តាមព័ត៌មានថា ភ្នាក់ងាររបស់កីឡាករ ហ្វីលីព កូទីញ៉ូ (Phillipe Coutinho) សុខចិត្តផ្តល់ឱកាស ឲ្យក្លិប ជូវេនទុស(Juventus) ផ្ទេរកីឡាកររូបនេះ ស្របពេលក្លិបបៃយឺន ម៉ូនិច( Bayern Munich) គ្មានបំណងចុះកិច្ចព្រមព្រៀងផ្ទេរអចិន្ត្រៃយ៍នោះទេ។
កីឡាករវ័យ២៧ឆ្នាំរូបនេះកំពុងលេងខ្ចីជើងនៅក្របខ័ណ្ឌ Bundesliga ដែលមានជម្រើសទិញ ផ្តាច់ក្នុងតម្លៃ១០០លានផោន ប៉ុន្តែក្លិបនេះមិនទំនងជាហ៊ានចំណាយច្រើននោះទេ ហើយ កូទីញ៉ូ នឹងវិលត្រឡប់មកក្លិប Barcelona វិញនៅដំណាច់រដូវកាលនេះ។
ភ្នាក់ងាររបស់ កូទីញ៉ូ នឹងព្យាយាមសម្របសម្រួលឲ្យកីឡាកររូបនេះចាកចេញទៅចូលរួមនៅទីក្រុងទូរីនឬជាមួយក្លិប PSG ។
សេចក្តីរាយការណ៍ដដែលបានឲ្យដឹងថា ក្លិប Juventus ចាប់អារម្មណ៍ចង់ផ្ទេរ កូទីញ៉ូ កាលពី រដូវក្តៅឆ្នាំមុន ប៉ុន្តែខកខានមិនបានសម្រេចកិច្ចព្រមព្រៀងផ្ទេរ បន្ទាប់ពីខ្សែប្រយុទ្ធ ប៉ាវឡូ ឌីបាឡា (Paulo Dybala) និង ហ្គុនហ្សាឡូ ហ៊ីហ្គួអ៊ីន (Gonzalo Higuain) បន្តនៅជាមួយ ក្លឹបនេះ។
មានការអះអាងផងដែរថា ក្លឹប Arsenal និង Liverpool ក៏អាចនឹងនាំយកកីឡាកររូបនេះ ត្រឡប់មកក្របខណ្ឌព្រីមីញ៉េលីកផងដែរ ស្របពេលBarcelonaទំនងជារក្សាតម្លៃ៦៨ លានផោន៕ ប្រែសម្រួល: ពិសិដ្ឋ
