Home ព័ត៌មានជាតិ នយោបាយ ក្រុមហ៊ុន​ជប៉...

ក្រុមហ៊ុន​ជប៉ុន​ចំនួន ៣ នឹងចូលរួម​ដេញថ្លៃ​ប្រមូល​សំរាម​នៅ​រាជធានី​ភ្នំពេញ

​ដោយ​៖​តារា​រិ​ទ្ធ​(​ភ្នំពេញ​)៖​លោក មី​កា​មី ម៉ាសា​ហ៊ី​រ៉ូ (Mikami Masahiro) ឯកអគ្គរាជទូត​ជប៉ុន​ប្រចាំ​កម្ពុជា​បាន​ជម្រាបជូន​សម្តេច​តេ​ជោ ហ៊ុន សែន​នា យក​រដ្ឋមន្ត្រី​កម្ពុជា​ឲ្យ​ដឹងថា​ជប៉ុន​កំពុង​យកចិត្តទុកដាក់​បន្ទាប់​ពី​បាន​ជួយ​រាជធានី​ភ្នំពេញ​លើ​វិស័យ​ទឹកស្អាត លើ​វិស័យ​ចំរោះ​ទឹក ហើយ​ការយកចិត្ត​ទុក ដាក់​នៅពេលនេះ​គឺ​លើ​វិស័យ​សំរាម​តែម្ដង ដែល​វិស័យ​សំរាម​នេះ​គឺជា​កត្តាចាំបាច់​ហើយ​ជប៉ុន​ក៏មាន​ក្រុមហ៊ុន ៣​ដែលមាន​ចំណាប់អារម្មណ៍​មក​វិនិយោគ នៅ​កម្ពុជា​។​ក្នុងន័យនេះ​លោក​បាន​ជម្រាបជូន​សម្ដេច​តេ​ជោ​ថា​ក្រុមហ៊ុន​ជប៉ុន​ទាំង​៣​នឹងចូលរួម​ចំណែក​ដេញថ្លៃ​ក្នុងការ​ប្រមូល​សំរាម​នៅ​ភ្នំពេញ​។​

​លោក មី​កា​មី ម៉ាសា​ហ៊ី​រ៉ូ​(Mikami Masahiro) ឯកអគ្គរ​ដ្ខ​ទូត​ជប៉ុន​ប្រចាំ​កម្ពុជា​បាន​អញ្ជើញ​ចូលជួប​ពិភាក្សា​ការងារ​ជាមួយ​សម្ដេច​អគ្គមហាសេនាបតី​តេ ជោ ហ៊ុន សែន នៅ​វិមាន​សន្តិភាព​នា​ព្រឹក​ថ្ងៃទី ១២ ខែកុម្ភៈ​នេះ​។​

​លោក អ៊ាង សុផល្លែត ជំនួយការ​ផ្ទាល់​សម្ដេច​តេ​ជោ​បាន​ប្រាប់​ក្រុម​អ្នកយកព័ត៌មាន​នៅក្រោយ​ជំនួប​ថា​នោះ​ថា​លោក មី​កា​មី ម៉ាសា​ហ៊ី​រ៉ូ បាន​ជម្រាបជូន សម្ដេច​តេ​ជោ​ថា​៖​ក្រុមហ៊ុន​ជប៉ុន​កំពុងតែធ្វើការ​សហការ​ជាមួយ​ក្រសួង​រ៉ែ​និង​ថាមពល​លើ​វិស័យ​អគ្គិសនី​ដោយបាន​ពិភាក្សា​ជាមួយ​លោក ស៊ុយ សែម ម្ដង​ហើយ​និង​ពិភាក្សា​ម្ដងទៀត​ដើម្បី​ធ្វើយ៉ាងណា​ជំរុញ​កិច្ចសហប្រតិបត្តិការ​លើ​វិស័យ​អគ្គិសនី​។​ពី​នោះ​ទៅទៀត​ក៏មាន​កិច្ចសហប្រតិបត្តិការ​ក្នុងការ​រៀបចំ​ផែនការមេ​សម្រាប់​ការវិនិយោគ​របស់​ជប៉ុន​នៅ​កម្ពុជា​ផងដែរ​។ ជាងនេះទៀត​ក៏បាន​ពិភាក្សា​និង​សិក្សា​អំពី​ផែនការមេ​ក្នុងការ​ពង្រីកពង្រឹង​វិនិយោគ​កំពង់ ផែ​ក្រុងព្រះសីហនុ​ក៏ដូចជា​ការចូលរួមចំណែក​របស់​ជប៉ុន​ក្នុងការ​តាក់តែង​ច្បាប់​សំណង់​និង​រៀបចំ​បទដ្ឋាន​គតិយុត្ត​ជា​បន្តបន្ទាប់​។​ជាពិសេស​ទៅទៀតនោះ​ជប៉ុន​កំពុង​យកចិត្តទុក ដាក់​បន្ទាប់​ពី​បាន​ជួយ​រាជធានី​ភ្នំពេញ​លើ​វិស័យ​ទឹកស្អាត​លើ​វិស័យ​ចំរោះ​ទឹក​ហើយ​ការយកចិត្តទុកដាក់​នៅ​ពេលនេះ​លើ​វិស័យ​សំរាម​តែម្ដង​ដែល​វិស័យ​សំរាម​នេះ​គឺជា​កត្តាចាំបាច់​ហើយ​ជប៉ុន​ក៏មាន​ក្រុមហ៊ុន​៣​ដែលមាន​ចំណាប់អារម្មណ៍​មក​វិនិយោគ​នៅ​កម្ពុជា​។​ក្នុង ន័យនេះ​លោក​ក៏បាន​ជម្រាបជូន​សម្ដេច​តេ​ជោ​ដែលថា​ក្រុមហ៊ុន​ទាំងនេះ​នឹងចូលរួម​ចំណែក​ដេញថ្លៃ​ក្នុងការ​ប្រមូល​សំរាម​នៅ​កម្ពុជា​។​

