ថ្នាក់ដឹកនាំ​មន្ទីរពេទ្យ​រដ្ឋ​ជាង​៣០០​នាក់ ស្វែងយល់​ពី​បម្រើការ​សេវា​គំរូ​សាធារណ​នៅ​មន្ទីរពេទ្យ​កោះកុង​

ថ្នាក់ដឹកនាំ​មន្ទីរពេទ្យ​រដ្ឋ​ជាង​៣០០​នាក់ ស្វែងយល់​ពី​បម្រើការ​សេវា​គំរូ​សាធារណ​នៅ​មន្ទីរពេទ្យ​កោះកុង​

​ដោយៈ​សុ​ផានី​តា​/​កោះកុងៈ​មន្ទីរពេទ្យបង្អែក​ខេត្តកោះកុង​ធ្លាប់ជា​ជ័យលាភី​ជា​អង្គភាព​គំរូ​ខាង​ផ្នែក​បម្រើសេវា​សាធារណៈ​វិស័យ​សុខាភិបាល​នៅ​ខែសីហា ឆ្នាំ​២០១៩​កន្លងទៅ ជាក់ស្តែង​គេ​សង្កេតឃើញ​មាន​ក្រុម​ថ្នាក់ដឹកនាំ និង​មន្ត្រី​សុខាភិបាល​ជាង​៣០០​នាក់​មកពី​មន្ទីរពេទ្យ​តាម​បណ្តា​ចំនួន​ខេត្ត​២៤​ចុះ​ទស្សនកិច្ច​សិក្សា​ស្វែងយល់​ពី​ភាពជោគជ័យ​របស់​មន្ទី​រ​ពេទ្យ​បង្អែក​មួយ​នេះ​ដើម្បី​ដកស្រង់​បទពិសោធន៍​និង​កែលម្អ​ក្នុង​អង្គភាព​របស់​ពួកគេ​ឱ្យមាន​ទំនុកចិត្ត​ខ្ពស់​ពី​អ្នក​មក​ទទួល​សេវា​។​


​លោកស្រី គៀត គិច អនុប្រធាន​មន្ទីរពេទ្យបង្អែក​ខេត្តព្រះវិហារ និង​លោក អៀង ដារ៉ាវុធ ប្រធាន​មន្ទីរពេទ្យបង្អែក​ខេត្តបន្ទាយមានជ័យ​ក្នុងចំណោម​ក្រុម​អ្នកដឹកនាំ​វិស័យ​សុខាភិបាល​ប្រមាណ​៣០០​នាក់​ផ្សេងទៀត​នោះ បានឱ្យដឹង​ក្រោយពី​បញ្ចប់​ដំណើរ​ទស្សនកិច្ច​កាលពី​ថ្ងៃទី​១៤ ខែកុម្ភៈ ថា ពួកគាត់​មើលឃើញ​ពី​មាន​វិជ្ជា​មាន​ជាច្រើន រាប់​ចាប់តាំងពី​ខ្វោ​ង​ទ្វារ​ចូល​មន្ទីរពេទ្យ​រហូតដល់​បន្ទប់​ទទួល និង​សង្គ្រោះ​អ្នកជំងឺ​។ ជាពិសេស​អនាម័យ​បរិស្ថាន​សោភ័ណ​តែម្តង គឺមាន​ការរៀបចំ​តុបតែង​បានល្អ ហើយ​ធ្វើ​មិនមែន​នៅពេលដែល​ត្រៀម​ទទួល​ក្រុម​អ្នក​ទស្ស​កិច្ច​នោះទេ អាចធ្វើ​អនុវត្ត​រយៈ​យូរ​ឆ្នាំ​មកហើយ​ដែរ​។​

ថ្នាក់ដឹកនាំ​មន្ទីរពេទ្យ​រដ្ឋ​ជាង​៣០០​នាក់ ស្វែងយល់​ពី​បម្រើការ​សេវា​គំរូ​សាធារណ​នៅ​មន្ទីរពេទ្យ​កោះកុង​


​បើតាម​ក្រុម​អ្នកដឹកនាំ​មន្ទីរពេទ្យ​រដ្ឋ​ខាងលើ​អ្វីដែល​ពួកគាត់​បានឃើញ​គឺជា​គន្លឹះ​ថ្មី​មួយ​ដើម្បី​យក​នូវ​ចំណុច​ល្អៗ​របស់​មន្ទីរពេទ្យ​ខេត្តកោះកុង​ទៅ​អនុវត្ត​បំពេញបន្ថែម​នៅ​មន្ទីរពេទ្យ​ពួកគាត់​ដើម្បី​តប​នឹង​ការ​ចលា​នា​ប្រកួតប្រជែង​កែលម្អ​គុណភាព​សេវាសាធារណៈ​គំរូ និង​លើកកម្ពស់​សុខុមាលភាព​ជូន​ប្រជាពលរដ្ឋ​ក្នុង​វិស័យ​សុខាភិបាល​។​


