ដោយ៖ប.ជ័យ/បន្ទាយមានជ័យ៖”ជាប់ជាក្របខណ្ឌនគរបាលជាតិហើយគឺត្រូវដាក់ខ្លួនបន្ទន់កាយបម្រើប្រជាពលរដ្ឋដោយឥតគឹតថ្លៃនិងដោយស្មោះត្រង់។មិនត្រូវយកតួនាទីភារកិច្ចរបស់ខ្លួនទៅធ្វើអ្វីដែលខុសផ្ទុយពីកាតព្វកិច្ចរបស់ខ្លួន ពីច្បាប់និងពីវិន័យសេចក្តីថ្លៃថ្នូររបស់កងកម្លាំងនគរបាលជាតិនោះឡើយ “។
លោកឧត្តមសេនីយ៍ទោអាត់ខែមស្នងការនគរបាលខេត្តបន្ទាយមានជ័យកាលពីថ្ងៃទី១៣ខែកុម្ភៈឆ្នាំ២០២០ថ្លែងនៅក្នុងពិធីជួបសំណេះសំណាលជាមួយកងកម្លាំងនគរបាលក្រោយពីនគរបាលទាំងនេះបានបញ្ចប់វគ្គសិក្សានិងមានឈ្មោះក្នុងក្របខណ្ឌជាកងកម្លាំងនគរបាលជាតិ ចំនួន៣ជំនាន់(វគ្គ) ។
គឺជំនាន់(វគ្គ)ឆ្នាំ២០១៧ឆ្នាំ២០១៨និងឆ្នាំ២០១៩សរុបចំនួនជាង២៥០នាក់មកពីតាមបណ្តាការិយាល័យជំនាញអធិការដ្ឋាននគរបាលគ្រប់ស្រុកក្រុងនិងវរសេនាតូចនគរបាលការពារព្រំដែនគោកទាំង៤កាលពីរសៀលថ្ងៃទី១២ខែកុម្ភៈឆ្នាំ២០២០ នៅសាលាប្រជុំស្នងការដ្ឋាននគរ បាលខេត្តបន្ទាយមានជ័យ ។
លោកឧត្តមសេនីយ៍ទោអាត់ខែមបានបញ្ជាក់ថា៖ប្អូនៗក្មួយៗគឺជាទំពាំងស្នងប្ញស្សីក្នុងជួរកងកម្លាំងនគរបាលជាតិ។ដូច្នេះប្អូនត្រូវតែយកចិត្តទុកដាក់ក្នុងការបម្រើប្រជាជនការពារបូរណភាពទឹកដីការពារសន្តិសុខសណ្តាប់ធ្នាប់។ត្រូវយកតួនាទីរបស់ខ្លួនទៅប្រព្រឹត្តនូវអំពើល្មើសច្បាប់ដូចជាធ្វើកំណត់ហេតុឬរបាយការណ៍បំភ្លៃការពិត ដោយឃុបឃិតជាមួយ ជនប្រព្រឹត្តល្មើស យកខ្មៅទៅជាសនោះឡើយ ។
លោកបានបន្តថា៖ប្អូនៗកុំធ្វើឱ្យអ្នកគ្មានកំហុសទៅជាមានកំហុសនោះព្រោះនឹងមានវិប្បដិសារីបន្ទាប់ពីដឹងថា៖ខ្លួនបានក្បត់ពីឧត្តមគតិរបស់ខ្លួន។ធ្វើជានគរបាលទៅបំរើឲ្យគ្រួសានិយមបក្ខពួកនិយមនោះឡើយ នគរបាលគឺត្រូវបំពេញតួនាទីតាមវិជ្ជាជីវៈរបស់ខ្លួន ៕S/
រូបថត ៖ ស្នងការនគរបាលបន្ទាយមានជ័យជួបកម្លាំងនគរបាល៣ជំនាន់ ក្នុងបំណងពង្រឹងវិន័យ និងតួនាទីជានគរបាលជាតិ (រូប ៖ ប.ជ័យ)
