វ៉ៃកូ/ស្វាយរៀង៖ស្ត្រីវ័យ៥៩ឆ្នាំម្នាក់បានរងរបួសធ្ងន់ខណៈដែលដើរឆ្លងថ្នល់មិនប្រយ័ត្នត្រូវម៉ូតូបុកប៉ើងនិងបណ្តាលដួលម៉ូតូអូសជាង១០ម៉ែត្ររងរបួសធ្ងន់។ករណីគ្រោះថ្នាក់ចរាចរនេះបានកើតឡើងកាលពីព្រលប់ថ្ងៃទី១៣ខែកុម្ភ:ឆ្នាំ២០២០នៅលើផ្លូវជាតិ០១ស្ថិតនៅក្នុងភូមិលៀបឃុំកណ្តៀងរាយស្រុកស្វាយទាប ខេត្តស្វាយរៀង ។
សមត្ថកិច្ចបានឱ្យដឹងថា៖ម៉ូតូបើកបរដោយឈ្មោះអ៊ឹងសារុនភេទប្រុសអាយុ២៣ឆ្នាំមុខរបរកម្មកររោងចក្រ បច្ចុប្បន្នរស់នៅភូមិ រមាំងថ្កោល ឃុំ រមាំងថ្កោល ស្រុក ស្វាយទាប ខេត្តស្វាយរៀង រងរបួសស្រាល (ពាក់មួកសុវត្ថិភាព)។ស្ត្រីរងគ្រោះឈ្មោះគល់សាំភេទស្រីអាយុ៥៩ឆ្នាំមុខរបរកសកិររស់នៅភូមិលៀបឃុំកណ្តៀងរាយស្រុកស្វាយទាបខេត្តស្វាយរៀងរងរបួសធ្ងន់ត្រូវបានសាច់ញាតិបញ្ជួនទៅសម្រាកព្យាបាលនៅមន្ទីរពេទ្យបង្អែក ស្រុក ស្វាយទាប៕S/
