អាម៉េរិក​ផ្តល់​គ្រឿង​សម្ភារៈ​សំរាប់​ទប់ស្កាត់​​កូរ៉ូណា​វីរុស​នៅ​ឡាវ​

231
ចែករម្លែក

​សហរដ្ឋ​អាម៉េរិក​បាន​និយាយ​កាលពី​ថ្ងៃ​ចន្ទ​ថា​ខ្លួន​បាន​ផ្តល់​សម្ភារ​ពេទ្យ​ដល់​ប្រទេស​ឡាវ​ក្នុង​ការផ្តល់​ជា​លើកដំបូង​នៃ​ការសន្យារ​ផ្តល់ប្រាក់​១០០ លាន​ដុល្លារ​ជា​​ជំនួយ​សកល ដើម្បី​ប្រយុទ្ធប្រឆាំង​កូរ៉ូណា​វីរុស​នេះ​។​

​ទីភ្នាក់ងា​រដ្ឋ​អាម៉េរិក​សម្រាប់​ការអភិវឌ្ឍន៍​អន្តរជាតិ​បាន​និយាយថា​ខ្លួន​បាន​ប្រគល់​ឧបករណ៍​ពេទ្យ​ដែល​រួមមាន វ៉ែនតា​ពេទ្យ​ការពារ​ចំនួន​៤៤០ និង​អាវ​​ពេទ្យ​ចំនួន​១.៥០០ ដល់​ប្រទេស​ឡាវ​ដែល​មាន​ព្រំដែន​ជាប់​ប្រទេស​ចិន​។​

​រដ្ឋមន្ត្រី​ក្រសួង​ការបរទេស​អាម៉េរិក លោក ម៉ៃ ផ​ម​ផេវ កាលពី​ថ្ងៃ​សុក្រ​បាន​សន្យា​ផ្តល់​ថវិកា​១០០​លាន​ដុល្លារ​ដល់​ប្រទេស​ចិន​និង​ប្រទេស​ដែល​រង​ផលប៉ះពាល់​​ដទៃទៀត​ដើម្បី​ទប់ទល់​នឹង​វីរុស​ដែល​រហូត​មកដល់ពេលនេះ បាន​សម្លាប់​មនុស្ស​ជាង​១០០០ នាក់​។​

​លោក ជី​ម រី​ឆាត​សុន ប្រធាន​ធនធាន​ជំនួយ​បរទេស​នៃ​ក្រសួងការបរទេស​អាម៉េរិក​បាន​និយាយថា ការផ្តល់​ជំនួយ​ដល់​ប្រទេស​ឡាវ​គឺជា​លើកដំបូង​ហើយ​ការ​​ផ្តល់​ថវិកា​នេះ​នឹង​ផ្តោត​សំខាន់​ទៅលើ​ការទប់ស្កាត់​វីរុស​នេះ​៕​ប្រែ​សម្រួល​៖​សុខា​/sn

​រដ្ឋមន្ត្រី​ក្រសួង​ការបរទេស​អាម៉េរិក លោក ម៉ៃ ផ​ម​ផេវ

អាជ្ញាប័ណ្ណចែកចាយផ្តាច់មុខ