Home ព័ត៌មានអន្តរជាតិ សហភាព​អឺរ៉ុប​...

សហភាព​អឺរ៉ុប​អនុម័ត​កិច្ចព្រមព្រៀង​ពាណិជ្ជកម្ម​វៀតណាម

​សមាជិក​សភា​អឺរ៉ុប​បាន​អនុម័ត​លើ​កិច្ចព្រមព្រៀង​ពាណិជ្ជកម្ម​និង​វិនិយោគទុន​សេរី​ដោយ​សំឡេង​ភាគច្រើន រវាង​សហភាព​អឺរ៉ុប​និង​វៀតណាម​។​ក្រោម​កិច្ច​ព្រម​​ព្រៀង​នេះ​ភាគី​ទាំងពីរ​នឹង​លុបចោល​ពន្ធ​ស្ទើរតែ​ទាំងអស់​ក្នុង​រយៈពេល​១០ ឆ្នាំ​ខាង​មុខ​។​

​បន្ទាប់​ពី​គណៈកម្មាធិការ​ពាណិជ្ជកម្ម​សភាដ៏មាន​ឥទ្ធិព​លបាន​ផ្តល់​អនុសាសន៍​កាលពី​ខែ​មុន​ថា​កិច្ចព្រមព្រៀង​ទាំងនោះ​គួរតែ​ត្រូវបាន​អនុម័ត​នោះ សមាជិក​​សភា​បាន​យល់ព្រម​គាំទ្រ​កិច្ចព្រមព្រៀង​ពាណិជ្ជកម្ម​នេះ​កាលពី​ថ្ងៃ​ពុធ​ដោយ​៤០១​សំឡេង​គាំទ្រ​ទល់នឹង​១៩២​សំឡេង​ជំទាស់ និង​៤០​សំឡេង​ទៀត​បោះ​អនុប្បវាទ​។

​សហគមន៍​អ៊ឺរ៉ុប​សង្ឃឹមថា​កិច្ចព្រមព្រៀង​ទាំងនេះ​នឹង​នាំឱ្យ​មាន​ការនាំចេញ​បន្ថែម​ពី​ប្រទេស​វៀតណាម​ទៅកាន់​ទ្វីប​នេះ​ចំនួន​១៥​ពាន់​លាន​អឺរ៉ូ (១៦,៥ ពាន់​​លាន​ដុល្លារ​) ក្នុង​មួយឆ្នាំ​ក្នុង​នៅ​យ៉ាងយូរ​ត្រឹម​ឆ្នាំ​២០៣៥ ហើយ​ការនាំចេញ​របស់​អឺរ៉ុប​ទៅកាន់​វៀតណាម​កើន​ជាង​៨​ពាន់​លាន​អឺរ៉ូ ដល់​ប្រហែល​២២​ពាន់​លាន​អឺរ៉ូ​។​

​ប្រទេស​វៀតណាម​នាំ​ចេញ​គ្រឿង​បរិក្ខារ​ទូរគមនាគមន៍ ស្បៀងអាហារ និង​សម្លៀកបំពាក់​ទៅ​អឺរ៉ុប ខណៈ​ដែល​បញ្ជី​នាំ​ចេញ​របស់​សហភាព​អឺរ៉ុប​ទៅកាន់​ប្រទេស​​អាស៊ីអាគ្នេយ៍​មួយ​នេះ​គឺ​រួម​មាន​គ្រឿង​ម៉ាស៊ីន គ្រឿង​ដឹក​ជញ្ជូន សារធាតុ​គីមី និង​ទំនិញ​កសិកម្ម​។​

​លោក ហ្គ្រី​ត បួរ​ស្វ័រ សមាជិក​សភា​ទទួលបន្ទុក​ដឹកនាំ​ធ្វើ​កិច្ចព្រមព្រៀង​តាមរយៈ​សភា​នេះ​បាន​និយាយថា​កិច្ចព្រមព្រៀង​ទាំងនេះ​ក៏​កំពុង​ពង្រឹង​ទំនាក់ទំនង​​សេដ្ឋកិច្ច​ជា​មួយ​ប្រទេស​វៀតណាម​ផងដែរ នៅពេល​មាន​ការប្រកួតប្រជែង​ខ្លាំង​ពី​ប្រទេស​ចិន​និង​សហរដ្ឋ​អាម៉េរិក​។​

​លោក​បាន​និយាយថា កិច្ចព្រមព្រៀង​ដែល​មាន​ទើប​ត្រូវបាន​អនុម័ត​នេះ​បង្ហាញ​ឱកាស​ពិសេស​មួយ​ដើម្បី​ធ្វើឱ្យ​គោលដៅ​របស់​សហភាព​អឺរ៉ុប​ទៅមុខ​ដើម្បី​ក្លាយ​​ជា​អ្នកដើរតួ​ភូមិសាស្ត្រ​នយោបាយ​ដែល​ការពារ​ពាណិជ្ជកម្ម​ពហុភាគី បដិសេធ​ការ​គាំពារ​ពាណិជ្ជកម្ម​និយម និង​ការលើកកម្ពស់​បទដ្ឋាន​កម្មករ​បរិស្ថាន និង​ សិទ្ធិមនុស្ស​នៅ​ទូទាំង​ពិភពលោក ៕​ប្រែ​សម្រួល​៖​សុខា​/sn

ទីតាំងផ្សាយពាណិជ្ជកម្ម

- Advertisment -

Most Popular