​ឧបនាយករដ្ឋមន្ត្រី​អំពាវនាវ​ដល់​សា្ថ​ប​ត្យ​ករ​និង​វិស្វករ​កម្ពុជា​ឱ្យ​គិតគូរ​សាងសង់​សំណង់​ផ្សារភ្ជាប់​ជាមួយ​អត្តសញ្ញាណ​ជាតិ​

ដោយៈ​សុផល​/​ភ្នំពេញ​៖​លោក​ជា​សុផារ៉ា​ឧបនាយករដ្ឋមន្ត្រី​រដ្ឋ​មន្ត្រី​ក្រសួង​រៀបចំ​ដែនដី​នគរូបនីយកម្ម​និង​សំណង់​បាន​អំពាវនាវ​ដល់​សា្ថ​ប​ត្យ​ករ​និង​វិស្វករ​នៅ​កម្ពុជា​ឱ្យ​គិតគូ​សាងសង់​សំណង់​ផ្សារភ្ជាប់​ជាមួយ​អត្តសញ្ញាណ​ជាតិខ្មែរ និង​គិតគូរ​ដល់​បរិស្ថាន​។​

​លោក​ឧបនាយករដ្ឋមន្ត្រី​បាន​អំពាវនាវ​ដូច្នេះ​នៅក្នុងពេល​លោក​អញ្ជើញ​ជា​អធិបតី​បើក​វគ្គ​ផ្សព្វផ្សាយ​អំពី​ច្បាប់​ស្តីពី​សំណង់​ជូន​អ្នក​វិជ្ជាជីវៈ​ក្នុង​វិស័យ​សំណង់​”​លើក​ទី​២”​កាលពី​ព្រឹក​ថ្ងៃទី​១៣​ខែកុម្ភៈ​ឆ្នាំ​២០២០​នៅ​ស​ណ្ឋ​គារ​សុខា​ភ្នំពេញ​។​នៅ​ចំពោះមុខ​សា្ថ​ប​ត្យ​ករ​និង​វិស្វករ ចំនួន​១.២៤៩​រូបលោក ជា សុផារ៉ា បាន​ថ្លែងថា​៖​ក្រសួង​ចង់ឱ្យមាន​ការផ្សារភ្ជាប់​នូវ​អ្វី​ដែលជា​អត្តសញ្ញាណ​ជាតិខ្មែរ​ទៅលើ​គ្រប់​វិស័យ​សំណង់​។​ជាពិសេស​ត្រូវ​ប​ញ្ជូ​ល​អត្តសញ្ញាណ​ជាតិខ្មែរ​ណាមួយ​ទៅក្នុង​ការ​ឌី​ហ្សា​ញ​ក៏ដូចជា​ធ្វើឱ្យ​វិស័យ​សំណង់​របស់​កម្ពុ​ជាមាន​ភាពលេច​ធ្លោ​។​

​លោក​រដ្ឋមន្ត្រីក្រសួង​រៀបចំ​ដែនដី​ក៏បាន​ណែនាំ​ឱ្យ​«​សំណង់​ទាំងអស់​ត្រូវតែមាន​ពណ៌​បៃតង​»​ដែលជា​ការបង្ហាញ​ពី​សកម្មភាព​នៃ​ការចូលរួម​ថែរក្សា​បរិស្ថាន​ក៏ដូចជា​អំពាវនាវ​ឲ្យ​ការដ្ឋាន​ទាំងអស់​កុំឱ្យ​មានការ​បង្ហូរទឹក​កង្វក់​ចេញទៅ​ក្រៅ​។​

​លោក​ឧបនាយករដ្ឋមន្ត្រី​បានលើកឡើង​អំពី​ច្បាប់​សំណង់​ដែល​ច្បាប់​នេះ​បានធ្វើការ​ជ្រើសរើស​រក​ដៃគូ​សម្រាប់​ជួយ​គាំទ្រ​ហើយ​ដៃគូ​ដែលមាន​ភាព​សក្តិសម​។​យើង​ជ្រើស​រើសយក​ប្រទេស​ជប៉ុន​ដែល​ប្រទេស​នេះ​ចាត់ទុកថា​ជា​ប្រទេសមួយ​ដែលមាន​ស្តង់ដា​ត្រឹមត្រូវ​ច្បាស់លាស់​។​គឺ​ងាយស្រួល​ត្រង់​ថា​ក្រសួង​រៀបចំ​ដែនដី​នគរូបនីយកម្ម​និង​សំណង់​ជាមួយនឹង​ក្រសួង​ដីធ្លី​គមនាគមន៍​ទេសចរណ៍​នៅ​ប្រទេស​ជប៉ុន​ធ្លាប់បាន​ចុះ​អនុស្សារណៈ​យោគយល់​គ្នា​កាលពី​ប៉ុន្មាន​ឆ្នាំកន្លងមក​។​ដូច្នេះហើយ​ទើប​យើង​រៀបចំតាក់តែង​ច្បាប់​សំណង់​នេះ​បាន​ដោយ​ជោគជ័យ​ដោយមាន​ការជួយ​គាំទ្រ​ពី​អ្នកជំនាញការ​របស់​ជ​ប៉ុន​ផងដែរ​។​

