Home ព័ត៌មានជាតិ នយោបាយ ​អាជ្ញាធរ​រកឃ...

​អាជ្ញាធរ​រកឃើញថា​មាន​ទេសចរ​ចំនួន ២០ នាក់​មាន​បញ្ហា​សុខភាព​តែ​មិនមាន​សញ្ញា​វីរុស​កូ​រ៉ូ​ណា​នោះទេ​

ដោយ​៖​តារា​រិ​ទ្ធ​(​ភ្នំពេញ​)៖​អាជ្ញាធរ​កម្ពុជា​បាន​រកឃើញថា​មាន​ភ្ញៀវទេសចរ​ចំនួន២០នាក់​ដែល​ស្ថិតនៅលើ​កប៉ាល់ Westerdam ដែល​ត្រូវបាន​អនុញ្ញាត​ឲ្យ​ចូល​ចត​នៅកំពង់ផែក្រុងព្រះសីហនុ កាលពី​ព្រឹក​ថ្ងៃទី១៣ កុម្ភៈ ២០២០ មាន​បញ្ហា​សុខភាព​បន្ដិចបន្ដួច ​ដូចជា​ក្រពះ ពោះវៀន និង​រាករូស ជាដើម​ តែ​មិនមាន​រោគសញ្ញា​វីរុស​កូ​រ៉ូ​ណា​នោះទេ ។ ទោះបីជា​យ៉ាងនេះ​ក្ដី​ និង​ដើម្បី​ឲ្យ​ដឹង​ច្បាស់​នោះ​កំហាក​របស់​ពូកគេ​ត្រូវបាន​មន្ដ្រី​សុខាភិបាលនិងមន្ដ្រី​អង្គការ​សុខា​ភិបាលពិភពលោក​(WHO)​យកទៅ​ធ្វើតេស្ដ​ទៅវិទ្យាស្ថាន​ប៉ាស្ទ័រ​រាជធានី​ភ្នំពេញ​តាម​ឧទ្ធម្ភាគចក្រ​ភ្លាមៗ នៅវេលា​ថ្ងៃត្រង់​ទី ១៣ ខែកុម្ភៈ ឆ្នាំ​២០២០​នេះ​។​

​មន្ត្រី​សាលាខេត្ត​ព្រះសីហនុ​បាន​ប្រាប់​បណ្ដាញ​ព័ត៌មាន​ក្នុងស្រុក​ថា​៖ ​តាម​ការបញ្ជាក់​ពី​អ្នកគ្រប់គ្រង​កប៉ាល់​និង​មន្ដ្រី​សុខាភិបាល​របស់​យើង​ដែល​បាន​ចុះទៅពិនិត្យ​ជាក់ស្ដែង​ទៅលើ​ភ្ញៀវទេសចរ​និង​អ្នកបម្រើ​ការងារ​នៅលើ​កប៉ាល់​ទាំង​ជាង​២០០០​នាក់​បាន​បង្ហាញថា​មានតែ​មនុស្ស​ប្រមាណ​២០​នាក់​ប៉ុណ្ណោះដែលមាន​បញ្ហា​សុខភាព​បន្ដិចបន្ដួច ​តែ​ពាក់ព័ន្ធ​នឹង​បញ្ហា​ក្រពះ ពោះវៀន និង​រា​ករូស​ជាដើម​មិន​ពាក់ព័ន្ធ​មេរោគ​កូ​រ៉ូ​ណា​ទេ​។​

​មន្ត្រី​ដដែល​នេះ​បាន​ឲ្យ​ដឹង​ទៀតថា ​ទោះបី​មានការ​បញ្ជាក់​បែបនេះ​ក៏ដោយ ​តែ​កំហាក​របស់​ពួកគេ​ក៏ត្រូវ​បាន​ដឹកយក​ទៅធ្វើ​តេស្ដ​នៅ​វិទ្យាស្ថាន​ប៉ាស្ទ័រ​ភ្លាមៗដើម្បី​បញ្ជាក់​ពី​លទ្ធផល​ពិតប្រាកដ ។ ជាមួយគ្នានេះ​មន្ត្រី​រូបនោះ​ក៏បាន​ប្រកាស​អំពាវនាវ​និង​ច្រានចោល​ព័ត៌មាន​ឬក៏​បណ្ដាញ​សង្គម​មួយចំនួន​ដែល​ដាក់ ការសង្ស័យ​ទៅលើ​វិ​រុស​កូ​រ៉ូ​ណា​កើតមាន​លើ​ក្រុម​ភ្ញៀវទេសចរ​ខ្លះ ​នាំ​ឲ្យ​មានការ​យល់ច្រឡំ​និង​ចលាចល​ដល់​សង្គម​។​ជាមួយគ្នានេះ​ភ្ញៀវទេសចរ​ទាំង២០ ​នាក់​ក៏ត្រូវ​បាន​ក្រុមមន្ត្រី​ដាក់​ឲ្យ​ស្ថិតនៅ​បន្ទប់​ដាច់ដោយឡែក​នៅលើ​កប៉ាល់​ផងដែរ។

លោក គួច ចំរើន អភិបាលខេត្តព្រះសីហនុបាន​បញ្ជាក់ថា អាជ្ញាធរ​មូលដ្ឋាននិង​ភាគី​នាវាកំពុង​សហការគ្នា​រៀបចំ​សម្រួល​ឯកសារ​រដ្ឋបាល​ចាំបាច់​ឲ្យ​បាន​លឿន​បំផុត​ ។ ក្រោយ​ការពិនិត្យ​សុខភាព​នៅលើ​នាវា​ផ្ទាល់ អ្នកដំណើរ​ក៏​មិន​ត្រូវបាន​តម្រូវ​ឲ្យ​ចេញដើរដោយសេរី​នោះទេ។ ពោលគឺ​សម្រាប់តែ​ទេសចរ​មួយចំនួន​ដែល​បាន​ទិញ​សំបុត្រ​យន្តហោះរួចមាន​ប្រមាណ ​៥០០​នាក់ខណៈ​អាជ្ញាធរ​កម្ពុជារៀបចំ​សម្រួល​ដំណើរ​ពួកគេ​ទៅកាន់​អាកាសយានដ្ឋាននិងឯកសារ​ផ្សេងៗ​ ៕Ha

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តសៀមរាប​ចែក​ម...

ដោយ​: គូលែន / សៀមរាប​: នៅ...

រដ្ឋមន្ត្រី​ក្រសួងការពារជ...

ដោយ​: សៅ វ៉ាន់ឌី / ខេត្តព...

ការស្រាវជ្រាវ​៖​ការវិនិយោ...

​ដោយៈ​សុផល​/ភ្នំពេញ​៖ វិទ...

អភិបាល​រាជធានី​ថ្លែងអំណរគ...

​ដោយ​៖ រ៉ា​ម៉ន / ភ្នំពេញ​...