ប្រជុំ​ការងារ​ត្រៀម​បដិសណ្ឋារកិច្ច​និង​ការពារ​សន្តិសុខ​នាយករដ្ឋមន្ត្រី​អញ្ជើញ​សម្ពោធ​ដាក់​ឲ្យ​ប្រើប្រាស​ផ្លូវជាតិ​លេខ​៥៨ បន្ទាយមានជ័យ​-​ឧ​ត្ត​រ​មានជ័យ​

ដោយ ៖ ប​.​ជ័យ / បន្ទាយមានជ័យ​: មន្ត្រីរដ្ឋបាល​ខេត្តបន្ទាយមានជ័យ ជាមួយ​មន្ត្រី​ថ្នាក់ដឹកនាំ​ពី​ថ្នាក់ជាតិ កងកម្លាំង​ពាក់ព័ន្ធ​រៀបចំ​កិច្ចប្រជុំ​ការងារ​ត្រៀម​បដិសណ្ឋារកិច្ច និង​ការពារ​សន្តិសុខ​ជូន​នាយករដ្ឋមន្ត្រី អញ្ជើញ​សម្ពោធ​ដាក់ឲ្យ​ប្រើប្រាស់​ផ្លូវជាតិ​លេខ​៥៨ បន្ទាយមានជ័យ​-​ឧ​ត្ត​រ​មានជ័យ នា​ថ្ងៃទី​២៦​ខែកុម្ភៈ​ឆ្នាំ​២០២០ ខាងមុខ​។​

​លោកនាយ​ឧ​ត្ត​ម​សេនីយ៍ យូ ស៊ុនឡុង រដ្ឋមន្ត្រី​ប្រតិភូ​អម​នាយករដ្ឋមន្ត្រី លោក រដ្ឋលេខាធិការ លោក អ៊ុ រាត្រី អភិបាល​នៃ​គណៈ​អភិបាលខេត្ត នឹងមាន​ការចូលរួម​ពី កងកម្លាំងប្រដាប់អាវុធ​គ្រប់​ប្រភេទ អភិបាល អភិបាលរង ក្រុង​ស្រុក លោក​ប្រធាន​មន្ទីរ​-​អង្គភាព​ពាក់ព័ន្ធ​។​

​លោក​យូ ស៊ុនឡុង ក្នុង​កិច្ចប្រជុំ​កាលពី​ថ្ងៃទី ១២​ខែកុម្ភៈ ឆ្នាំ​២០២០ នៅ​ទីបញ្ជាការដ្ឋាន​នគរបាល​ការពារ​ព្រំដែន​គោក វរៈ​សេនា​តូច​៨៩១ បាន​និយាយថា ៖​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា នឹង​អញ្ជើញ​ជា​អធិបតី​ដ៏​ខ្ពង់ខ្ពស់​ក្នុង​ពិធី​សម្ពោធ​ដាក់ឱ្យ​ប្រើប្រាស់​ជា​ផ្លុ​វ​ការ ផ្លូវជាតិ​លេខ​៥៨ ខេត្តបន្ទាយមានជ័យ -​ខេត្ត​ឧ​ត្ត​រ​មានជ័យ​នោះ​។ ហេតុនេះ​លោក​លោកស្រី​អ្នកពាក់ព័ន្ធ​ត្រូវ​ត្រៀមលក្ខណៈ​បំពេញការងារ​តាម​មុខនាទី​របស់ខ្លួន​អោយបាន​ល្អ​។​

​សូមបញ្ជាក់ថា ផ្លូវជាតិ​លេខ​៥៨ សាងសង់ឡើង​ក្រោម​ប្រាក់​ហិរញ្ញប្បទាន​ពី​រដ្ឋាភិបាល​សាធារណរដ្ឋ​ប្រជាមានិត​ចិន រួមជាមួយ​ថវិកាបដិភាគ​របស់​រា​ជ​រដ្ឋាភិបាល​កម្ពុជា សរុប​ជាង​១២២​លាន​ដុល្លារ​សរ​អា​។​
​ផ្លូវ​នេះ​ជា​ប្រភេទ​ផ្លូវ​ក្រាល​កៅស៊ូ​ពីរ​ស្រទាប់ (DBST) គិត​ចាប់ពី​ផ្លូវជាតិ​លេខ​៥ ត្រង់​គីឡូម៉ែត្រ​លេខ ៣៩៩+៩០០ ក្រុង​ប៉ោយប៉ែត ខេត្តបន្ទាយមានជ័យ ទៅកាន់​ផ្លូវជាតិ​លេខ​៦៨ ត្រង់​គីឡូម៉ែត្រ​លេខ ១០១+៥០០ ក្រុង​សំរោង​ខេត្ត​ឧ​ត្ត​រ​មានជ័យ​។​

​គម្រោង​ផ្លូវ​នេះ បាន​ចាប់ដំណើរការ​បើក​ការដ្ឋាន​សាងសង់​នៅ​ថ្ងៃទី​១០ ខែមិថុនា ឆ្នាំ​២០១៥​មក​។ ផ្លូវ​នេះ​បាន​សាងសង់​ប្រប​តាម​បណ្តោយ និង​កៀក​បំផុត​នឹង​ព្រំដែន​កម្ពុជា ថៃ រួមទាំង​សណ្តូក​ស្រប​នឹង​ជួរ​ភ្នំ​ដងរ៉ែក ហើយ​កាត់​តាម​អតីត​ជំរំ​ជនភៀសខ្លួន ចម្ការមីន សមរភូមិ​និង​ទីលាន​សង្គ្រាម ដែល​ឡូ​វ​ជា​តំបន់​អភិវឌ្ឍន៍​ដ៏​ស្រស់បំព្រង​មាន​ភូមិ​សង្កាត់​ឃុំ​នៃ​ស្រុក​ក្រុង​៤​ក្នុង​ខេត្តបន្ទាយមានជ័យ​និង​២​ស្រុក​ក្រុង​ក្នុង​ខេត្ត​ឧ​ត្ត​រ​មានជ័យ​។​

​ផ្លូវជាតិ​លេខ​៥៨​មាន​ខ្នែង​ភ្ជាប់​ទៅ​ច្រកព្រំដែន​កម្ពុជា ថៃ យ៉ាងតិច​៨​ច្រក ហើយ​ភ្ជាប់​មក​ភូមិសាស្ត្រ​ក្នុងប្រទេស​ជាមួយ​ផ្លូវជាតិ​លេខ​៥ លេខ​៥៦ លេខ​៦៨​និង​ផ្លូវ​ខេត្ត ផ្លូវ​យុ​ទ្ឌ​សាស្ត្រ ផ្លូវលំ​ជនបទ រាប់សិប​ខ្សែ​ទៀត​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រី​ក្រសួងបរិស្ថា...

​ដោយៈ ដេប៉ូ / ភ្នំពេញៈ រដ...

កម្មករ​រោងចក្រ​៦​នាក់​របួ...

​ដោយ​:​វ​ណ្ណះ​/​ព្រះសីហនុ...

បុគ្គលិក​កាស៊ីណូ រលក​ធំ ប...

ដោយៈ​វ​ណ្ណះ​/​ព្រះ​សី​ហុៈ...

Spursឡើង​មក​លេខ​១ ក្រោយ​ស...

​ប្រែ​សម្រួល : កញ្ញា​ដា​ល...