​អភិបាល​រាជធានី​ភ្នំពេញ​ទៅជូន​ដំណើរ​ភ្ញៀវ​ទេសចរណ៍​ដែល​ជិះ​លើក​ប៉ាល់​Westerdam

ដោយ​៖​រ៉ា​ម៉ន​/​ភ្នំពេញ​៖​លោក​ឃួ​ង​ស្រេង​អភិបាល​រាជធានី​ភ្នំពេញ​អមដំណើរ​ដោយ​អភិបាលរង​រាជធានី​មាន​លោក​កើត​ឆែ​និង​លោក​មាន​ចាន់​យ៉ា​ដា​ព្រមទាំង​អភិបាលខណ្ឌ​ពោធិ៍​សែន​ជ័យ​ព្រមទាំង​មន្ដ្រី​មួយចំនួនទៀត​នា​រសៀល​ថ្ងៃទី​១៤​កុម្ភៈ​នេះ​បានធ្វើ​ដំណើរ​ទៅកាន់​ព្រលានយន្ដហោះ​អន្ដរជាតិ​ភ្នំពេញ​ដើម្បី​ទទួល​ស្វាគមន៍​និង​ជូន​ដំណើរ​ក្រុម​ភ្ញៀវ​ទេសចរណ៍​ជើង​ទី​២​ចំនួន​១៤១​នាក់​ដែល​បាន​ជិះ​ប៉ាល់​Westerdam​មុននឹង​បន្ត​ហោះហើរ​តាម​យន្តហោះ​ត្រឡប់​ទៅកាន់​ប្រទេស​របស់​ពួកគាត់​វិញ ។​

​លោក​ឃួ​ង ស្រេង​អភិបាល​រាជធានី​ភ្នំពេញ​ក្នុងឱកាស​អញ្ជើញ​ស្វាគមន៍​ដល់​ភ្ញៀវ​ទេសចរណ៍​ទាំងនេះ នៅក្នុង​ព្រលានយន្តហោះ​អន្តជាតិ​ភ្នំពេញ​បាន​មានប្រសាសន៍​លើកឡើងថា​៖​កម្ពុជា​ពិតជា​ប្រទេស​គោរព​នូវ​សិទ្ធិមនុស្ស​និង​មាន​មនុស្សធម៌​ពិត​ប្រា​ដក​។​ខណៈដែល​រាជរដ្ឋាភិបាល​បាន​ជួយសង្គ្រោះ​មនុស្ស​ចម្រុះ​ជាតិ​សាសន៍​ឱ្យមាន​សេរីភាព​វិញ​ក្រោយ​មានការ​ជាប់គាំង​នៅលើ​នាវា​Westerdam​អស់​រយៈពេល​ជាង​ពីរ​សប្តាហ៍​ហើយ​ត្រូវបាន​ប្រទេស​ដទៃ​និង​កោះ​នានា​បដិសេធ​មិនឱ្យ​ពួកគេ​ចូល​សំចត​ដោយ​ភ័យខ្លាច​ពួកគេ​មាន​ផ្ទុកមេរោគ​កូ​រ៉ូ​ណា​ថ្មី​នោះ​។​

​លោក​អភិបាល​រាជធានី​ភ្នំពេញ​បាន​អះអាងថា​៖​មិន​ត្រឹមតែ​ប៉ុណ្ណោះ​សម្ដេច​អគ្គមហាសេនាបតី​តេ​ជោ​ហ៊ុនសែន​បាន​អញ្ជើញ​ទៅ​ទទួល​ស្វាគមន៍​ដោយផ្ទាល់​ភ្ញៀវ​បរទេស​ចំនួន​ជាង​២.០០០​នាក់​ដែល​ជិះ​លើក​ប៉ាល់​ចូល​ចត​នៅ​ក្រុងព្រះសីហនុ​ដល់​ក្រុងព្រះសីហនុ​។​សម្ដេច​បាន​យកចិត្តទុកដាក់​ខ្លាំងណាស់​ចំពោះ​ភ្ញៀវ​អន្តរជាតិ​ដែល​មកលេង​នៅ​ប្រទេស​កម្ពុជា​។