​ឯកអគ្គរដ្ឋទូត​ជប៉ុន​ក៏បាន​ជម្រាបជូន​សម្ដេច​តេ​ជោ​ផងដែរ​ថា​ជប៉ុន​នឹង​បន្ត​ជួយ​ដល់​កម្ពុជា​លើ​វិស័យ​ដោះមីន​និង​យុទ្ធ​ភ័​ណ្ឌ​មិនទាន់​ផ្ទុះ​កំពុងតែ​ពិចារណា​ផ្ដល់​ថវិកា​បន្ថែម​ដល់​អង្គភាព​នេះហើយ​ក៏​កំពុង​ពិចារណា​រៀបចំ​ដើម្បី​ធ្វើយ៉ាងណា​ជួយ​ដល់​កម្ពុជា​ក្នុង​ការរៀប ចំ​កិច្ចប្រជុំ​អាស៊ី​អឺរ៉ុប​នៅក្នុង​ឆ្នាំនេះ​និង​កិច្ចប្រជុំ​អាស៊ាន​នៅ​ឆ្នាំ២០២២​ ខាងមុខ​ហើយ​ជប៉ុន​ក៍​កំពុង​ពិចារណា​ផ្ដល់​ថវិកា​ជួយ​ដល់​កម្ពុជា​ក្នុង​ការទិញ​រថយន្ត​និង​សម្ភារៈ​សម្រាប់​ការប្រើប្រាស់​ក្នុងការ រៀបចំ​កិច្ចប្រជុំ​អាស៊ាន​ក្នុង​ឆ្នាំ ២០២២ នេះ​។​

​ជាការ​ឆ្លើយតប​សម្ដេច​តេ​ជោ​បាន​ថ្លែងអំណរគុណ​ជូន​ចំពោះ​លោក មី​កា​មិ ចំពោះ​ការវាយតម្លៃ​កិច្ចសហប្រតិបត្តិការ​រ​វាង​កម្ពុជា​និង​ជប៉ុន​សម្ដេច​បាន​មានប្រសាសន៍ថា​កម្ពុជា​នឹង​បន្តធ្វើ​យ៉ាងណា​សម្របសម្រួល​ធ្វើ​ឲ្យ​អ្នកវិនិយោគ​ជប៉ុន​មក​វិនិយោគ​នៅ​កម្ពុជា​ទទួលបាន​ជោគជ័យ​ជាអាទិ៍​នៅ​ខែកុម្ភៈ​នេះ​កម្ពុជា បាន​បន្ថយ​តម្លៃ​អគ្គិសនី​ចំនួន​មួយ​សេន​ក្នុង​មួយ​គីឡូវ៉ាត់ ហើយ​កម្ពុជា​នឹង​បន្តធ្វើ​យ៉ាងណា​ឱ្យ​កាន់តែ​ល្អប្រសើរ​ឡើង​ថែមទៀតលើ​ការដឹកជញ្ជូន​ជាដើម ដើម្បីឱ្យ​ការវិនិយោគ​មានការ​ទាក់ទាញ​កាន់តែខ្លាំង​ឡើង ។

