Home កីឡា អេ​ម៉ា​ញូ​អែល...

អេ​ម៉ា​ញូ​អែល ប៉ឺ​ទី​ត​: លី​អូ​ណេ​ល ម៉េ​ស​ស៊ី អាច​នឹង​ពិបាក​សម្រប​ខ្លួន​ជាមួយ​ប្រព័ន្ធ​នៅ​អង់គ្លេស ប្រសិនបើ​ផ្ទេរ​ទៅលេង​នៅ​ព្រី​មី​ញ៉េ​លី​ក​

បើតាម​ការយល់ឃើញរ​បស់​អតីត​កីឡាករ​ឆ្នើម​លោក អេ​ម៉ា​ញូ​អែល ប៉ឺ​ទី​ត (Emmanuel Petit) បាន ក្លឹប​ម៉េ​ន​ឆេ​ស្ទ័​រ ស៊ី​ធី​និង​ម៉េ​ន​ឆេ​ស្ទ័​រ យូ​ណាយ​ធី​ត​គួរ​បំភ្លេចចោល​រឿង​ផ្ទេរ​កីឡាករ​ឆ្នើម លី​អូ​ណេ​ល ម៉េ​ស​ស៊ី (Lionel Messi) របស់​ក្លិប​បា​សេ​ឡូ​ណា​( Barcelona) ដោយសារតែ កីឡាករ​រូបនេះ​មិន​ស័ក្តិ​សមនៅ​ក្របខណ្ឌ​ព្រី​មី​ញ៉េ​លី​ក​ដូចជា​កីឡាករ គ្រី​ស្ទៀ​ណូ រ៉ូ​ណា​ល់​ដូ (Cristinao Ronaldo) នោះទេ​។​
​ ​
លោក ប៉ឺ​ទី​ត ធ្លាប់​ចំណាយពេល​បី​ឆ្នាំ​ជាមួយ​ក្លិប​អា​សេណ​ល​( Arsenal)​ឆេ​ល​ស៊ី​( និង Chelsea) និង​ក៏បាន​ចំណាយពេល​មួយឆ្នាំ​នៅ​ក្លិប Barcelona ផងដែរ​។​
​ ​
ប៉ឺ​ទី​ត បាន​និយាយថា “​និយាយ​ដោយ​ត្រង់​ទៅ ខ្ញុំ​មិន​ជឿថា ម៉េ​ស​ស៊ី ស័ក្តិសម​នឹង​ប្រព័ន្ធ​លេង បាល់ទាត់​ដ៏​តឹងតែង​នៅ​អង់គ្លេស​នោះទេ​។ គាត់​មិន​ចូលចិត្ត​របៀប​លេង​បែប​ប្រជែង​ខ្លាំង​។ នៅ​អេ​ស្ប៉ា​ញ ម៉េ​ស​ស៊ី ទទួលបាន​ការការពា​រ​ច្រើន​”​។​
​ ​
​ប៉ឺ​ទី​ត បន្តថា “​វា​គឺជា​រឿង​រីករាយ​សម្រាប់​អ្នកគាំទ្រ​អង់គ្លេស​ដែល​ចង់ឃើញ​កីឡាករ​រូបនេះ ប៉ុន្តែ​ខ្ញុំ​មិន​គិត​ឃើញ​ហេតុផល​ណាមួយ​ដែលថា ម៉េ​ន​ឆេ​ស្ទ័​រ ស៊ី​ធី​ចង់​ផ្ទេរ​កីឡាករ ម៉េ​ស​ស៊ី ដែលមាន​វ័យ​៣២​ឬ​៣៣​ឆ្នាំ​នោះទេ ប្រសិនបើ​ពួកគេ​ចង់បាន​កីឡាករ​រូបនេះ គេ​គួរតែ​ធ្វើ តាំងពីរ​បី​ឆ្នាំមុន​មកម្ល៉េះ​”​។​
​ ​
ប៉ឺ​ទី​ត និយាយថា ម៉េ​ស​ស៊ី មិន​ដូចជា គ្រី​ស្ទៀ​ណូ រ៉ូ​ណា​ល់​ដូ ទេ​។ បើ​និយាយ​ពី​កាយសម្បទា ក៏​ខុសគ្នា​។ រ៉ូ​ណា​ល់​ដូ មាន​កាយសម្បទា​ធំ​ជាង ប៉ុន្តែ​ក្នុង​វ័យ​៣២​ឆ្នាំ ម៉េ​ស​ស៊ី​អាច​លេង​ក្នុង កម្រិត​កំពូល​ត្រឹម​២​ឬ​៣​ឆ្នាំ​ទៀត​ប៉ុណ្ណោះ​៕ ប្រែ​សម្រួល​: ពិសិដ្ឋ​

កីឡាករ​ឆ្នើម លី​អូ​ណេ​ល ម៉េ​ស​ស៊ី (Lionel Messi)

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...

រដ្ឋបាល​រាជធានី​ជូនដំណឹង​...

ដោយ​: រ៉ា​ម៉ន / ភ្នំពេញ​:...