Home ព័ត៌មានជាតិ សង្គម ស្ពាន​ស្រែ​ជា...

ស្ពាន​ស្រែ​ជា​ឃុំ​ចុងក្រោយ​នៃ​ស្រុក​ភ្នំស្រុក​ដែល​ទើបបាន​ដំណើរការ​សាងសង់​អគារ​ប៉ុស្តិ៍នគរបាល​រដ្ឋបាល​និង​សាលាឃុំ​

ដោយ​: ភ្នំ​ស្វាយ / បន្ទាយមានជ័យ​: ស្ពាន​ស្រែ​ជា​ឃុំ​ចុងក្រោយ​នៃ​ស្រុក​ភ្នំស្រុក ដែល​ទើបបាន​ដំណើរការ​សាងសង់​អគារ​ប៉ុស្តិ៍នគរបាល​រដ្ឋបាល និង​សាលាឃុំ ដើម្បី​ធ្វើ​ឲ្យ​ងាយស្រួល​ដល់​ការផ្តល់សេវា​សន្តិសុខ សុវត្ថិភាព​និង​រដ្ឋបាល​មូលដ្ឋាន​ជូន​បងប្អូន​ប្រជាពលរដ្ឋ​។​

​លោក​វរសេនីយ៍​យ៉​ត សុផល អធិការនគរបាល​ស្រុក​ភ្នំស្រុក​ឲ្យ​ដឹង​កាលពី​ថ្ងៃទី​១២​ចែ​កុម្ភៈ​ថា ៖ ឃុំ​ពន្លៃ ប៉ោយចារ ស្រះ​ជីក ភ្នំ​ដី​និង​ណាំតៅ​នៃ​ស្រុក​នេះ​បាន​សាងសង់​និង​ដាក់អោយ​ប្រើប្រាស​រួចហើយ​អគារ​នគរបាល​រដ្ឋបាល​ប៉ុស្តិ៍​។ ហើយក៏​មាន​និង​កំពុង​សាងសង់​ទាំង​អគារ​សាលាឃុំ​ថ្មី​ផង​។​

​នៅឡើយ​តែ​តែ​ឃុំ​ស្ពាន​ស្រែង ជា​ឃុំ​ចុងក្រោយ​គេ ដែល​ឥឡូវនេះ​ទើបបាន​នឹង​កំពុង​កៀងគរ​ថវិកា សម្ភារៈ ដើម្បី​សាងសង់​អគារ​ប៉ុ​ស្ត៍​នគរបាល​រដ្ឋបាល ដែល​ស្ថិត​ត្រង់​ត្រពាំង​យាយ​វ៉ា លើដី​បរិវេណ​ទំហំ​២៥​ម​គុណ​៥០​ម និង​ចាក់​បំពេញ​ដី​ក្នុង​ជម្រៅ​៣,៥​ម៉ែត្រ ជា​ដី​រដ្ឋ​ជាប់​ទំនប់​អាង​ធារាសាស្ត្រ​ស្ពាន​ស្រែង នៅ​ភូមិ​រោគ​ឃុំ​ស្ពាន​ស្រែង​ស្រុក​ភ្នំស្រុក​។

​លោក​អធិការ​បាន​និយាយ​បន្តថា ៖ លទ្ធភាព​ដែល​កសាង​ប៉ុស្តិ៍​នេះ​បាន ដោយសារ​រដ្ឋបាល​ឃុំ​និង​ពលរដ្ឋ​បានប្រគល់​ដី​រដ្ឋ​ឲ្យ ហើយ​ក្រុមការងារ​និង​សប្បុរសជន​អាច​ចាក់ដី​បំពេញ​ត្រពាំង គឺ​ទទួលបាន​ជំនួយ​ផ្នែក​គំនិត​ផ្តួចផ្តើម ថវិកា​ពី​លោក​ឧ​ត្ត​ម​សេនីយ៍​ទោ អាត់ ខែម ស្នងការ​នគរបាល​ខេត្តបន្ទាយមានជ័យ​, លោក កៅ ថាច អគ្គនាយក​នៃ​ធនាគារ​អភិវឌ្ឍន៍​ជនបទនិង​សប្បុរសជន​មួយចំនួនទៀត រួមទាំង​មន្ត្រីរាជការ កងកម្លាំង ប្រជាពលរដ្ឋ​។​
​ទោះយ៉ាងណា លោក​សូម​អំពាវនាវ​អោយ​សប្បុរសជន​ជួយ​បន្ថែមទៀត ព្រោះ​ទើបបាន​មួយចំនួន​ប៉ុណ្ណោះ​។​

​សូម​រំលឹកថា តាំងពី​ក្រោយ​ថ្ងៃ​រំដោះ ឆ្នាំ​១៩៧៩ នគរបាល​ប៉ុស្តិ៍​រដ្ឋបាល​ឃុំ​ស្ពាន​ស្រែង​មាន​មេ​ប៉ុស្តិ៍​តែ​៥​នាក់ ព្រោះ​ពុំ​សូវ​នរណា​ចង់​ធ្វើ​ឡើយនា​ឃុំ​ដ៏​ដាច់ស្រយាល​នោះ​។ ម្យ៉ាង​កន្លែងធ្វើការ​ក៏​លើក​កញ្ជើ​ដាក់​ម្តង​នៅផ្ទះ​ឬ​ខ្ទម​អ្នកស្រុក​នោះ ម្តង់​នៅត្រង់​នះ​៕

ទីតាំងផ្សាយពាណិជ្ជកម្ម

- Advertisment -

Most Popular

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...

មន្ត្រី​កសិកម្ម ខេត្តកំពង...

​ដោយៈ ទេ​ពក​ង្រី / កំពង់ឆ...