Home ព័ត៌មានជាតិ សេដ្ឋកិច្ច កសិករ​ឃុំ​កូន...

កសិករ​ឃុំ​កូន​សត្វស្រុក​ទឹកឈូ​បង្វែ​ពី​ការធ្វើ​ស្រែ​មក​ដាំ​ដំណាំ​អំពៅ​ព្រោះ​កំណើន​ប្រាក់ចំណូល

ដោយ​បូកគោ​/​កំ​ពតៈ​កសិករ​ភាគច្រើន​ក្នុង​ឃុំ​កូន​សត្វស្រុក​ទឹកឈូ​បាន​បង្វែ​ការប្រកប​របរ​អាជីវ​កម្ម​លើដី​ស្រែ​របស់ខ្លួន​ពី​ការ​បង្កបង្កើនផល​ស្រូវ​មក​ដាំ​ដំណាំ​អំពៅ​វិញ​ព្រោះ​ទទួល​ប្រាក់ចំណូល​ច្រើនជាង​។


ស្ត្រី​ហេន​ងៀ​ន​កសិករ​រស់នៅ​ភូមិ​កូន​សត្វ​ឃុំ​កូន​សត្វស្រុក​ទឹកឈូ​ខេត្តកំពត​បាន​រៀបរាប់ថា​កន្លងមក​ស្រែ​ដែល​ពួកគាត់​កំពុង​ដាំ​អំពៅ​នេះ​សម្រាប់តែ​បង្កបង្កើនផល​ស្រូវ​តែប៉ុណ្ណោះ​។​ដោយ​យល់ឃើញថា​ការដាំ​ដំណាំ​អំពៅ​អាច​រកប្រាក់​ចំណូល​បាន​ច្រើន​និង​ងាយស្រួល​ក្នុងការ​ថែទាំ​ទើប​ក្រុមគ្រួសារ​សម្រេចចិត្ត​ប្តូរ​ពី​ធ្វើ​ស្រូវ​មក​ដាំ​អំពៅ​វិញ​។

​ម្ចាស់​ដំណាំ​អំពៅ​បាន​បន្តថា​ការដាំ​អំពៅ​នៅក្នុង​ឃុំ​កូន​សត្វ​នេះ​មាន​តាំងពី​សម័យបុរាណ​ដោយ​ទម្លាប់​ដាំ​តៗ​គ្នា​រហូតដល់​បច្ចុប្បន្ន​។ កាលសម័យ​មុន អ្នកភូមិ​ចូលចិត្ត​ដាំ​អំពៅ​នៅលើ​ដី​ទួល ដីដំបូក ឬ​ចម្ការ ប៉ុន្តែ​សព្វថ្ងៃ​ភាគច្រើន​ពង្រីក​មក​ដាំ​ដល់​ក្នុង​ស្រែ​ព្រោះ​បាន​ប្រាក់ចំណូល​ច្រើន ជាង​ការធ្វើ​ស្រូវ​។

​កសិករ​ហេន​ងៀ​ន​បាន​បញ្ជក់​ថា​ការដាំ​អំពៅ​មាន​ភាពងាយស្រួល​មិន​ពិបាក​ស្មុគស្មាញ​គឺ​អ្នកណា​ក៏​អាច​ដាំ​បានដែរ​។​អំពៅ​ដាំ​ក្នុង​ស្រែ​ទទួលបាន​ផល​ល្អ​ពិសេស​ចាប់ផ្តើម​ដាំ​នា​រដូវ​ច្រូតកាត់​ស្រូវ​រួច​។​ពេល​អំពៅ​ធំ​ខ្ព​ស់គឺ​ចំ​វេលា​មាន​ភ្លៀង​ធ្លាក់​កក់ខែ​ហើយ​ទឹក​ក៏​មិន​លេច​ដែល​បណ្តាលឱ្យ​ងាប់​ស្អុយរលួយ​ដែរ​។ និយាយ​រួម​ទម្រាំ​រដូវ​ប្រមូល​ផល​មកដល់ អំពៅ​ចាស់​ល្អ មានទឹក​ច្រើន និង​រសជាតិ ផ្អែម​ឈ្ងុយឆ្ងាញ់ ហើយ​បាន​តម្លៃ​ខ្ពស់ទៀតផង​។

​ម្ចាស់​ចម្ការ​អំពៅ​បាន​ប្រាប់​អំពី​វិធី​ថែទាំ​ថា​នៅពេល​អំពៅ​ចាប់ផ្តើម​លូតលាស់​ធំ​ត្រូវ​បាញ់ថ្នាំ​ស្មៅ​និង​ដាក់​ជី​បន្តិចបន្តួច​ព្រមទាំង​សក​ស្លឹក​ចេញពី​ដើម​។​លុះ​ពេល​អំពៅ​មាន​អាយុ​៧​ខែ​ទៅ​៨​ខែ​ឈ្មួញ​ចាប់ផ្តើម​ចុះមក​កក់​លុយ​ដល់​កន្លែង​តែម្តង​។​ការដាំ​អំពៅ​គឺ​បាន​លុយដុំ​ហើយ​ទទួល​ចំណូល​ទ្វេដង​បើ​ប្រៀបធៀប​នឹង​ការ​ស្រូវ​។​


តាម​របាយការណ៍​ពី​អាជ្ញាធរ​មូលដ្ឋាន​បានឱ្យដឹងថា​ឃុំ​កូន​សត្វ​ចែកចេញជា​បួន​ភូមិ​ដែលមាន​ពលរដ្ឋ​ជាង​៦.០០០​នាក់​ជាមួយ​ផ្ទៃដី​ធ្វើស្រែ​ចម្ការ​ទំហំ​ជាង​២.៥០០​ហិកតា​។​បច្ចុប្បន្ន​ផ្ទៃដី​ទាំងនោះ​ភាគច្រើន​គ្របដណ្តប់​ដោយ​ដំណាំ​ដាំ​ដុះ​ផ្សេងៗ ពិសេស​ដំណាំ​អំពៅ​តែម្តង​៕S/​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រី​ពាណិជ្ជកម្ម ស...

​ដោយៈ ពៅ​និមល / ភ្នំពេញៈ ...

អ្នកបោះឆ្នោត​ជាង​១៥​ម៉ឺន​...

ដោយៈ មុនី រ័ត្ន​/​ភ្នំពេញ...

អណ្ដូងទឹក​ចំនួន​ជាង​៤០០​ក...

ដោយ​: គូលែន / សៀមរាប​: អណ...

បុរស​ម្នាក់​ស្លាប់​និង​ម្...

ដោយ​: ស​រិ​ទ្ធ / កំពង់ឆ្ន...