ដោយៈមុនីរ័ត្ន/ភ្នំពេញៈលោកសសុខារដ្ឋលេខាធិការក្រសួងអប់រំយុវជននិងកីឡានិងជាអនុប្រធានសហភាពសហព័ន្ធយុវជនកម្ពុជា ទទួលបន្ទុកខេត្តព្រៃវែង,បាត់ដំបង,និងខេត្តបន្ទាយមានជ័យ,។លោកស្រី កែសួនសុភីប្រធានក្លិបកីឡាវិសាខាសហការជាមួយមជ្ឈមណ្ឌលជាតិផ្តល់ឈាមបានរៀបចំយុទ្ធនាការបរិច្ចាគឈាម១៣កុម្ភៈ២០២០ក្រោមប្រធានបទ”ដំណក់ឈាមនៃក្តីស្រលាញ់”នៅមជ្ឈមណ្ឌលជាតិផ្តល់ឈាម (មន្ទីរពេទ្យរុស្ស៊ី) កាលពីព្រឹកថ្ងៃទី១៣ ខែកុម្ភៈ ឆ្នាំ២០២០។
ការរៀបចំយុទ្ធនាការបរិច្ចាគឈាមនេះគឺដើម្បីរួមចំណែកក្នុងសង្គ្រោះជីវិតប្រជាពលរដ្ឋខ្មែរដែលរងគ្រោះដោយសារគ្រោះថ្នាក់ផ្សេងៗស្ត្រីសម្រាលកូននិងជនងាយរងគ្រោះនានាហើយត្រូវការឈាមជារៀងរាល់ថ្ងៃ។នៅក្នុងយុទ្ធនាការបរិច្ចាគឈាមដែលដឹកនាំដោយលោកសសុខានិងភរិយានោះក៏មានការចូលរួមបរិច្ចាគឈាមពីក្រុមការងាររបស់លោកសសុខានិងភរិយា។
កងកម្លាំងនគរបាលសហភាពសហព័ន្ធយុវជនកម្ពុជាខេត្តព្រៃវែងបាត់ដំបងនិងខេត្តបន្ទាយមានជ័យ។ក្រុមកីឡាករក្លិបវិសាខានិងប្រជាពលរដ្ឋ ព្រមទាំង យុវជន យុវនារី ជាច្រើនកុះករ ។លោកសសុខាក៏បានថ្លែងអំណរគុណយ៉ាងជ្រាលជ្រៅចំពោះបងប្អូនទាំងអស់គ្នាដែលបានលះបង់ពេលវេលានិងឈាមដ៏មានតម្លៃដើម្បីទុកសង្គ្រោះជីវិតប្រជាពលរដ្ឋខ្មែរដែលជួបគ្រោះថ្នាក់ផ្សេងៗស្ត្រីសម្រាលកូន និងជនងាយរងគ្រោះ ដែលត្រូវការឈាមជាចាំបាច់ ។
សូមបញ្ជាក់ថា កន្លងមកលោក ស សុខា និងភរិយា ធ្លាប់បានដឹកនាំរៀបយុទ្ធការបរិច្ចាគឈាមនេះ ជាច្រើន លើក ច្រើនសារមកហើយ ជាមួយនឹងមជ្ឈមណ្ឌលជាតិផ្តល់ឈាម មិនថា នៅរាជធានីភ្នំពេញ នៅខេត្តព្រៃវែង ខេត្តបាត់ដំបង ឬខេត្តបន្ទាយមានជ័យ នោះទេ៕S/
រូបថត៖យុទ្ធនាការបរិច្ចាគឈាមក្រោមប្រធានបទ “ ដំណក់ឈាម នៃក្តីស្រលាញ់”
