ពិធី​ការិនី មាស សុវណ្ណ​រតនា សុខៗ​ថ្លែងអំណរគុណ​ដល់​ម​នុស្ស​ម្នាក់​

306
ចែករម្លែក

​ភ្នំពេញៈ សម្រាប់​ថ្ងៃ​១៤ ខែកុម្ភៈ ដែល​ចំ​ថ្ងៃ​ទិវា​នៃ​សេចក្តីស្រឡាញ់​ពិភពលោក ខាងមុខនេះ ពិធី​ការិនី មាស សុវណ្ណ​រតនា ហៅ​រតនា បាន​បញ្ចេញ​សារ​ថ្លែងអំណរ គុណ​ដល់​អ្នកមាន​គុណទី​២​ក្នុង​ជីវិត​របស់​នាង​កន្លង​មកដែល​បាន​រុញ​នាង​ឡើងដល់​ចំណុច​មានបាន​ប្រសើរឡើង​ខុសពី​មុន​ឆ្ងាយ​។​
​ ​
​ពិធី​ការិនី រតនា បាន​ថ្លែងថា “​ខ្ញុំ​ពិត​មានសំណាង​បាន​កាន់​ដៃ​បងស្រីចិត្តធម៌ ចិត្តល្អ មិនមែន​ល្អតែ​បណ្ដាញ​សង្គម Facebook ទេ ​តែ​បង​ល្អ​ទាំង​ចិត្ត ទាំង​គំនិត បង​ជួយ​ដល់​ស្ដ្រី​គ្រប់រូប​ដែលបង​ជួបប្រឹក្សា​យោបល់​ដល់​អ្នក​ដ​ទៃ​ដែល​ចាញ់បោក​គេ​រឿង​រកស៊ី​ជាមួយក្រុមហ៊ុន​ដទៃ …​។ បង​ជួយ​ជនក្រីក្រ ចាស់ជរា និង​ជួយ​ប្អូនស្រី​ម្នាក់នេះឱ្យ​ផុសតពី​ការ​មាក់ងាយ ជួយ​ឱ្យមាន​របង ជួយ​លើសពី​អ្វីដែល​ធ្លាប់​ស្រ​មៃ​…​។ បង​ល្អ​ពេក​ហើយ​…​ខ្ញុំ​មិនដែល​ស្រ​មៃទេ​! អរគុណ​បង ! បង​ជា​អ្នកមានគុណ​ទី​២ បន្ទាប់ពី​ឪពុកម្ដាយ​ទាំងសងខាង​របស់​ប្អូន​”​។

តារា​ស្រី​រូបនេះ​បាន​ប្រាប់ រស្មី​កម្ពុជា ឱ្យដឹង​កាលពី​ថ្ងៃទី​១២ ខែកុម្ភៈ ឆ្នាំ​២០២០ នេះ​ថា មូលហេតុ​ដែល​នាង​ផ្ញើ​សារ​ថ្លែងអំណរគុណ​នឹករលឹកដល់​លោកស្រី ទ្រី ដា​ណា ព្រោះ​នាងចាត់ទុក​លោកស្រី​ដូច​បងស្រី​បង្កើត​។
​ ​
សូមបញ្ជាក់ថា រតនា នៅក្នុង ឆ្នាំ​២០១៩ នាង​តែងតែ​ទទួលបាន​ការងារ​ជា ពិធី​ការិនី ជាប់​រហូត និង​ធ្វើការ​ស្នូល​រាល់​ថ្ងៃជា​អ្នក​ទីផ្សារ ហើយ​អ្វីដែល​ពិសេស​សម្រាប់​នាង​នោះ​គឺ​ជោគជ័យលើ​មុខ​ជំនួញ​អន​ឡាយ​មួយទៀត ជាមួយនឹង​ក្រុមហ៊ុន​គ្រឿងសម្អាង NNP​។

​ពិធី​ការិនីរូបនេះ​ជាម​នុស្ស​ស្រី​ពូកែ​ធ្វើ​ការងារ​ក្នុងសង្គម ហើយ​ជា​ភរិយា​ល្អ​ដែល​ខំប្រឹង​រកស៊ី ទុកដាក់​មិន​ងាយ​នឹង​ទិញ​របស់​ថ្លៃ ឬ​របស់ទំនើប​ខណៈ​នាង​ជា​កូនស្រី​អាជីវករ​នៅខេត្តកំពត ៕ ដោយៈ បូ​រិ​ន​/Ha

ទីតាំងផ្សាយពាណិជ្ជកម្ម