈឆ្នាំ២០២១ក្រោមប្រធានប“ActionsandInnovationsinTeachingandLearning”​។​សម្រាប់​ការចុះឈ្មោះ​ធ្វើ​បទ​បង្ហាញ ឬ ចូល​រូ​ម សូម​ចូលទៅ​កាន់ www.camtesol.org ៕S/​

ទីតាំងផ្សាយពាណិជ្ជកម្ម

- Advertisment -

Most Popular

យុវជន​ម្នាក់​ដែល​បាន​រួមភ...

​ដោយៈ​ស​រិ​ទ្ធ​/​ភ្នំពេញៈ...

​ព្រឹកស្អែក​សម្តេច​តេ​ជោ ...

ដោយ​៖​តារា​រិ​ទ្ធ​/​ភ្នំព...

​ស្ត្រី​កម្ពុជា ក្នុង​វិស...

​ដោយៈ ពៅ​និមល / ភ្នំពេញៈ ...

ប្រើ​អំពើហិង្សា​លើ​អតីត​ប...

ដោយ​: ស​រិ​ទ្ធ / កណ្តាល​:...