ដោយ:ម៉ារ៉ា/ភ្នំពេញ៖បុរសម្នាក់បានធ្វើអត្តឃាតចងកសម្លាប់ខ្លួនចោលប្រពន្ធក្រោយពេលមានទំនាស់បន្តិចបន្តួចវាយប្រពន្ធឱ្យសន្លប់កាលពីព្រលប់ថ្ងៃទី១៤កុម្ភៈ២០២០ នៅបន្ទប់ជួលមួយកន្លែងក្បែរផ្សារទួលពង្រ ក្នុងសង្កាត់ចោមចៅ១ខណ្ឌពោធិ៍សែនជ័យ។ដល់ម៉ោង១១យប់ថ្ងៃដដែល ក៏មានការភ្ញាក់ផ្អើលជាខ្លាំងម្ដងទៀតដល់ប្រជាពលរដ្ឋនិងសមត្ថកិច្ចនៅតាមបណ្ដោយផ្លូវវេងស្រេងក្នុងសង្កាត់ស្ទឹងមានជ័យ៣ខណ្ឌមានជ័យ ដោយគេឃើញសពមានឈ្មោះធឿនឃីម អាយុ៣០ឆ្នាំ មុខរបរជាងផ្សារដែកស្នាក់នៅកន្លែងកើតហេតុនិងមានស្រុកកំណើតនៅឯខេត្តកំពត ធ្វើអត្តឃាតចងកសម្លាប់ខ្លួន។
បន្ទាប់មកសមត្ថកិច្ចមូលដ្ឋានបានឱ្យប្រពន្ធនិងសាច់ញាតិជនរងគ្រោះដឹកសពយកទៅបន្ទប់ជួលដែលជាកន្លែងកើតហេតុវិញដើម្បីឱ្យជំនាញធ្វើកោសល្យវិច័យបានល្អិតល្អន់ ទើបសម្រេចតាមនីតិវិធីនាពេលក្រោយបន្តទៀត ៕S/Ha
