Home ព័ត៌មានអន្តរជាតិ មន្ទីរបញ្ចកោណ...

មន្ទីរបញ្ចកោណ ៖ ទាហាន អាម៉េរិកជាង១០០នាក់រងរបួស ខួរក្បាល អំឡុងការវាយប្រហារ ដោយអ៊ីរ៉ង់

ក្រសួងការពារជាតិបាននិយាយកាលពីថ្ងៃចន្ទទី១០កុម្ភៈថា ទាហានអាម៉េរិកជាង ១០០ នាក់បានរងរបួសខួរក្បាលកម្រិត “ស្រាល” គឺស្រាលជាងឆ្ងាយណាស់​ពីអ្វីដែល​បានប្រកាសកាលពីគ្រាដំបូង នៅពេលអ៊ីរ៉ង់បាញ់មីស៊ីលដាក់មូលដ្ឋាន​របស់​ពួកគេនៅក្នុងប្រទេសអ៊ីរ៉ាក់កាលពីខែមុន។

មន្ទីរបញ្ចកោណបាននិយាយនៅក្នុងសេចក្តីថ្លែងការណ៍មួយថា “រហូតមកដល់​ថ្ងៃនេះ សមាជិកទាហានអាម៉េរិកចំនួន ១០៩ នាក់ត្រូវបានធ្វើរោគវិនិច្ឆ័យឃើញថា​មាន​របួសខួរក្បាលកម្រិតស្រាលឬ mTBI ពោលគឺកើនឡើងចំនួន ៤៥ នាក់ទៀត ចាប់តាំងពីរបាយការណ៍មុន”។

ក្នុងចំណោមនោះមាន ៧៦ នាក់បានវិលត្រឡប់មកបំពេញភារកិច្ចវិញ​ខណៈនៅផ្សេងទៀតកំពុងត្រូវគេវាយតម្លៃនិងព្យាបាល។

ប្រធានាធិបតីដូណាល់ត្រាំ​បាននិយាយពីដំបូងថា គ្មានជនជាតិអាម៉េរិកណាម្នាក់​រងរបួសនៅក្នុងការវាយប្រហារដាក់មូលដ្ឋានអាអ៊ីនអាល់អាសាដនៅភាគខាងលិចអ៊ីរ៉ាក់កាលពីយប់ថ្ងៃទី ៧-៨ ខែមករានោះទេ ទោះបីអាជ្ញាធរបានរាយការណ៍ថា កងទ័ពចំនួន ១១ នាក់បានរងរបួសក៏ដោយ។

អ៊ីរ៉ង់បានបាញ់មីស៊ីលឆ្លងទ្វីបដាក់មូលដ្ឋានទ័ពអាម៉េរិកដើម្បីសងសឹកចំពោះ​ការវាយប្រហារដោយដ្រូនរបស់អាម៉េរិកកាលពីថ្ងៃទី ៣ ខែមករាដែលបាន​សម្លាប់ឧត្តមសេនីយ៍អ៊ីរ៉ង់ កាសសេម សូឡីម៉ានី ខណៈគាត់កំពុងស្ថិតនៅក្នុង​ទីក្រុងបាកដាដ។

លោកត្រាំត្រូវគេយល់បានថា​ព្យាយាមកាត់បន្ថយផលប៉ះពាល់មកលើកងទ័ព​អាម៉េរិកដើម្បីជួយសម្រាលភាពតានតឹងរវាងប្រទេសទាំងពីរ ចំពេលមានការ​ព្រួយបារម្ភថាសង្គ្រាមពេញទំហឹងអាចផ្ទុះឡើង៕ ដោយ៖ កញ្ញាដាលីស/Ha

ទាហានអាម៉េរិក១០៩នាក់រងរបួសខួរក្បាលពីការវាយប្រហារដោយមីស៊ីលរបស់អ៊ីរ៉ង់

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...