Home ព័ត៌មានអន្តរជាតិ ហុងកុង​ជម្លៀស...

ហុងកុង​ជម្លៀស​មនុស្ស​មួយ​ប្លុក​អាគារ​កំពស់​៣៥​ជាន់ ក្រោយ​រក​ឃើញ​មនុស្ស​២​នាក់​ផ្ទុក​វីរុស​

​មនុស្ស​ជាង​១០០​នាក់​ត្រូវបាន​ជម្លៀស​ចេញពី​ប្លុក​អាគារ​កំពស់​៣៥​ជាន់​មួយ​កាលពី​ថ្ងៃ​អង្គារ​ទី​១១​កុម្ភៈ បន្ទាប់​ពី​អ្នករស់នៅ​ក្នុង​អាគារ​នេះ​២​នាក់​នៅ​បន្ទប់​ផ្សេង​​គ្នា​ត្រូវ​បាន​ធ្វើតេស្ត​រកឃើញ​កូរ៉ូណា​វីរុស​នៅក្នុង​ខ្លួន​រប​ស់​ពួកគេ​។​

​អ្នករស់នៅ​ក្នុង​ប្លុក​អាគារ​ខុន​ដូ​ត្រូវបាន​បង្ខំ​អោយ​ចាកចេញ​នៅ​ព្រឹក​ថ្ងៃ​អង្គារ នៅពេល​មន្ត្រី​សុខាភិបាល ពាក់​ម៉ាស់​មុខ​និង​សម្លៀកបំពាក់​ពេទ្យ​ពណ៌​ស បាន​​ចូល​ធ្វើការ​ដើម្បី​អោយ​ដឹង​ថា វីរុស​បាន​ឆ្លង​ទៅ​កាន់​មនុស្ស​ប្រមាណ​៣.០០០​នាក់​នៅក្នុង​អាគារ​នេះ​ដែរ​ឬ​អត់​។​

​សូមបញ្ជាក់​ថា ហុងកុង​កំពុង​ស្ថិតក្នុង​ស្ថានភាព​ប្រុង​ជើងការ​ខ្ពស់​អំពី​ការឆ្លង​រាលដាល​ធំ​ណាមួយ ជាពិសេស​នៅក្នុង​ប្លុក​អាគារ​ខ្ពស់ៗ​ដែល​មាន​មនុស្ស​រស់​នៅ​ផ្តុំ​​គ្នាច្រើន​។​បច្ចុប្បន្ន ហុងកុង​បាន​អះអាងថា​បាន​រកឃើញ​អ្នក​ផ្ទុក​កូរ៉ូណា​វីរុស​៤២​នាក់ និង​ម្នាក់​បាន​ស្លាប់​។​

​សូម​រំលឹក​ថា កាល​ពី​ហុងកុង​ជួប​ការផ្ទុះ​ជម្ងឺ​រោគសញ្ញា​ផ្លូវដង្ហើម​ស្រួចស្រាល់ (SARS)​កាលពី​១៧​ឆ្នាំមុន មនុស្ស​២៩៩​នាក់​បាន​បាត់បង់​ជីវិត​ពី​វីរុស​ដែល​ស្រដៀង​គ្នា​​នឹង​កូរ៉ូណា​វីរុស​បច្ចុប្បន្ន ក្នុងនេះ​មនុស្ស​៤២​នាក់​បាន​ស្លាប់​តែ​ក្នុង​មួយ​ប្លុក​អាគារ​ដែល​មាន​អ្នក​ឆ្លង​ប្រមាណ​៣០០​នាក់​។​

​ពួក​មន្ត្រី​បាន​និយាយថា ការ​រើ​ទីលំនៅ​អ្នក​រស់ក្នុង​អាគារ​ក្នុង​សង្កាត់​ឈីង យី កាលពី​ថ្ងៃ​អង្គារ​ជា​វិធានការ​បង្ការ​ទុកជា​មុន​មួយ​បន្ទាប់ពី​ស្ត្រី​វ័យ​៦២​ឆ្នាំ​ម្នាក់ នៅ​ជាន់​ទី​៣​ត្រូវបាន​គេ​រកឃើញ​មាន​ផ្ទុក​វីរុស​។​ស្ត្រី​រូបនេះ​រស់នៅ​១០​ជាន់​ក្រោម​បន្ទប់​របស់​បុរស​ម្នាក់​ដែល​ក៏​ផ្ទុក​កូរ៉ូណា​វីរុ​សដែរ​។​

​បើ​តាម​មន្ត្រី​សុខាភិបាល​ហុងកុង ក្នុងចំណោម​អ្នក​ត្រូវ​ជម្លៀសចេញ​មាន​៤​នាក់​បង្ហាញ​រោគសញ្ញា​ដូច​ឆ្លង​កូរ៉ូណា​វីរុស​៕​ប្រែ​សម្រួល​៖​វាសនា​

អ្នករស់នៅ​ក្នុង​ប្លុក​អាគារ​ត្រូវបាន​នាំ​ចេញ​យក​ទៅ​ដាក់​នៅ​ដាច់​ពី​គេ​ក្នុង​ជំរំ​ចត្តា​ឡូ​ស័​ក បន្ទាប់ពី​មនុស្ស​២​នាក់​ក្នុង​អាគារ​ត្រូវបាន​រកឃើញ​មាន​ផ្ទុក​វីរុស​

ទីតាំងផ្សាយពាណិជ្ជកម្ម

- Advertisment -

Most Popular

ការប្រឡង​ឌី​ប្លូ​ម​២​ថ្ងៃ...

​ដោយ​:​ដេប៉ូ​/​ភ្នំពេញ​:​...

សម្តេច​ជោ ហ៊ុន សែន​៖ យើងទ...

ដោយៈ ទេព មង្គល / ភ្នំពេញៈ...

សម្តេច​ប្រធានរដ្ឋសភា​កម្ព...

ដោយៈ​ស្រីនាថ​,​សុផល​/​ភ្ន...

ពិតជា​ស្ចា​រ្យ​មែន​! អតិ...

ដោយ​៖ ដេប៉ូ / ភ្នំពេញ​៖ ប...