​លោក​បាន​គូសបញ្ជាក់ថា​៖«​ច្បាប់​សំណង់​នេះ​មាន​គោលដៅ​ធានាបាន​នូវ​សុវត្ថិភាព​និង​ភាពរឹងមាំ​សម្រាប់​សំណង់​ដែល​ត្រូវ​សាងសង់​និង​ធានា​ផលប្រយោជន៍​ជា​បុគ្គល​និង​សាធារណៈ​ដែល​ចាត់ទុកថា​គោលដៅ​ចម្បង​របស់​ច្បាប់​នេះ​។​គឺ​ចង់ឱ្យ​សំណង់​រក្សាបាន​នូវ​សុវត្ថិ​ភាពមិន​ប៉ះពាល់​ដល់​សុខមាលភាព​ឬ​មាន​ភាពមិន​រឹងមាំ​ដែលនាំឱ្យ​មាន​វិបត្តិ​ដូចដែល​ធ្លាប់​កើតមាន​កន្លងមក​នោះទេ​។​

​គោលដៅ​ទី​២​នៃ​ច្បាប់​សំណង់​គឺ​ការសាងសង់​ត្រូវ​ស្ថិតនៅ​លើដី​ដែលមាន​កម្ម​សិទ្ធ​ត្រូវ​អនុលោម​ទៅតាម​ផែនការ​ប្រើប្រាស់​ដីធ្លី​ប្លង់គោល​ក៏ដូចជា​ប្លង់​នគរូបនីយកម្ម​ដែល​បានរៀបចំ​សំណង់​ដែល​បាន​សាងសង់​ត្រូវគោរព​គំលាត​រវាង​ឯកជន​ទាំងសងខាង​។​រក្សា​គំលាត​ឱ្យស្រប​ទៅតាម​បទដ្ឋាន​នគរូបនីយកម្ម​និង​គោរព​ចំពោះ​ទីតាំង​សាធារណៈ​ដូចជា​លូទឹក​និង​ហេដ្ឋារចនាសម្ព័ន្ធ​ផ្សេងទៀត​»​។​

​មុននឹង​ច្បាប់​សំណង់​នេះ​ត្រូវបាន​រៀបចំតាក់តែង​នោះ​ក្រសួង​រៀបចំ​ដែនដី​នគរូបនីយកម្ម​និង​សំណង់​បានរៀបចំ​ធ្វើ​ប្លង់គោល​ប្លង់​ហេដ្ឋារចនាសម្ព័ន្ធ​នៅ​ទូទាំងប្រទេស​ដើម្បី​ដកចេញ​នូវ​ហេដ្ឋារចនាសម្ព័ន្ធ​ឱ្យបាន​អស់​ងាយស្រួល​ឱ្យ​ប្រជាពលរដ្ឋ​ធ្វើ​សំណើសុំ​ការសាងសង់​សំណង់​ដែល​នេះ​បានផ្តល់​ផលប្រយោជន៍​ចំនួន​ពីរ​គឺ​យើង​អនុវត្តតាម​ប្លង់គោល​ប្រើប្រាស់​ដីធ្លី​ស្របតាម​ផែនការ​ដែល​បានរៀបចំ​។

​ពេលដែល​សំណង់​ត្រូវបាន​សាងសង់​គឺ​យើង​រក្សា​គំលាត​ហើយ​ដកចេញ​នូវ​ហេដ្ឋារចនាសម្ព័ន្ធ​ហើយ​នោះ​ប្រជាពលរដ្ឋ​ក៏​មិនមាន​ការភ័យខ្លាច​។​រីឯ​រដ្ឋ​ក៏​មិន​តម្រូវឱ្យមាន​ការដោះស្រាយ​ឆ្លើយតប​នូវ​ផលប៉ះពាល់​ដែល​សំណង់​បាន​សង់​ហើយ​មិន​គោរព​ទៅតាម​ប្លង់គោល​។

