Home កម្សាន្ត តារា​វៀតណាម​៣...

តារា​វៀតណាម​៣​នាក់​ត្រូវ​ផាក​ពិន័យ​ប្រាក់​ដោយសារតែ​ផ្សាយ​ព័ត៌មាន​មិន​ពិត​អំពី​កូរ៉ូណា​វីរុស​

​នាយកដ្ឋាន​ព័ត៌មាន​និង​ទូរគមនាគមន៍​ក្រុង​ហូ​ជី​មី​ញ​កាលពី​ថ្ងៃ​ពុធ​ទី​១២​កុម្ភៈ​បាន​ប្រកាស​ដាក់​ពិន័យ​លើ​តារា​បី​នាក់​ចំពោះ​ការផ្សព្វផ្សាយ​ព័ត៌មាន​ក្លែងក្លាយ​​អំពី​កូរ៉ូណា​វីរុស​។​

​ង៉ូ ថាញ់ វ៉ាន់ ,​កាត់ ភឿង និង​ដាម វិញ ហ៊ុង​ត្រូវបាន​បញ្ជា​អោយ​បង់​ប្រាក់​ពិន័យ​ម្នាក់ៗ​១៥​លាន​ដុង​(៦៥០​ដុល្លារ​) ចំពោះ​ការ​បង្ហោះ​ព័ត៌មាន​ក្លែងក្លាយ​លើ​បណ្តា​​ញ​សង្គម ទោះ​ជា​ពួកគេ​បាន​សុំទោស​និង​បង្ហាញ​ការ​ស្តាយក្រោ​យក្តី​។​

​នាយកដ្ឋាន​បាន​និយាយថា «​ទង្វើ​របស់​ពួកគេ​ប៉ះពាល់​សណ្តាប់ធ្នាប់​សង្គម​» តែ​ត្រូវ​បាន​ដាក់ទោស​ស្រាល​ដោយសារ​តែ​ពួក​គេ​ខ្វះ​កាត​អត់ធ្មត់​មិន​បាន​បញ្ជាក់​​ព័ត៌មាន​ពិត​ឬ​មិន​ពិត​និង​បាន​លុបចេញ​ព័ត៌មាន​ក្លែងក្លាយ​នោះ​បាន​លឿន​។​

​សូម​រំលឹក​ថា កាលពី​ថ្ងៃ​៣១​មករា ង៉ូ ថាញ់ វ៉ាន់​ដែលជា​ផលិករ​និង​ជា​សិល្បការិនី​ល្បី​ម្នាក់ បាន​និយាយថា​ជើងហោះហើរ​ពី​ទីក្រុង​វូ​ហាន ប្រទេស​ចិន​មកកាន់​វៀត​​ណា​ម​ត្រូវ​បាន​លុបចោល​ទាំងអស់​ចាប់ពី​ថ្ងៃ​២៩​មករា​មក​។​ការ​បង្ហោះ​ខុស​នេះ ក្រោយមក​ត្រូវបាន​លុប​ចេញ​និង​វ៉ាន់​បាន​សុំទោស​។​

​មុន​នេះ​កាលពី​ថ្ងៃ​២៦​មករា ដា​ម វិញ ហ៊ុង បាន​ធ្វើ​អោយ​សហគមន៍​បណ្តាញ​សង្គម​មាន​ការភ្ញាក់ផ្អើល​ដោយសារ​បាន​សរសេ​រ​បង្ហោះ​ថា ជនជាតិ​ចិន​២​នាក់​ឆ្លង​​វីរុស​និង​កំពុង​ទទួល​ការព្យាបាល​នៅ​មន្ទីរពេទ្យ​ចូរី ក្រុង​ហូ​ជី​មី​ញ ។​គាត់​បាន​ដក​សារ​នោះ​ចេញ​និង​ក៏​បាន​សុំទោស​ទៅកាន់​អ្នកប្រើប្រាស់​បណ្តាញ​សង្គម​វៀតណាម​។​

​ចំណែក​សិល្បការិនី កាត ភឿង ក៏​បាន​សុំទោស​ចំពោះ​អ្នកគាំទ្រ​ក្នុង​ហ្វេ​សប៊ុក ចំពោះ​ការនិយាយ​របស់​នាង​ថា ជម្ងឺឆ្លង​នេះ​បាន​រាលដាល​ដល់​សង្កាត់​ទី​១​នៃ​ទីក្រុង​​ហូ​ជី​មី​ញ​ហើយ​នឹង​ឆ្លង​ទៅ​កាន់​សង្កាត់​ផ្សេងទៀត​។​

​សូមបញ្ជាក់​ថា គិត​មក​ត្រឹម​ថ្ងៃ​អង្គារ វៀតណាម​បាន​រកឃើញ​អ្នក​ឆ្លង​កូរ៉ូណា​វីរុស​១៥​ករណី តែ​៧​នាក់​បាន​ជា​និង​ចេញ​ពី​មន្ទីរពេទ្យ​៕​ប្រែ​សម្រួល​៖​វាសនា​

​ង៉ូ ថាញ់ វ៉ាន់ ,​កាត់ ភឿង និង​ដាម វិញ ហ៊ុង​(​ពីឆ្វេង​មក​ស្តាំ​) បានបង្ហាញ​ការ​ស្តាយក្រោយ​ចំពោះ​ការ​បង្ហោះ​ព័ត៌មាន​ក្លែងក្លាយ​អំពី​កូរ៉ូណា​វីរុស​

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...