Home ប្លែកៗ រសាត់អណ្ដែត​ក...

រសាត់អណ្ដែត​ក្នុង​មហាសមុទ្រ​រាប់​ខែ គ្មាន​ទឹក គ្មាន​អាហារ តែ​មហា​សំណាង​នៅរស់​ប៉ុន្មាន នាក់​

​សារព័ត៌មាន​បរទេស​បាន​ចុះផ្សាយ​កាលពី​ថ្ងៃ​ពុធ ថ្ងៃទី​១២ ខែកុម្ភៈ​ថា មនុស្ស បួន​នាក់​ដែល បាន​រួច​ជីវិត​ពី​ការ​រសាត់អណ្ដែត​ក្នុង​មហាសមុទ្រ​ប៉ាស៊ីហ្វិក រយៈពេល​មួយខែ​ពេលនេះ​មាន សភាព​ធូរស្រាល​ហើយ​នៅ ហើយ​កំពុង​ស្ថិតនៅលើ​កោះ​សូ​ឡូ​ម៉ុង (Solomon Islands) បន្ទាប់ពី​អ្នករួមដំណើរ​ជាមួយ​ពួកគេ​ស្លាប់​អស់ ប្រាំបី នាក់ រួមទាំង​ទារក​ម្នាក់​ផង​។​
​ ​
ក្រុម​ដែល​មកពី​ខេត្ត​ប៊ូ​ហ្គេ​ន​វី​ល (Bougainville) ប្រទេស​ប៉ា​ពួ ញូ​វ​ហ្គី​ណេ នេះ​បាន​និយាយថា ពួកគេ​អាច​រក្សា​ជីវិត​បាន​ដោយសារ​បរិភោគ​ដូង​អណ្តែត​ក្នុង​សមុទ្រ​និង​យក​ចាន​ត្រង​ទឹកភ្លៀង ទុក​ផឹក​អំឡុង​ពេលដែល​ពួកគេ​រសាត់អណ្ដែត​ក្នុង​ទឹក ៣២ ថ្ងៃ​។​
​ ​
​កាសែត Solomon Star News បាន​ចុះផ្សាយ​ថា ក្រុម​នេះ​បានចេញ​ដំណើរ​ពី​ខេត្ត​ប៊ូ​ហ្គេ​ន​វី​ល កាល​ថ្ងៃទី ២២ ខែធ្នូ ក្នុង​បំណង​ប្រារព្ធ​អបអរ​បុណ្យ​ណូអែល​នៅលើ​កោះ​កា​តេ​រ៉េត (Carteret Islands) ដែលមាន​ចម្ងាយ​ពីគ្នា​ប្រហែល ១០០ គីឡូម៉ែត្រ​។​
​ ​
អ្នក​នៅរស់​រាន​ម្នាក់​ឈ្មោះ ដូ​មី​នី​ក ស្តា​លី (Dominic Stally) និយាយថា ប៉ុន្តែ​ជា​អកុសល ទូក​តូច​របស់​ពួកគេ​បាន​ក្រឡាប់ ហើយ​មួយចំនួន​ក្នុងចំណោម​ពួកគេ​ក៏បាន​លង់ទឹក​ស្លាប់​។​

​អ្នក​ដែល​នៅ​សេសសល់​បាន​ប្រឹង​ស្ដារ​ទឹក​ចេញពី​ទូក​វិញ​បាន ប៉ុន្តែ​ម៉ាស៊ីន​លែង​ដំណើរ ការ​។ អ្នករួមដំណើរ​បាន​ស្លាប់​បន្ថែមទៀត នៅពេល​ពួកគេ​រសាត់ អណ្តែត​លើ​ផ្ទៃ​ទឹក​ដ៏​សែន​ដាច់ ស្រយាល​តាម​ចរន្តទឹក​ហូរ​ខ្លាំង​នៃ​មហាសមុទ្រ​។

​លោក​បាន​រៀបរាប់ថា “​ដោយសារ​យើង​ជួយ​អ្វី​មិនបាន​យើង​មានតែ​ទម្លាក់​សាកសព​ចូល សមុទ្រ​ប៉ុណ្ណោះ​។ ប្តី​ប្រពន្ធ​ពីរ​នាក់​បាន​ស្លាប់ចោល​កូនតូច ហើយ​ខ្ញុំ​ជា​អ្នក​បីកូន​តូច​នោះ ហើយ​ក្រោយមក​កូនតូច​នោះ​ក៏​ស្លាប់​ដែរ​”​។

​គាត់​និយាយទៀតថា ទូក​នេសាទ​មួយចំនួន​នៅក្បែរៗ​នោះបាន​បើក​ហួស​ដោយសារ មិនបាន​ចាប់​ឃើញ​នឹង​ពួកគេ ពោលគឺ​រហូតដល់​ថ្ងៃ​ដែល​ពួកគេ​ត្រូវបាន​សង្គ្រោះ​នៅ​ទីបំផុត កាលពី​ថ្ងៃទី​២៣ ខែមករា នៅ​កោះ​ញូ​វ កាឡេ​ដូ​នៀ (New Caledonia) បន្ទាប់ពី​រសាត់​ចម្ងាយ ប្រហែល ២.០០០ គីឡូម៉ែត្រ​។​

​កាសែត Solomon Star News បាន​ចុះផ្សាយ​ថា អ្នក​នៅ​រស់រានមានជីវិត​មាន​បុរស ២ នាក់ ស្រី​ម្នាក់ និង​ក្មេងស្រី​ម្នាក់​អាយុ​ប្រហែល ១២ ឆ្នាំ​៕ ប្រែ​សម្រួលៈ​ខុម

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...