​ក្នុង​គោលដៅ​នេះហើយ​នៅក្នុង​ច្បាប់​សំណង់​យើង​បានរៀបចំ​យ៉ាង​ដូច្នេះ​ដើម្បី​ធានា​នូវ​ប្រក្រតីភាព​និង​ចូលរួមចំណែក​ក្នុងការ​សន្សំសំចៃ​ថវិកា​របស់​ជាតិ​ហើយ​ប្រជាពលរដ្ឋ​ក៏​មិនមាន​ការភិតភ័យ​ផងដែរ​។​យើង​ក៏បាន​ដាក់​នូវ​គោលដៅ​សំរាប់​គាំទ្រ​ដល់​វិស័យ​អចលនទ្រព្យ​គាំទ្រ​ដល់​អ្នកវិនិយោគ​ដែល​ពួកគាត់​ត្រូវការ​ភាពរឹងមាំ​និង​ជំនឿ​ជឿជាក់​។​

​លោក​ឧបនាយករដ្ឋមន្ត្រី​ជា​សុផារ៉ា​បាន​ចាត់ទុកថា​ការជួប​ជុំគ្នា​នាពេលនេះ​គឺ​ដើម្បី​ពង្រឹង​ច្បាប់​សំណង់​ដល់​អ្នកមាន​វិជ្ជាជីវៈ​ក្នុង​វិស័យ​សំណង់​និង​អ្នកត្រួតពិនិត្យ​បញ្ជាក់​អំពី​វិស័យ​សំណង់​ឱ្យបាន​យល់ច្បាស់​អំពី​ច្បាប់​សំណង់​ងាយស្រួល​ក្នុងការ​អនុវត្ត​ការងារ​ឱ្យមាន​ប្រសិទ្ធិភាព​។​

ចំពោះ​គោលដៅ​ដែល​ច្បាប់​សំណង់​នេះ​បានរៀបចំ​រួច​នោះ​គឺ​ការថែរក្សា​នូវ​បរិស្ថាន​ល្អ​និង​កុំឱ្យ​សំណង់​ដែល​សាងសង់ឡើង​នោះ​នាំឱ្យមាន​ការប៉ះពាល់​ដល់​បរិស្ថាន​។​ដោយ​រាល់​សំណង់​ទាំងអស់​ត្រូវតែមាន​ផ្ទៃ​បៃតង​ហើយ​ការបង្ហូរ​ទឹក​កខ្វក់​ចេញទៅ​ក្រៅ​គឺ​ត្រូវ​សម្លាប់​មេរោគ​មុននឹង​បង្ហូរ​ទៅកាន់​ទឹក​សា​ធា​រណះ​ធ្វើយ៉ាងណា​ឱ្យ​ទឹក​កខ្វក់​នេះ​កាត់បន្ថយ​បាន​នូវ​ជាតិពុល​ដើម្បី​លើកកម្ពស់​ដល់​សុខមាលភាព​និង​កិច្ច​គាំពារ​បរិស្ថាន​ឱ្យបាន​ល្អប្រសើរ​៕S/

ចំណងជើង​រូបថត​៖​លោក​ឧបនាយករដ្ឋមន្ត្រី​ជា​សុផារ៉ា​អំពាវនាវ​ដល់​សា្ថ​ប​ត្យ​ករ​និង​វិស្វករ​នៅ​កម្ពុជា​ឱ្យ​គិតគូ​សាងសង់​សំណង់​ផ្សារភ្ជាប់​ជាមួយ​អត្តសញ្ញាណ​ជាតិខ្មែរ​

ទីតាំងផ្សាយពាណិជ្ជកម្ម

- Advertisment -

Most Popular

យាន​ស្រាវជ្រាវ​របស់​ចិន​ច...

​ប្រែ​សម្រួល : កញ្ញា​ដា​ល...

ទើប​ចេញពី​ពន្ធនាគារ បាន ៩...

ដោយៈ ប​.​ជ័យ / បន្ទាយ​មាន...

តុលាការ​ថៃ​ព្រមាន​ទុក​នៅ​...

​ប្រែ​សម្រួលៈ​វាសនា​/​បាង...

សម្តេច​ចក្រី ហេង សំរិន រំ...

ដោយៈ​បូព៌​ព្រឹក្ស​/​ភ្នំព...