Home កីឡា ក្លិប លី​វឺ​ភ...

ក្លិប លី​វឺ​ភូ​ល គ្រោង​លក់ ហ៊ែ​រី វី​ល​សិន ក្នុងតម្លៃ​៣០​លាន​ផោន​នៅ​រដូវក្តៅ​នេះ​

តាម​ព័ត៌មាន​ថា ក្លិប លី​វឺ​ភូ​ល​(Liverpool) ត្រៀម​លក់​ចេញ ហ៊ែ​រី វី​ល​សិន (Harry Wilson) នៅ​រដូវក្តៅ ហើយ​ដាក់​តម្លៃ​ប្រហែល​៣០​លាន​ផោន​។​
​ ​
​វី​ល​សិន បាន​កសាង​កេរ្តិ៍ឈ្មោះ​របស់ខ្លួន​នៅ​អង់គ្លេស បន្ទាប់ពី​ទទួលបាន​ជោគជ័យ​ក្នុង កិច្ចសន្យាខ្ចី​ជើង​ទាំង​ជាមួយ​ក្លិប Derby Country និង Bournemouth ។​
​ ​
បើទោះបីជា​ធ្វើ​មិន​បានល្អ​ក្នុង​ក្រុម​របស់លោក អេ​ដ​ឌី ហូ (Eddie Howe) នៅ​រដូវ​កាល​នេះ ប៉ុន្តែ វី​ល​សិន គឺជា​កីឡាករ​ឆ្នើម​ម្នាក់​និង​រកបាន​៧​គ្រាប់​ផងដែរ​នៅ​ក្របខណ្ឌ​ព្រី​មី​ញ៉េ​លី​ក​ក្នុងការបង្ហាញមុខ​២១​លើក​។​
​ ​
​ទោះបីជា​យ៉ាងណា Liverpool នឹងមិន​ផ្តល់ឱកាស​ឲ្យ​កីឡាករ​រូបនេះ​ប្រកួតប្រជែង​ក្នុង​ក្រុមជម្រើស​របស់​ក្រុម​នៅ​រដូវ​កាល​ក្រោយ​នោះទេ​។
​ ​
នៅពេល វី​ល​សិន វិលត្រឡប់​មកកាន់​ក្លិប Liverpool វិញ​នៅ​ដំណាច់​រដូវ​កាល​នេះ​កីឡាកររូបនេះ​នឹង​ឈានដល់​ដំណាក់កាល​ចុងក្រោយ​នៃ​កិច្ចសន្យា​របស់ខ្លួន​ជាមួយ​ក្លឹប Liverpool ហើយ​។​
​ ​
ក្លិប Liverpool ទំនងជា​ចង់បាន​ប្រាក់​ត្រឡប់មកវិញ​ខ្លះ​ពី​កីឡាករ​រូបនេះ​ដែល​ដើម ឡើយ ចុះ​កិច្ចព្រមព្រៀង​ចូលរួម​ជាមួយ​ថ្នាល​របស់ Liverpool និង​បាន​រីកចម្រើន​តាមរយៈ​ថ្នាល​នេះ ផងដែរ​។​
​ ​
ការរីកចម្រើន​របស់​កីឡាករ ឃឺ​ទី​ស ចូ​ន (Curtis Jones) បាន​ទាក់ទាញ​ចំណាប់ អារម្មណ៍​របស់ លោក យើ​ហ្គេ​ន ក្លប់ (Jurgen Klopp) ដែល​គ្រោង​នឹង​រក្សាទុក​ខ្សែ បម្រើ​រូបនេះ​ដល់​រដូវ​កាល ក្រោយ បើទោះបីជា​កីឡាករ​រូបនេះ​កំពុង​លេង​ខ្ចី​ជើង​នៅ​ក្លឹប​ផ្សេង​និង​ទទួលបាន​ការចាប់ អារម្មណ៍​ពី​ក្លឹប​ជាច្រើន​ក៏ដោយ​។​
​ ​
ក្លិប Liverpool គ្រោង​នឹង​ទុក ចូ​ន ហើយ​នាំយក​កីឡាករ​រូបនេះ​មក​ចូលរួម​ក្នុង​ក្រុម​ជម្រើស​ដំបូង ដើម្បី​ដាក់​ឲ្យ​លេង​ជា​ដៃគូ​ជាមួយ​កីឡាករ​ចំណូល​ថ្មី តា​គូ​មី មីណា​មី​ណូ (Takumi Minamino) ដែល​ផ្ទេរ​មកពី​ក្លិប RB Salsburg ៕ ប្រែ​សម្រួល​: ពិសិដ្ឋ​

កីឡាករ ហ៊ែ​រី វី​ល​សិន (Harry Wilson)

ទីតាំងផ្សាយពាណិជ្ជកម្ម

- Advertisment -

Most Popular