អ្វីដែល​អ្នក​ម្ដាយ​គប្បី​ចៀសវាង ក្រោយ​សម្រាល​រួច​

​ក្នុងកំឡុងពេល​ពីរ​បី​ថ្ងៃ​ដំបូង​បន្ទាប់ពី​សម្រាល​បុត្រ​រួច​គឺមាន​សកម្មភាព​មួយចំនួន​ដែល​ស្ត្រី ជា​ម្ដាយ​ចាំបាច់​គួរ​ចៀសវាង​ដើម្បី​បង្ការ​បញ្ហា​ស្មុគស្មាញ​កើតឡើង​។ ម្យ៉ាងវិញទៀត​ការ ដកខ្លួន​ពី​សកម្មភាព​មួយចំនួន​ក៏​អាច​ផ្ដល់​ពេល​បន្ថែម​អោយ​ស្ត្រី​ម្ដាយ​ផ្ដោត​សំខាន់​លើ​ការថែរក្សា​កូនតូច​និង​ពង្រឹង​សុខភាព​ខ្លួនឯង​ផងដែរ​។ ថា​តើ​សកម្មភាព​អ្វីខ្លះ​ទៅ​ដែល​ស្ត្រី​ជា​ម្ដាយ មិនគួរ​ធ្វើ​ក្រោយ​សម្រាល​រួច​?

១. មិន​គេង​
ការ​គេង​អោយបាន​គ្រប់គ្រាន់​បន្ទាប់ពី​សម្រាល​កូន​រួច គឺ​ពិតជា​សំខាន់​ខ្លាំងណាស់​សម្រាប់ស្ត្រី​ជា​ម្ដាយ​ដើម្បី​ពង្រឹង​សុខភាព​និង​ស្ដារ​ថាមពល​ឡើងវិញ​។ ហើយ​ភាគច្រើន​នៃ​ពួកយើងសុទ្ធតែ​បានដឹង​ហើយ ថា​កង្វះ​ការ​គេង​ជះឥទ្ធិពល​ប៉ុណ្ណា​ចំពោះសុខភាព​រាងកាយ ដូច្នេះចូរ​ព្យាយាម​សម្រាក​អោយបាន​ច្រើន​ដើម្បី​មាន​កម្លាំង​គ្រប់គ្រាន់​នឹង​ថែរក្សា​កូនតូច​។​

២. ធ្វើ​លំ​ហាត់ប្រាណ​ច្រើន​
​អ្នកជំនាញ​ជាច្រើន​បាន​និយាយថា​ក្រោយពី​សម្រាលកូន​រួច ស្ត្រី​ជា​ម្ដាយ​មិនគួរ​ធ្វើ​លំ​ហាត់ប្រាណ​ខ្លាំងក្លា​ណាមួយ ឬ​ធ្វើ​លំ​ហាត់ប្រាណ​ច្រើន​យូរ​ម៉ោង​ឡើយ​។ នោះ​ក៏​ព្រោះតែ​នៅ ពេល​ទើប​សម្រាលកូន​រួច​រាងកាយ​កំពុង​ទទួលរង​ការឈឺចាប់​ស្រាប់ ដូច្នេះ​ការធ្វើសកម្មភាព ឬ​លំ​ហាត់ប្រាណ​ណាមួយ​ដែល​បង្កើន​ការឈឺចាប់​បន្ថែម គឺ​មិន​សមស្រប​នោះទេ​។ ទោះជាយ៉ាងណា​ការដើរ​ធម្មតា​ត្រឹម​រយៈពេល​ប្រមាណ​ពី ២ ទៅ ៣ នាទី គឺ​ប្រសើរ​ប្រសិនបើ​អ្នក​ចង់ស្រក​ទម្ងន់​ក្រោយ​សម្រាល​។​

