រៀបចំ​វេទិកាសាធារណៈ​ប្រចាំឆ្នាំ​២០១៩​និង​ទិសដៅ​អនុវត្ត​បន្ត​ឆ្នាំ​២០២០

វ៉ៃ​កូ​/​ស្វាយរៀង​៖​កាលពី​ព្រឹក​ថ្ងៃទី​១១​ខែកុម្ភៈ​ឆ្នាំ​២០២០​លោកស្រី​កិ​តិ្ត​សង្គហ​បណ្ឌិត​ម៉ែន​សំអន​ឧបនាយករដ្ឋមន្ត្រី​រដ្ឋ​មន្ត្រី​ក្រសួង​ទំនាក់ទំនង​ជាមួយ​រដ្ឋ​សភា​ព្រឹទ្ធសភា​និង​អធិការកិច្ច​និង​ជា​ប្រធាន​ក្រុមការងារ​ថ្នាក់ជាតិ​ចុះ​មូលដ្ឋាន​ខេត្តស្វាយរៀង​។​

លោកស្រី​បាន​អញ្ជើញ​ជា​អធិបតី​នៅក្នុង​កិច្ចប្រជុំ​បូកសរុប​ការងារ​និង​ការរៀបចំ​វេទិកាសាធារណៈ​ប្រចាំឆ្នាំ​២០១៩​និង​ទិសដៅ​អនុវត្ត​បន្ត​ឆ្នាំ​២០២០​នៃ​ក្រុមការងារ​ថ្នាក់ជាតិ​ចុះ​មូលដ្ឋាន​ដើម្បី​ត្រួតពិនិត្យ​និង​គាំទ្រ​ការអនុវត្ត​កម្មវិធី​នយោបាយ​និង​យុទ្ធសាស្ត្រ​ចតុកោណ​ដំណាក់កាល​ទី​៤​របស់​រាជរដ្ឋាភិបាល​កម្ពុជា​។​

​ក្នុងឱកាស​នោះ​បន្ទាប់ពី​លោក​ម៉ែន​វិបុល​អភិបាលខេត្ត​និង​ជា​អនុប្រធាន​អចិន្ត្រៃយ៍​ក្រុមការងារ​ថ្នាក់ជាតិ​ចុះ​មូលដ្ឋាន​នៅ​ខេត្តស្វាយរៀង បាន​រាយការណ៍​ដោយ​សង្ខេប​ពី​វឌ្ឍនភាព​ការងារ និង​ការរីកចម្រើន នៃ​ដំណោះស្រាយ​ចំពោះ​សំណើ​សំណូមពរ​របស់​ប្រជាពលរដ្ឋ​ចំណុចខ្លាំង​បញ្ហា​ប្រឈម​ក្នុង​ឆ្នាំ​២០១៩​។​លើក​ទិសដៅ​អនុវត្ត​បន្ត​ឆ្នាំ​២០២០​នៃ​ក្រុមការងារ​ថ្នាក់ជាតិ​ចុះ​មូលដ្ឋាន​ខេត្តស្វាយរៀង​។​

​លោកស្រី​កិត្តិ​សង្គហ​បណ្ឌិត​ម៉ែន​សំអន​បាន​ថ្លែង​នូវ​ការ​កោត​ស​សើរ​ចំពោះ​សមិទ្ធផល​និង​លទ្ធផល​ការងារ​ដែល​ក្រុមការងារ​សម្រេចបាន​ក្នុងការ​ដោះស្រាយ​សំណើ​សំណូមពរ​របស់​ប្រជាពលរដ្ឋ​។​ទន្ទឹមនេះ​លោកស្រី​កិត្តិ​សង្គហ​បណ្ឌិត​ក៏បាន​សំណូមពរ​ដល់​ក្រុមការងារ​ថ្នាក់ជាតិ​ចុះ​មូលដ្ឋាន​នៅ​ខេត្តស្វាយរៀង​អាជ្ញាធរខេត្ត​និង​គ្រប់​អង្គភាព​ទាំងអស់​ត្រូវ​យកចិត្តទុកដាក់​នូវ​ចំណុច​សំខាន់ៗ​មួយចំនួន​ដូចជា ៖

បន្តធ្វើ​វេទិកា​សា​រណៈ​ជា​ខ្នាតតូចៗ​ឱ្យបាន​ញឹកញាប់​។​ត្រូវធ្វើ​អំពើ​ល្អ​និង​ផ្តល់​សេវាសាធារណៈ​និង​សេវា​សំណូមពរ​ឱ្យបាន​ឆាប់រហ័ស​ជូន​ប្រជាពលរដ្ឋ​។​ត្រូវធ្វើ​ការ​និង​ពិភាក្សាគ្នា​ជា​សមូហភាព​ឬ​ជា​ក្រុម​ដើម្បី​រួមគ្នា​ដោះស្រាយ​បញ្ហា​និង​សំណួរ​។​ត្រូវធ្វើ​ឱ្យបាន​ដូច​អភិក្រម​ទាំង​ប្រាំ​របស់​សម្តេច​តេ​ជោ​នាយករដ្ឋមន្ត្រី គឺ​៖ «​ឆ្លុះកញ្ចក់ ងូតទឹក ដុសក្អែល ព្យាបាល និង​វះកាត់​» និង​បាវ​នា​២ គឺ «​កែ​ទម្រ​ង​ខាងក្នុង និង​បង្កើត​មិត្ត​ខាងក្រៅ ក្នុង​ស្មារតី​ឯករាជ្យ​» ។​

​ត្រូវ​តាមដាន​ស្តាប់​ប្រសាសន៍​សុន្ទរកថា​របស់​ថ្នាក់ដឹកនាំ​ជាន់ខ្ពស់​ពិសេស​សម្តេច​តេ​ជោ​នាយករដ្ឋមន្ត្រី​ដើម្បី​ធ្វើជា​ទុន​ចំណេះដឹង​។​ត្រូវ​ផ្សព្វផ្សាយ​អំពី​សមិទ្ធផល​និង​ស្នាដៃ​របស់​រាជរដ្ឋាភិបាល​និង​ថ្នាក់ដឹកនាំ​ជាពិសេស​ថ្នាក់ដឹកនាំ​កំពូលៗ​។​ត្រូវ​អប់រំ​សតិអារម្មណ៍​ដល់​ប្រជាជន​ពលរដ្ឋ​ក្នុង​មូលដ្ឋាន​ទាក់ទិន​នឹង​បញ្ហា​EBA​ព្រោះថា​EBA​គេ​នឹង​ដក​ទៅវិញ​។​ក្រុមការងារ​ត្រូវ​ចុះ​ជួប​ជាមួយ​ស្ត្រី​ក្នុង​ទិវា​ខួប​លើក​ទី​១០៩​នៃ​ទិវា​អន្តរជាតិ​៨​មិនា​ដែល​នឹង​ឈាន​មកដល់​នៅពេល​ខាងមុខ ៕S/​

ទីតាំងផ្សាយពាណិជ្ជកម្ម

- Advertisment -

Most Popular