​ក្នុង​សិក្ខាសាលា​ចែករំលែក​បទពិសោធន៍​នៃ​ការគ្រប់គ្រង និង​ការផ្តល់​សេវាសាធារណៈ​នៃ​មន្ទីរពេទ្យបង្អែក​ខេត្តកោះកុង នៅ​សាល​មហា​ស្រព​ខេត្ត លោក ហៃ ឡៃ​សុន ប្រធាន​មន្ទីរពេទ្យ​ខេត្តកោះកុង បាន​និយាយ​ដែរ​ថា បញ្ហា​ដែលនាំឱ្យ​មន្ទីរពេទ្យ​របស់លោក​ជាប់​ជ័យលាភី​ជា​អង្គភាព​ផ្តល់​សេវាសាធារណៈ​គំរូ​លើ​វិស័យ​សុខាភិបាល​បង្គ្រប់​កម្រិត​២ ក៏​ព្រោះ​តែមាន​បេសកម្ម និង​ទស្សនវិស័យ​ច្បាស់លាស់ រួមមាន​៖ របៀប​គ្រប់គ្រង​ធនធានមនុស្ស ការបែងចែក​ថវិកា​តា​ម​ទិសដៅ ភាព​រាក់ទាក់​ពាក្យសម្តី​ប្រកបដោយ​ក្រមសីលធម៌​វិជ្ជាជីវៈ​ពេទ្យ ការកែលម្អ​ហេដ្ឋារចនាសម្ព័ន្ធ​ប្រកបដោយ​សោ​ភណ្ឌ​ភាព​បរិស្ថាន​ស្អាត​ល្អ​គួរឱ្យ​ទាក់ទាញ​នៅ​ជុំវិញ​មន្ទីរពេទ្យ និង​កិច្ច​ការតាមដាន​ពិនិត្យ និង​ព្យាបាល​អ្នកជំងឺ​បាន​ទៀត​ទាត់​ពេលវេលា​។


​គួរ​រម្លឹក​ដែរ​ថា​មន្ទីរពេទ្យបង្អែក​ខេត្តកោះកុង​កាលពី​ខែសីហា​ឆ្នាំ​២០១៩​ត្រូវបាន​រដ្ឋាភិបាល​ក​ម្ពុ​ជា​ផ្តល់​ជាប់​ជ័យលាភី​លេខ​១ និង​ប្រាក់រង្វាន់​២០០​លាន​រៀល ជា​អង្គភាព​ផ្តល់​សេវាសាធារណៈ​គំរូ​លើ​ការលើកកម្ពស់ គុណភាព​សុខាភិបាល​ជូន​សាធារណជន​ក្រោយ​មានការ​វាយតម្លៃ​ប្រកួតប្រជែង​ពី​អន្តរក្រសួង​ជាច្រើនលើក​ច្រើនសារ​កម្រិត​២(CPA2) ទូទាំងប្រទេស​។​

ថ្នាក់ដឹកនាំ​មន្ទីរពេទ្យ​រដ្ឋ​ជាង​៣០០​នាក់ ស្វែងយល់​ពី​បម្រើការ​សេវា​គំរូ​សាធារណ​នៅ​មន្ទីរពេទ្យ​កោះកុង​


​កន្លងទៅ​ក៏មាន​ការតាំងពិព័រណ៍​សមិទ្ធផល​និង​ន​វា​នុ​វត្ត​របស់​មន្ទីរពេទ្យបង្អែក​ជា​ជ័យលាភី​អង្គភាព​ផ្តល់​សេវាសាធារណៈ​គំរូ​ក្នុង​វិស័យ​សុខាភិបាល​និង​ការធ្វើ​ទស្សនកិច្ច​នៅ​មន្ទីរពេទ្យបង្អែក​ខេត្តកំពង់ចាម​និង​ទស្សនកិច្ច​សិក្សា​ស្តីពី​ប្រព័ន្ធ​សុខាភិបាល និង​ការគ្រប់គ្រង​មន្ទីរពេទ្យ​នៅ​ប្រទេស​សិង្ហ​បុរី​។ កម្មវិធី​នេះ​នឹង​ផ្តល់ឱកាស​សម្រាប់​ការរៀនសូត្រ​ពីគ្នា​ទៅវិញទៅមក ដើម្បី​ផ្គួប​ផ្សំ​បញ្ញាញាណ​ធ្វើការ​កែលម្អ​សេវាសាធារណៈ​វិស័យ​សុខាភិបាល​ឱ្យ​កាន់តែ​ល្អប្រសើរ តាម​ការចង់បាន​រប​ស់រាជ​រដ្ឋាភិបាល និង​ប្រជាពលរដ្ឋ​ទូទៅ​។​


