​ឯកអគ្គរដ្ឋទូត​សហរដ្ឋអាមេរិក​ប្រចាំ​កម្ពុជា​បំពេញ​ទស្សនកិច្ច​នៅ​ខេត្តព្រះវិហារ​

ដោយ​សៅ​វ៉ាន់ឌី​/​ព្រះវិហារ​៖​ឯកអគ្គរដ្ឋទូត​សហរដ្ឋអាមេរិក​ប្រចាំ​នៅ​កម្ពុជា​លោក​W.PatrickMurphy​និង​សហការី​បាន​អញ្ជើញ​ចុះមក​បំពេញ​ទស្សនកិច្ច​សិក្សា​និង​ស្វែងយល់​ពី​សក្តានុពល​នៃ​ខេត្តព្រះវិហារ​កាលពី​រសៀល​ថ្ងៃទី​១២ ខែកុម្ភៈ ឆ្នាំ​២០២០​។​

​អញ្ជើញ​ទទួល​ជួប​សំដែង​ការគួរសម​វត្តមានរ​បស់​លោក​ឯកអគ្គរដ្ឋទូត​ក្នុងឱកាស​នោះ​លោក​គោ​ស៊ុ​ប៊ុន​សឿត​អភិបាលរង​ខេត្តព្រះវិហារ​និង​មន្ត្រី​ពាក់​ព​ន្ធ័​ជាច្រើនរូប​ទៀត​។​នៅក្នុង​ឱកាស​នោះ​លោក​គោ​ស៊ុ​ប៊ុន​សឿត​បាន​ជម្រាបជូន​លោក​អគ្គរដ្ឋទូត​សហរដ្ឋអាមេរិក​អំពី​ទីតាំង​ភូមិសាស្ត្រ​សក្តានុពល​និង​ការអភិវឌ្ឍន៍​រីកចម្រើន​របស់​ខេត្តព្រះវិហារ​ផងដែរ​។​

​លោក​គោ​ស៊ុ​ប៊ុន​សឿត​បាន​ជម្រាបជូន​ឯកអគ្គរដ្ឋទូត​សហរដ្ឋ​អា​រិ​ក​អំពី​សក្តានុពល​នៃ​វិស័យ​ធនធានធម្មជាតិ​នៅ​ខេត្តព្រះវិហារ​។​ក្នុងនោះ​ទីតាំង​ធនធានធម្មជាតិ​ចំនួន​៩​កន្លែង​ត្រូវបាន​អភិរក្ស​ការពារ​ពិសេស​នៅ​ភ្នំ​ត្នោត​និង​ភ្នំ​ពក​ក្នុងស្រុក​សង្គម​ថ្មី​ដែលមាន​ជនជាតិ​អាមេរិកកាំង​ម្នាក់​បាន​លះបង់​ខ្ពស់​ចូលរួម​ការពារ​និង​អភិរក្ស​។​

​ជាមួយគ្នា​នោះ​លោក​គោ​ស៊ុ​បុ​ន​សឿត​បាន​សំណូមពរ​ឱ្យ​លោក​ឯកអគ្គរដ្ឋទូត​សហរដ្ឋអាមេរិក​ជួយ​ទៅលើ​វិស័យ​អប់រំ​វិស័យ​សុខាភិបាល​និង​វិស័យ​វប្បធម៌​នៅក្នុង​ខេត្ត​។​ពិសេស​គឺ​សំណូមពរ​ឱ្យ​បញ្ជូន​និស្សិត​ស្ម័គ្រចិត្ត​មក​បង្រៀន​ភាសា​អង់គ្លេស ដល់​សិស្សានុសិស្ស​នៅ​ខេត្តព្រះវិហារ​។​

​ជាការ​ឆ្លើយតប​លោក​W.PatrickMurphy​បាន​ថ្លែងថា​កន្លងមក​សហរដ្ឋ​អាមេរិក​បាន​យកចិត្តទុកដាក់​ជួយ​កម្ពុជា​លើ​វិស័យ​អប់រំ​និង​វិស័យ​វប្បធម៌​។​ជាមួយគ្នា​នោះ​លោក​សន្យាថា​នឹង​ជួយ​បញ្ជូន​វត្ថុ​បុរាណ​របស់​ខ្មែរ​ពី​អាមេរិក​មក​កម្ពុជា​វិញ​។​លោក​អគ្គរដ្ឋទូត​សហរដ្ឋអាមេរិក​បាន​ថ្លែង​សរសើរ​ពី​ការរីកចម្រើន​និង​ការអភិវឌ្ឍន៍​គ្រប់​វិស័យ​របស់​ប្រទេស​កម្ពុជា​ក្រោម​ការដឹកនាំ​របស់​សម្តេច​តេ​ជោ​ហ៊ុនសែន​ជា​នាយករដ្ឋមន្ត្រី នៃ​កម្ពុជា​។​


​លោក​ក៏បាន​ថ្លែង​នូវ​អំណរគុណ​អាជ្ញាធរខេត្ត​ព្រះវិហា​រដែ​ល​បានទទួល​ស្វាគមន៍​លោក​និង​សហការី​យ៉ាង​កក់ក្តៅ​។​លោក​បន្តថា​ការ​មក​ធ្វើ​ទស្សនកិច្ច​នៅ​ខេត្តព្រះវិហារ​គឺ​លោក​បាន​ទៅ​មើល​ប្រាសាទ​កោះកែរ ហើយ​ថ្ងៃនេះ​នេះ​(​ទី​១២​កុម្ភៈ​)​លោក និង​ទៅ​មើល​ប្រាសាទព្រះវិហារ​បន្តទៀត​៕S/​

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...

នាយកដ្ឋាន​ព័ត៌មានវិទ្យា រ...

​ដោយៈ មុនី​រ័ត្ន / ភ្នំពេ...