ដោយៈចាន់តូ/ភ្នំពេញ៖យុវជនម្នាក់ស្លាប់និងយុវជន ម្នាក់ ទៀតរងរបួសធ្ងន់ បន្ទាប់ពីជិះម៉ូតូរត់គេចពី រថយន្តមួយគ្រឿងដេញបុកពីក្រោយកាលពីវេលាម៉ោង១២និង៥៥នាទីយប់រំលងអធ្រាត្រឈានចូលថ្ងៃទី១៥ ខែកុម្ភៈឆ្នាំ២០២០ត្រង់ចំណុចមុខសាលាភូមិន្ទរដ្ឋបាលតាមបណ្តោយផ្លូវ៦៣កែងនិងផ្លូវ៤៦៦ ក្នុងសង្កាត់ ទន្លេបាសាក់ ខណ្ឌចំការមន ។
អ្នកបើករថយន្តបង្កមានឈ្មោះយិនសាវឿនភេទប្រុសអាយុ៤០ឆ្នាំមុខរបរបើករថយន្តស្នាក់នៅបន្ទប់ជួលម្តុំចោមចៅខណ្ឌពោធិ៍សែនជ័យបើករថយន្តម៉ាកអាផាត(ALPHARD)ពណ៌ខ្មៅស៊េរីឆ្នាំ២០១៩ពាក់ស្លាកលេខភ្នំពេញ2BB.5573បើកតែម្នាក់ឯង។ជនរងគ្រោះដែលស្លាប់មានឈ្មោះគីមឡេងភេទប្រុសអាយុ២០ឆ្នាំមុខរបរជួយលក់គុយទាវជាអ្នកអង្គុយពីក្រោយ។ចំណែកម្នាក់ទៀតដែលរងរបួសធ្ងន់មិនត្រូវបានស្គាល់អត្តសញ្ញាណនោះទេជាអ្នកបើកម៉ូតូម៉ាកហុងដាពាក់ស្លាកលេខភ្នំពេញ1HA.2009 ។
ក្រោយពីកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចចរាចរក្រុងមកពិនិត្យមើលនិងសួរនាំហេតុការណ៏ រួចប្រាប់ថាករណីនេះជាករណីដេញបុកសម្លាប់ជាករណីបទល្មើសព្រហ្មទណ្ឌ ។រួចចរាចរក្រុងបានប្រគល់ទៅឱ្យផ្នែកព្រហ្មទណ្ឌដើម្បីចាត់ការបន្តទៅតាមនីតិវិធី៕S/