គួរ​បញ្ជាក់ថា​៖​ក្រុម​ភ្ញៀវទេសចរ​នៅលើ​នាវា​Westerdam​ចំនួន​១១៩​នាក់​ជា​ក្រុម​ជើង​ទី​១​បានធ្វើ​ដំណើរ​តាម​យន្ដហោះ​ត្រឡប់​ទៅកាន់​ប្រទេស​របស់​ពួកគេ​វិញ​នៅវេលា​ថ្ងៃត្រង់​ទី​១៤​ខែកុម្ភៈ​ឆ្នាំ​២០២០​នេះ​។​ពេលមកដល់​ព្រលានយន្តហោះ​អន្តរជាតិ​ភ្នំពេញ​នៅវេលា​ម៉ោង​៩​និង​២០​នាទី​ព្រឹក​មិញ​។​នៅ​រសៀល​ថ្ងៃ​ដដែល​នេះ​ក្រុមទី​២​ដែលមាន​ជាង​១០០​នាក់​ផងដែរ​នោះ​ក៏បាន​ធ្វើដំណើរ​ចេញពី​ខេត្ត​ព្រះសីហនុ​និង​បន្ដ​ចាកចេញ​តាម​ព្រលានយន្ដហោះ​អន្ដរជាតិ​ភ្នំពេញ​ឆ្ពោះទៅកាន់​ទឹកដី​កំណើត​របស់​ពួកគេ​វិញ​។

​គួរបញ្ជាក់​បន្ថែមទៀត​ថា​៖ កប៉ាល់​ទេសចរណ៍ Westerdam ដឹក​មនុស្ស​សរុប​ជាង ២.២០០​នាក់ ក្នុងនោះ​អ្នកដំណើរ​១.៤៥៥​នាក់ និង​បុគ្គលិក​កប៉ាល់​ចំនួន ៨០២​នាក់ បាន​ចាក​ចេញពី​ទីក្រុង​ហុងកុង ប្រទេស​ចិន កាលពី​ថ្ងៃទី​០១ ខែកុម្ភៈ ឆ្នាំ​២០២០​។​ប៉ុន្តែ​ត្រូវបាន​អាជ្ញាធរ កោះ​តៃវ៉ាន់ ហ្វីលីពីន ជប៉ុន កូរ៉េខាងត្បូង​កោះ​ហ្គាំ​(​អាមេរិក​)​និង​ប្រទេស​ថៃ​បដិសេធ​មិន​ឲ្យ​ចូល​ចត​ឡើយ​ដោយសារតែ​ការព្រួយបារម្ភ​ថា​ក្នុងចំណោម​មនុស្ស​រាប់ពាន់នាក់​នៅលើ​នោះ​អាចមាន​ផ្ទុក​វីរុស​កូ​រ៉ូ​ណា​ថ្មី (Covid-19)​។
​ប៉ុន្តែ​នៅ​ទីបំផុត សម្តេច​តេ​ជោ​ហ៊ុនសែន​នាយករដ្ឋមន្ត្រី​នៃ​កម្ពុជា​បានអនុញ្ញាត​ឲ្យ​នាវា​អាមេរិក​មួយ​នេះ ចូល​ចត​កាលពី​ថ្ងៃទី​១៣ ខែកុម្ភៈ ឆ្នាំ​២០២០​ម្សិលមិញ​។


យោងតាម​បញ្ជី​អ្នកដំណើរ​បង្ហាញ​ឲ្យ​ឃើញថា​នាវា​ទេសចរណ៍​ខ្នាត​យក្ស​នេះ​ផ្ទុក​អ្នក​ទេសចរណ៍​ចំនួន ៤១​ជាតិ​សាសន៍​។​ក្នុងនោះ​ជនជាតិ​អាមេរិក​ច្រើនជាងគេ​មាន​ចំនួន​រហូតដល់​៦៥១​នាក់​ជនជាតិ​កាណាដា​២៧១​នាក់​អង់គ្លេស​១២៧​នាក់​ជាតិ​សាសន៍​ដទៃ​ជា​បន្តបន្ទាប់​ក្នុងនោះ​មាន​ជនជាតិខ្មែរ​ដែល​ចូលសញ្ជាតិ​កាណាដា ចំនួន​៥​នាក់​៕S/​

ទីតាំងផ្សាយពាណិជ្ជកម្ម

- Advertisment -

Most Popular

កម្ពុជា​ប្រារព្ធ​ទី​វា​ជា...

ដោយ​: ជា​សីហៈ​/​កំពង់ចាម​...

​សម្តេច​តេ​ជោ ហ៊ុន សែន នឹ...

ដោយ​: មុនី​រ័ត្ន​/​ភ្នំពេ...

អនុប្រធាន​ទី​២​នៃ​រដ្ឋសភា...

ដោយៈ​សុផល​/​ភ្នំពេញៈ​លោកស...

រដ្ឋសភា បានអនុម័ត​សេចក្តី...

ដោយៈ ញ៉ែម សុផល / ភ្នំពេញៈ...