​សម្ដេច​តេ​ជោ ហ៊ុន សែន បាន​ថ្លែងអំណរគុណ​ជូន​ចំពោះ​រដ្ឋាភិបាល​និង​ប្រជាជន​ជប៉ុន​ដែល​បាន​ជួយ​ដល់​កម្ពុជា​នឹង​បន្ត​ជួយ​ដល់​កម្ពុជា​លើ​វិស័យ​ដោះ មីន និង គ្រាប់​មិនទាន់​ផ្ទុះ​ក៏ដូចជា​រៀបចំ​ជួយ​ដល់​កម្ពុជា​ធ្វើយ៉ាងណា​ឲ្យ​កិច្ចប្រជុំ​អាស៊ី អឺរ៉ុប និង អាស៊ាន នាពេលខាងមុខ​ទទួលបាន​ជោគជ័យ​។​សម្ដេច ក៏បាន​ថ្លែងអំណរគុណ​ជា​បន្តទៀត​ចំពោះ​ជំនួយ​របស់​ជប៉ុន​ដល់​ការតាក់តែង​ច្បាប់​ឲ្យ​សំណង់​។​សម្ដេច​បានស្នើ​សុំ​ឲ្យ​ជប៉ុន​បន្ត​ជួយ​ដល់​កម្ពុជា​ធ្វើយ៉ាងណា​ពង្រឹង​បទដ្ឋាន​គតិយុត្ត​ក៏ដូចជា​ធ្វើការ​ត្រួតពិនិត្យ​លើ​សំណង់​ទាំងឡាយ​ដែល​កម្ពុ​ជាមាន​កំពុង​សាងសង់​ដើម្បី​ឲ្យ​វិស័យនេះ​មានការ​រឹងមាំ​។​ពាក់ព័ន្ធ និង​កំពង់ផែ​ក្រុងព្រះសីហនុ​ដែល​ជប៉ុន​កំពុងតែ​រៀបចំ​ជួយ​សហ​ការធ្វើផែនការ​មេនេះ​សម្ដេច​បាន​មានប្រសាសន៍ថា​កំពង់ផែ​ក្រុងព្រះសីហនុ​មាន​សារៈសំខាន់​ណាស់​គឺជា​កំព ងផែ​តែមួយគត់​ដែល​ទ្រទ្រង់​ដល់​សេដ្ឋកិច្ចជាតិ​កម្ពុជា ។ ដោយឡែក​ជា​ចុងក្រោយ​ពាក់ព័ន្ធ​នឹង​ការប្រមូល​សំរាម​សម្ដេច​បាន​មាន ប្រសាសន៍ថា​នៅពេលនេះ​រាជធានី​ភ្នំពេញ​និង​ក្រសួង​សេដ្ឋកិច្ច​ហិរញ្ញវត្ថុ​កំពុងតែ​ដាក់​ការប្រមូល​សំរាម​នេះ​ស្ថិតនៅក្នុង​អន្តរកាល​ព្រោះថា​ក្រុមហ៊ុន​ចាស់​ពុំ​អាច​ទទួល​ការងារ​នេះ​បាន​ទៀត​ទេ​ដោយសារ​ទីក្រុង​ភ្នំពេញ​មានការ​រីក​ធំ​ពី​ប្រមាណ​៣០០​គីឡូម៉ែត្រ​ការ៉េ​ទៅ ៦០០​គីឡូម៉ែត្រ​ការ៉េ​ហើយ​នៅពេល​ដ៏​ខ្លី​ខាង មុខ​នេះ​ស្ថាប័ន​ទាំងពីរ​គឺ​សាលា​រាជធានី​ភ្នំពេញ និង​ក្រសួង​សេដ្ឋកិច្ច​និង​ហិរញ្ញវត្ថុ នឹងដាក់​ឲ្យ​ដេញថ្លៃ ,​ដូច្នេះ​ក្រុមហ៊ុន​ជប៉ុន ដែលមាន​ចំណាប់អារម្មណ៍ គប្បី​ចូល​ដេញថ្លៃ ដើម្បី​ជួយ​ដល់ ការប្រមូល​សំរាម​នេះ​៕

ទីតាំងផ្សាយពាណិជ្ជកម្ម

- Advertisment -

Most Popular

ក្មេងស្រី​អាយុ​មួយឆ្នាំ ប...

​ដោយៈ ស​រិ​ទ្ធ / កណ្ដាលៈ ...

លើក​ពេល​សវនាការ សំណុំរឿង​...

​ដោយៈ ស​រិ​ទ្ធ / ភ្នំពេញៈ...

រដ្ឋបាល​រាជធានី បាន​នឹង​ក...

ដោយៈ រ៉ា​ម៉ន / ភ្នំពេញៈ ល...

សម្តេច​តេ​ជោ​ស្នើឱ្យ​មេធា...

ដោយៈ​តារា​រិ​ទ្ធ​/​ភ្នំពេ...