Home ព័ត៌មានជាតិ សន្តិសុខ ​បុរស​ម្នាក់​...

​បុរស​ម្នាក់​ដើរ​កណ្ដាល​ថ្នល់​ ត្រូវ​រថយន្តបុក ​ហើយ​កិន​ស្លាប់​

ដោយៈ​ចាន់តូ​:​ភ្នំពេញ​៖​បុរស​ម្នា​ក់បាន​បែកក្បាល​ស្លាប់​បន្ទាប់ពី​ដើរ​កណ្ដាល​ថ្នល់​ត្រូវ​រថយន្ត​មិន​ស្គាល់​ម៉ាក​បុក​ ហើយ​កិន​កាលពី​វេលា​ម៉ោង​១​និង​១០​នាទី​យប់​រំលងអធ្រាត្រ​ចូល​ថ្ងៃ​អង្គារ​ទី​១១​ខែកុម្ភៈ​ ឆ្នាំ​២០២០ ត្រង់ចំណុច​មុខ​វត្ត​កា​ភេ​ន ក្នុងភូមិ​ព្រៃ​បឹង សង្កាត់​កន្ទោក ខណ្ឌ​កំបូល​។​

​ជនរងគ្រោះ​មិនត្រូវ​បាន​ស្គាល់​អត្តសញ្ញាណ​នោះទេ ​គាត់​ស្លៀកពាក់​ខោ​ខូវប៊យ​ពណ៌​ខៀវ ពាក់​អាវដៃវែង​សាច់​ក្រណាត់​ឆ្នូត​ស ​និង​អាវយឺត​ខាងក្នុង​ពណ៌​ខ្មៅ​កម្ពស់​ប្រហែល​១​ម៉ែត្រ​៦៥​ សម្បុរ​ខ្មៅ​ស្រអែម មាន​ពាក់​នាឡិកា​នៅ​នឹង​ដៃ​។​

​ប្រភពពី​កន្លែងកើតហេតុ​បានឱ្យដឹងថា ​ដំបូង​ឡើយ​គេ​ឃើញ​បុរសរងគ្រោះ​ខាងលើ​ដើរ​កណ្ដាល​ថ្នល់​តាម​បណ្ដោយ​ផ្លូវជាតិ​លេខ​៤​។ ​មកដល់​ចំណុចកើតហេតុ​ក៏ត្រូវ​រថយន្ត​មិន​ស្គាល់​ម៉ាក​បុក​ស្លាប់​នៅ​កណ្ដាល​ថ្នល់​។​​​ ក្រោយ​កើតហេតុ​សមត្ថកិច្ច​មូល​ដ្ឋា​ន​បាន​ចុះមក​វាស់វែង​និង​ធ្វើ​កំណត់ហេតុ​និង​ឱ្យ​រថយន្ត​ដឹក​សាកសព​យកទៅ​តម្កល់ទុក​នៅ​វត្ត​ទឹកថ្លា​ដើម្បី​រង់ចាំ​ស្រាវជ្រាវ​រក​សាច់ញាតិ​មក​ទទួលយក​ទៅធ្វើ​បុណ្យ​តាម​ប្រពៃណី​៕S/​Ha

ទីតាំងផ្សាយពាណិជ្ជកម្ម

- Advertisment -

Most Popular