៣. តម​អាហារ​
ការ​តម​អាហារ​បង្ក​ផលប៉ះពាល់​ដោយ​រារាំង​រាងកាយ​មិនអោយ​ទទួលបាន​នូវ​សារធាតុ ចិញ្ចឹម​គ្រប់​គ្រាន់​ដើម្បី​ពង្រឹង​សុខភាព ស្ដារ​ថាមពល​ឡើងវិញ​មិន​ត្រឹមតែ​ចំពោះ​ស្ត្រី​ជា​ម្ដាយ​ប៉ុណ្ណោះ​ទេ ប៉ុន្តែ​ក៏​ជះឥទ្ធិពល​ដល់​ការលូតលាស់​របស់​ទារ​ក​ផងដែរ​។ ដូច្នេះ​ក្រោយពេល​សម្រាល ពិសេស​កំឡុងពេល​បំបៅ​ដោះ ស្ត្រី​ជា​ម្ដាយ​មិនគួរ​តម​អាហារ​ឡើយ​។ ការទទួល​ទាន​អាហារគ្រប់គ្រាន់​ទៀងពេល និង​ជ្រើសរើស​របប​អាហារ​បាន​ត្រឹមត្រូវ​សម្បូរ​សារធាតុចិញ្ចឹម​សំខាន់ៗ គឺ​ចាំបាច់​ណាស់​ដើម្បី​រក្សា​សុខភាព​ទាំង​ម្ដាយ​និង​ទារក​រួមទាំង​ជួយ​បង្កើន​ការផលិតទឹកដោះ​ផងដែរ​។​

៤. ហែល​ទឹក​
ចំណុច​សំខាន់បំផុត​មួយ​ក្នុងដំណាក់កាល​ពង្រឹង​សុខភាព​ឡើងវិញ​ក្រោយ​សម្រាល​នោះ គឺ​ទប់ស្កាត់​មិនឱ្យ​មានការ​ឆ្លង​មេរោគ​។ ហើយ​ការ​ហែល​ទឹក គឺ​ប្រៀបដូចជា​បើកឱកាស អោយ​មេរោគ​វាយ​លុយ​ចូលក្នុង​រាងកាយ​អញ្ចឹង​។ ទោះជា​យ៉ាងណា​អ្នកជំនាញ​ជាច្រើន និយាយថា​ការ​ងូតទឹក​ធម្មតា គឺ​ប្រសើរ ព្រោះ​វា​ជួយ​សម្អាត​រាងកាយ​អោយ​ស្អាត និង​ផ្ដល់អារម្មណ៍​ស្រស់ស្រាយ​។​

៥. ស្វែងរក​ពត៌មាន​បន្ថែ​ម​តាម​បណ្ដាញ​អ៊ី​ន​ធើ​ណិ​ត​
អ្នក​ម្ដាយ​ថ្មីថ្មោង ឬ​ទើបនឹង​សម្រាល​រួច​ច្រើនតែ​មានការ​ព្រួយបារម្ភ​ជ្រុល​ដល់​ថ្នាក់​ពេលខ្លះ ចាប់ផ្ដើម​ស្រាវជ្រាវ​ពត៌មាន​បន្ថែម​ពី​ក្នុង​អ៊ី​ន​ធើ​ណិ​ត​។ ទោះជា​យ៉ាងណា​ពត៌មាន​ក្នុង​អ៊ី​ន ធើ​ណិ​ត​មិន​សុទ្ធតែ​ច្បាស់លាស់​ត្រឹមត្រូវ​លម្អិត​ឡើយ​។ ដូច្នេះ​ដើម្បី​ចៀសផុត​បញ្ហា​ស្លន់ ស្លោរ​ភ័យ​ខុស​រឿង ប្រសិន​មាន​បញ្ហា​ណាមួយ​ដែល​អ្នក​យល់​មិន​ច្បាស់ ឬ​ស្ទាក់ស្ទើ​មាន ចម្ងល់​មិនដឹង​ធ្វើយ៉ាងណា ចូរ​សួរនាំ​អ្នកមាន​បទពិសោធន៍​និង​ពិភាក្សា​ជាមួយ​គ្រូពេទ្យ​ផ្ទាល់ តែម្ដង​ទើប​ប្រសើរ​៕ ដោយៈ health.com.kh

ទីតាំងផ្សាយពាណិជ្ជកម្ម

- Advertisment -

Most Popular