ដោយៈចាន់តូ/ភ្នំពេញ៖ក្មេងស្រីម្នាក់រត់ឆ្លងផ្លូវត្រូវរថយន្តដឹកគ្រឿងចក្រកិនបែកក្បាលខ្ទេចស្លាប់ភ្លាមៗយ៉ាងអាណោចអធ័មកាលពីវេលាម៉ោង១និង៤០នាទីរសៀលថ្ងៃទី១០ខែកុម្ភៈឆ្នាំ២០២០នៅតាមផ្លូវលំ ក្នុងភូមិព្រៃល្វា សង្កាត់ចោមចៅ២ ខណ្ឌពោធិសែនជ័យ ។
ក្មេងស្រីរងគ្រោះ ឈ្មោះពៅតាំងលីអាយុ៧ឆ្នាំជាក្មេងកំព្រារស់នៅជាមួយជីតាឈ្មោះចេវពីនអាយុ៥១ឆ្នាំ មុខរបរកម្មករពត់ដែក នៅក្បែរកន្លែងកើតហេតុ ជីដូនឈ្មោះ ង៉ាក់ ហួត អាយុ៤៩ឆ្នាំ មុខរបរ កម្មករ ស្នាក់នៅជាមួយគ្នា កន្លែងកើតហេតុ មានស្រុកកំណើតភូមិពន្លៃ ឃុំបាបោង ស្រុកពាមរក៍ ខេត្តព្រៃវែង ។
ក្រោយកើតហេតុសមត្ថកិច្ចចុះទៅពិនិត្យដល់ទីតាំងខាងលើរួចប្រគល់សាកសពក្មេងស្រីជូនក្រុមគ្រួសារ ចាត់ចែង រៀបចំធ្វើបុណ្យតាមប្រពៃណី ហើយសមត្ថកិច្ចបន្តស្រាវជ្រាវ ស្វែងរករថយន្តបង្ក ៕S/
