Home ព័ត៌មានអន្តរជាតិ តួកគីនិងរុស្ស...

តួកគីនិងរុស្ស៊ីស្តីបន្ទោសគ្នាទៅវិញទៅមក ខណៈភាពតានតឹងនៅស៊ីរីកើនឡើង

ប្រធានាធិបតីតួកគីបានចោទប្រកាន់រុស្ស៊ីថា “ប្រព្រឹត្តការសម្លាប់រង្គាល” ក្នុងការគាំទ្ររដ្ឋាភិបាលស៊ីរីកាលពីថ្ងៃពុធទី១២កុម្ភៈ ដោយរឹតបង្កើនសង្រ្គាមពាក្យសម្តី នៅពេលកងកម្លាំងតួកគីកាន់តែច្រើនឡើងបានមកដល់ទឹកដីស៊ីរី។

លោក រីស៊ីប ថាយយីប អឺដូហ្គាន បានគំរាមវាយប្រហារលើកងកម្លាំងរបបស៊ីរី “គ្រប់ទីកន្លែង” ប្រសិនបើទាហានរបស់ខ្លួនរងការវាយប្រហារ ប៉ុន្តែរុស្ស៊ីបានវាយបកវិញហើយចោទប្រកាន់តួកគីថា “ខកខានមិនបានធ្វើឱ្យពួកភេរវករចុះខ្សោយ” នៅភាគពាយព្យនៃខេត្តអ៊ីដលីប។

តួកគីបានបង្កើនជំហររបស់ខ្លួននៅក្នុងប៉ុន្មានថ្ងៃថ្មីៗនេះនៅខេត្តអ៊ីដលីប ដែលជាមូលដ្ឋានរឹងមាំចុងក្រោយរបស់ពួកឧទ្ទាមនៅក្នុងប្រទេសស៊ីរី ដោយយានយន្តតួកគីរាប់រយគ្រឿងបានដឹកកាំភ្លើងធំនិងទាហានចូលមកយ៉ាងគគ្រឹកគគ្រេង។

អ្នកឆ្លើយឆ្លងព័ត៌មានរបស់ AFP បាននិយាយថា ក្បួនថ្មីនៃរថពាសដែកតួកគីបានទៅដល់ក្រុងប៊ីននីស ភាគឦសាននៃខេត្តអ៊ីដលីបក្នុងការដាក់ពង្រាយថ្មី។

ក្រុមមន្ត្រីតួកគីនិយាយថា ពួកគេបានបាត់បង់ទាហាន ១៤ នាក់ក្នុងរយៈពេល ៩ ថ្ងៃចុងក្រោយនេះហើយអះអាងថាបានសម្លាប់កងទ័ពរដ្ឋាភិបាលស៊ីរីជាច្រើននាក់ ខណៈពួកគេព្យាយាមរុញច្រានកងកម្លាំងស្មោះត្រង់នឹងប្រធានាធិបតីស៊ីរីលោក បាសា អាល់អាសាដ។

កងកម្លាំងស៊ីរីដែលគាំទ្រដោយការវាយប្រហារតាមអាកាសរបស់រុស្ស៊ីបានបន្តវាយលុកទៅមុខដើម្បីដណ្តើមយកខេត្តអ៊ីដលីបពីក្រុមឧទ្ទាម ដែលបានចាប់ផ្តើមក្នុងខែធ្នូ ទោះបីមានការឯកភាពលើកិច្ចព្រមព្រៀងឆ្នាំ ២០១៨ រវាងតួកគីនិងរុស្ស៊ីនៅក្រុងសូជីក៏ដោយ។

ការវាយលុក ដែលបានដណ្តើមកាន់កាប់ទីប្រជុំជនជាច្រើននិងផ្លូវហាយវេដ៏សំខាន់មួយ បានសម្លាប់ជនស៊ីវិលរាប់រយនាក់និងបានបញ្ជូនមនុស្សរាប់ពាន់នាក់ភៀសខ្លួនទៅរកទីសុវត្ថិភាពក្នុងស្ថានភាពរដូវរងាដ៏អាក្រក់៕ ដោយ៖ កញ្ញាដាលីស

ក្បួនរថពាសដែលតួកគីចូលមកដល់ទីក្រុងប៊ីននីសនៃខេត្តអ៊ីដលីប

ទីតាំងផ្សាយពាណិជ្ជកម្ម

- Advertisment -

Most Popular

​សម្តេច​តេ​ជោ ហ៊ុន សែន ផ្...

​ដោយៈ​តារា​រិ​ទ្ធ​/​ភ្នំព...

ចាប់ខ្លួនជនសង្ស័យ បីនាក់ ...

ដោយៈ អង្គរតូច / សៀមរាបៈ ជ...

ក្រសួង​អភិវឌ្ឍន៍ជនបទ​ត្រូ...

ដោយៈ​តារា​រិ​ទ្ធ​/​ភ្នំពេ...

ម៉ាឡេស៊ី​ផ្អាក​ការផលិត​នៅ...

​ប្រែ​សម្រួល : កញ្ញា​ដា​ល...