ដោយៈចាន់តូ/ភ្នំពេញ៖បុរសម្នាក់រួមដំណើរនិងស្ត្រីម្នាក់ទៀតបានកំពុងជិះម៉ូតូក៏ត្រូវបានជនសង្ស័យ២នាក់មកឆក់កាបូបបានសម្រេច តែត្រួវប្រជាពលរដ្ឋចាប់បាន។ករណីនេះកើតឡើងកាលពីយប់ថ្ងៃចន្ទទី១០ខែកុម្ភៈ ឆ្នាំ២០២០ត្រង់ចំណុចមុខផ្សារជិនជូរីផ្លាហ្សា ក្នុងសង្កាត់កាកាបទី១ ខណ្ឌពោធិ៏សែនជ័យ ។
ជនសង្ស័យទី១មានឈ្មោះឆានភារម្យ ភេទប្រុស អាយុ១៧ឆ្នាំមុខរបរអតីតធ្វើការនៅកាស៊ីណូ នៅក្រុងព្រះសីហនុ ជាអ្នកបើកម៉ូតូម៉ាកឌ្រីមសង់ C125 ស៊េរីឆ្នាំ២០១៨ ពណ៌ខ្មៅ ពាក់ផ្លាកលេខ កំពង់ចាម1S.1102.។ទី២មានឈ្មោះរ៉ាផា ភេទប្រុសអាយុ២០ឆ្នាំ មុខរបរជាងដែក ជាអ្នកឆក់អង្គុយពីក្រោយ។ចំណែកជនរងគ្រោះមិនត្រូវបានស្គាល់អត្តសញ្ញាណនោះទេដោយជិះម៉ូតូម៉ាកឌ្រីមសង់C125ស៊េរីឆ្នាំ២០១០ ពណ៌ខ្មៅ ពាក់ផ្លាកលេខ កណ្តាល1G.5812 ។
បច្ចុប្បន្នជនសង្ស័យទាំង២នាក់រួមទាំងវត្ថុតាងត្រូវបានសមត្ថកិច្ចប៉ុស្ដិ៍នគរបាលរដ្ឋបាលកាកាបទី ១ យកទៅសួរនាំនិងឱ្យជនរងគ្រោះទៅដាក់ពាក្យបណ្ដឹងដើម្បីដាក់បន្ទុកទៅលើជនសង្ស័យ រួចហើយក៏បញ្ជូនបន្តទៅអធិការដ្ឋានខណ្ឌពោធិ៍សែនជ័យដើម្បីចាត់ការទៅតាមនីតិវិធីនៃច្បាប់ ៕S/Ha
