ជនសង្ស័យ២នាក់វាយយកម៉ូតូ ពីជនរងគ្រោះបានសម្រេច តែ ៣០ នាទីក្រោយ ត្រូវសមត្ថកិច្ច ខណ្ឌឫស្សីកែវឃាត់បានភ្លាមៗ

ដោយៈសាវរក្ស/ភ្នំពេញ ៖ ជនសង្ស័យ២នាក់ ធ្វើសកម្មភាពវាយយកម៉ូតូពីជន​រងគ្រោះបានសម្រេច តែរយៈពេល៣០ នាទីក្រោយមកត្រូវបានសមត្ថកិច្ច ខណ្ឌឫស្សីកែវ ឃាត់ខ្លួនបានភ្លាមៗ ក្នុងករណីលួចមានស្ថានទម្ងន់ទោស កាលពី កាលពីម៉ោងជាង៤ល្ងាច ថ្ងៃទី១៣ ខែកុម្ភៈ ឆ្នាំ២០២០ នៅចំណុចផ្លូវបេតុង​ក្រុមទី១ ភូមិ៤ សង្កាត់ច្រាំងចំរេះទី១ ខណ្ឌឬស្សីកែវ ។

លោកហ៊ាង ថារ៉េត អធិការដ្ឋាននគរបាលខណ្ឌឬស្សីកែវបានឲ្យដឹង​នៅព្រឹក​ថ្ងៃទី១៤កុម្ភៈនេះថា ជនសង្ស័យឈ្មោះ ម៉ើ ណាសៀត ហៅអាឆក អាយុ២៧ឆ្នាំ មុខរបរគ្មាន ស្នាក់នៅផ្ទះលេខ១២០១ ផ្លូវជាតិលេខ៥ ក្រុម៤ភូមិ២ សង្កាត់ច្រាំងចំរេះទី១ ខណ្ឌឫស្សីកែវ (មានសារធាតុញៀន) និង ឈ្មោះចេង ចាន់វាស្នា ហៅអាតឿ អាយុ១៨ឆ្នាំ មុខរបរគ្មាន ស្នាក់នៅផ្ទះជួលផ្លូវបេតុង​ភូមិស្វាយប៉ាក សង្កាត់ស្វាយប៉ាក​ ខណ្ឌឬស្សី កែវ(មានសារធាតុញៀន)។ ចំណែកជនរងគ្រោះឈ្មោះលី រ៉ូហ្សាត​ភេទប្រុសអាយុ២៧ឆ្នាំមុខរបរលក់ដូ​រ​ស្នាក់នៅផ្ទះលេខ៧៨៦​​​ ផ្លូវជាតិលេខ៥ ក្រុម៤ភូមិខ២ សង្កាត់ច្រាំងចំរេះទី២ ខណ្ឌឬស្សីកែវ។

លោកអធិការបញ្ជាក់ទៀតថា ចំពោះសម្ភារដែលសមត្ថកិច្ចដកហូតបាន រួមមាន ៖ ម៉ូតូចំនួន២គ្រឿង 1-ម៉ូតូម៉ាកSUZUKI ស្មាស់ពណ៌ខ្មៅ ពាក់ផ្លាកលេខ ព្រះសីហនុ1C8047 លេខតួ+ម៉ាស៊ីន៧១១០៤៨៥(ម៉ូតូជនសង្ស័យ​ជិះធ្វើសកម្មភាព)។ 2-ម៉ូតូម៉ាកហុងដា MSX ពណ៌ក្រហម ពាក់ផ្លាកលេខ ភ្នំពេញ DD-2852 លេខតួ+ម៉ាស៊ីន ៥២០០១០៣ (ជារបស់ជនរងគ្រោះ បានប្រគល់ជូន​ជន​រងគ្រោះវិញ)។ ទូរស័ព្ទចំនួន២គ្រឿង។

លោកបន្តថា មុនពេលកើតហេតុ ជនរងគ្រោះបានជិះម៉ូតូមានគ្នា២នាក់ចេញពីផ្ទះ​ក្នុងគោលបំណងដើរលេងក៏មានជនសង្ស័យមានគ្នា៤នាក់ជិះម៉ូតូ២គ្រឿងតាមពីក្រោយ​លុះមកដល់ចំណុចកើតហេតុខាងលើក៏បានជិះម៉ូតូមកកាក់ពីមុខ​ជនរងគ្រោះ​រួចបានធ្វើសកម្មភាពវាយជនរងគ្រោះយកម៉ូតូជិះចេញទៅ​ដោយមានសម្រែករបស់ជនរងគ្រោះស្រែកឲ្យជួយ កម្លាំល្បាតខណ្ឌ+ប៉ុស្តិ៍​ជួយអន្តរាគមន៍​ឈានទៅឃាត់ជនសង្ស័យបាន២នាក់និងម៉ូតូ​ជនរងគ្រោះមកវិញនិងបក្ខពួកជនសង្ស័យ២នាក់ទៀតជិះម៉ូតូរត់គេចខ្លួនបាត់។

ចំពោមុខ អធិការដ្ឋានបានបន្តស្រាវជ្រាវរកបក្ខពួកបន្ថែម និងកសាងសំណុំរឿង​បញ្ជូន​​តាមនីតិវិធី៕B/Ha

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...

រដ្ឋបាល​រាជធានី​ជូនដំណឹង​...

ដោយ​: រ៉ា​ម៉ន / ភ្នំពេញ​:...