ស្រា​វី​ស្គី​ថ្លៃ​បំផុត​ក្នុង​ពិភពលោក​ត្រូវ​បានដាក់​ដេញថ្លៃ តម្លៃ​ញាក់សាច់​

ស្រា​វី​ស្គី​ដ៏​កម្រ​បំផុត និង​ថ្លៃ​បំផុត​ក្នុង​ពិភពលោក​ត្រូវបាន​ដាក់លក់​កាលពី​ថ្ងៃ​សុក្រ ទី​៧ ខែកុម្ភៈ ក្នុង​ពិធី​ដេញថ្លៃ​តាម​អន​ឡាញ​នូវ​ស្រា​យ៉ាងច្រើន​សន្ធឹកសន្ធាប់​ដែល​ប្រមូល​ទិញ​ដោយ​សព​មហាសេដ្ឋី​ផលិត​ដប​ភេសជ្ជៈ​មួយរូប​នៅ​សហរដ្ឋ​អាម៉េរិក​។
​ ​
ក្រុមហ៊ុន​រៀបចំ​ការដេញ​ស្រា​វី​ស្គី​ដែលមាន​ឈ្មោះថា Whisky Auctioneer និយាយថា ស្រា​ដែល​ប្រមូល​ទិញ​ដោយ​សព​លោក រី​ឆាដ ហ្គូ​ឌី​ង (Richard Gooding) នាយក​ប្រតិបត្តិ ក្រុមហ៊ុន​ផលិត​ដបទឹកក្រូច Pepsi រួមមាន​ទាំង​ស្រា​ដប​អាយុកាល ១០០​ឆ្នាំ​ដែល​គេ​ជឿថា មានតម្លៃ​ជាង ១,៣ លាន​ដុល្លារ​ផងដែរ​។
​ ​
ស្រា​ចំនួន ៣.៩០០ ដប​នេះ​ភាគច្រើន​ជា​ស្រា​វី​ស្គី​ដំបែរ​ស្កុ​តលែ​ន​។ ស្រា ១.៩៤៩​ដប​ដំបូង ដែល​ត្រូវបាន​ដេញថ្លៃ​រយៈពេល​ជាង ១០ ថ្ងៃ​ចាប់ផ្ដើម​ពីថ្ងៃ​សុក្រ​សប្ដាហ៍​មុន រួមមាន​ស្រា Macallan 1926 Valerio Adami 60 Year Old (៦០ ឆ្នាំ​) និង​ស្រា Springbank 1919 50 Year Old (៥០ ឆ្នាំ​) ផងដែរ​។ ស្រា Macallan មួយ​ដប​បាន​ក្លាយជា​ស្រា​ថ្លៃ​បំផុត​ក្នុង​ពិភពលោក​នៅពេល វា​លក់បាន​ថ្លៃ​ជាង ១,៩ លាន​ដុល្លារ​ក្នុង​ពិធី​ដេញថ្លៃ​នៅ​ក្រុមហ៊ុន Sotheby’s កាលពី​ខែតុលា ឆ្នាំមុន​។
​ ​
សូមបញ្ជាក់ថា ការដេញថ្លៃ​តង់​ទី​២ នឹងធ្វើ​ឡើង​នៅ​ចន្លោះ​ថ្ងៃទី​១០-២០ ខែមេសា​ហើយ​មនុស្ស រាប់ម៉ឺន​នាក់​នៅ​ទូទាំង​ពិភពលោក​បាន​ចុះឈ្មោះ​ចូលរួម​ការដេញថ្លៃ​តាម​គេហទំព័រ​របស់​ក្រុមហ៊ុន​នេះ​៕ ប្រែ​សម្រួលៈ​ខុម​