​ដោយឡែក​លោក យក់ ប៊ុន​ណា រដ្ឋលេខាធិការ​ក្រសួង​មុខងារសាធារណៈ យល់ឃើញថា វិស័យ​សុខាភិបាល ដែលជា​ឆ្អឹងខ្នង​សម្រាប់​ទ្រទ្រង់​ដល់​សុខុមាលភាព​នៃ​ប្រជាជន​ទាំងមូល ត្រូវតែមាន​ការកែលម្អ​ជាប្រចាំ ដើម្បី​ប្រជាជន​យើង មាន​សុខភាព និង​ថាមភាព​ល្អ សម្រាប់​បំពេញការងារ​ក្នុងការ​អភិវឌ្ឍ​សេដ្ឋកិច្ច និង​សង្គម​។ ដូច្នេះ​ឯកឧត្តម ពេញចិត្ត​ចំពោះ​ភាពជោគជ័យ​របស់​មន្ទី​រ​ពេទ្យ​ខេត្តកោះកុង បើ​ធៀប​នឹង​មន្ទីរពេទ្យ​នៅ​បរទេស​មិន​ចាញ់​គេ​នោះទេ​។​

ថ្នាក់ដឹកនាំ​មន្ទីរពេទ្យ​រដ្ឋ​ជាង​៣០០​នាក់ ស្វែងយល់​ពី​បម្រើការ​សេវា​គំរូ​សាធារណ​នៅ​មន្ទីរពេទ្យ​កោះកុង​


​រដ្ឋលេខាធិការ​ក្រសួង​មុខងារសាធារណៈ ក៏​ជំរុញ​ដល់​ថ្នាក់ដឹកនាំ​មន្ទីរពេទ្យ​ដែល​បានមក​ទស្សនកិច្ច​នៅ​មន្ទីរពេទ្យ​ខេត្តកោះកុង សិក្សា​រៀនសូត្រ​ពីគ្នា​ទៅវិញទៅមក ដើម្បី​អនុវត្ត​កែលម្អ​ចំណុច​ខ្វះចន្លោះ​នៅតាម​អង្គភាព ឱ្យ​កាន់តែ​ល្អប្រសើរ សំដៅ​ប្រែ​ក្លាយខ្លួនជា​មន្ទីរពេទ្យ​ផ្តល់​សេវា​សុខាភិបាល​សាធារណៈ​ប្រកបដោយ​ទំនុកចិត្ត​ពី​ប្រជាពលរដ្ឋ​
​សម្រាប់​ឆ្នាំ​២០២០​នេះដែរ រដ្ឋាភិបាល ក្រសួង ស្ថាប័ន ពាក់ព័ន្ធ​នឹងមាន​រៀបចំ​ការប្រកួតប្រជែង​ការផ្តល់សេវា​សាធារណៈ​គំរូ​ផ្នែក​សុខាភិបាល កម្រិត​មណ្ឌល​សុខភាព​ទូទាំងប្រទេស​ដែល​ផ្តើម​នៅ​ខែមិថុនា ឬ​ខែកក្កដា ខាងមុខ​។ រីឯ​មន្ទីរពេទ្យ​ថ្នាក់​រាជធានី ខេត្ត នឹង​រៀបចំ​ជាថ្មី​ម្តង​នៅ​ឆ្នាំ​២០២២ ដើម្បី​ទុកពេល​វេលា​ចែករំលែក​បទពិសោធន៍​ចំណេះដឹង​ទៅវិញទៅមក​៕សរន

ថ្នាក់ដឹកនាំ​មន្ទីរពេទ្យ​រដ្ឋ​ជាង​៣០០​នាក់ ស្វែងយល់​ពី​បម្រើការ​សេវា​គំរូ​សាធារណ​នៅ​មន្ទីរពេទ្យ​កោះកុង​
ថ្នាក់ដឹកនាំ​មន្ទីរពេទ្យ​រដ្ឋ​ជាង​៣០០​នាក់ ស្វែងយល់​ពី​បម្រើការ​សេវា​គំរូ​សាធារណ​នៅ​មន្ទីរពេទ្យ​កោះកុង​

ទីតាំងផ្សាយពាណិជ្ជកម្ម

- Advertisment -

Most Popular

ក្មេងស្រី​អាយុ​មួយឆ្នាំ ប...

​ដោយៈ ស​រិ​ទ្ធ / កណ្ដាលៈ ...

លើក​ពេល​សវនាការ សំណុំរឿង​...

​ដោយៈ ស​រិ​ទ្ធ / ភ្នំពេញៈ...

រដ្ឋបាល​រាជធានី បាន​នឹង​ក...

ដោយៈ រ៉ា​ម៉ន / ភ្នំពេញៈ ល...

សម្តេច​តេ​ជោ​ស្នើឱ្យ​មេធា...

ដោយៈ​តារា​រិ​ទ្ធ​/​ភ្នំពេ...